تخلص من الذباب المزعج (( صوره ))

[عاشق صيد]

السلام عليكم

كما تعلمون بأن هذه الأيام تكثر الكشتات والطلعات البرية وأيضاً يكثر الذباب وهو بلا شك يشكل مصدر إزعاج وينغص على الناس طلعتهم ....

وجدت هذه الصورة في أحد المنتديات ويقال أنها فعالة في إبعاد هذا الزائر المزعج ...

والطريقة هي غرس أعواد من القرنفل ( العويدي ) في الليمون كما تشاهدون في الصورة

,,,,,, للأمانة أنا ما جربتها ,,,,,, لكن تبدولي ممكنة

http://up.t-cops.com/upload6/t-cops.com_67426007.jpg

[رياح الشرق1]

ههههههههههههههههه حلوه

[ابوفهيدان]

اذا انت في البر يبيلك عشرين ليمونه واكثر
بس انا شفت في سوريا يقطعون كم بصله لنصفين ويوزعونها بالخيمة يقولون ان الذبان لاشمها طلع برا الخيمة والصراحه انا ماشفت النتيجه لاني طلعت قبل الذبان من الريحه

[ابو صعب]

نجرب تسلم...

[ابن مسعوده]

اذا انت في البر يبيلك عشرين ليمونه واكثر
بس انا شفت في سوريا يقطعون كم بصله لنصفين ويوزعونها بالخيمة يقولون ان الذبان لاشمها طلع برا الخيمة والصراحه انا ماشفت النتيجه لاني طلعت قبل الذبان من الريحه


هههههههههههههههههههههههههههههههههههههههههههههههههه هههههههههههههههههههههههههههههههه

[أبوفهد7]

ان مجربه بالبيت قبل سنتين ونجحت اخذت ليمونتين وقطعة كل وحده 4 اقسام وزعتها بالصالة مع غرس القرنفل مسما عندنا بالقصيم ( المسمار ) وخلها

[الصفراوي]

للأسف تم تجربتها ويبدوا أن الذباب لابس كمامات يجي ويوقع عليها ذبانا أقشر ماتهمه ها لأمور ياله بف باف وياله مهوب مثل ذبان الفنادق ياي مايتحمل اي روايح

[ذيب الفيافي]

يقولون لو علقت بالخيمة او على الشجرة قريب منك اكياس بها ماء يروح الذباب . ....

[رمثان155]

قصيده قالها أحد الشعراء عندما كان لايمكلك أى جنسيه أخترت منها هذى الشطر ...


(جانى الذباب وطن وطن وطن وطن حتى الذبااااااب يبحث عن وطن)

[شتيوي2009]

سهله نجرب ليه لا...مشكور اخوي

[ml7_najd]

اذا هالحل فعّال ...يكون حل بسيط وريحة الليمون مع القرنفل
حلووووه..
تسلم اخوي ونجربها خاصة عيد الأضحى قرب
ومع دم الأضاحي الذباب يحجب الشمس من كثرته..
عساه ينقرض يارب ماااااااااااااااأحبه

خاصه اللزقه منهم ..
:(

[زلاف]

مشكور ماقصرت

[الفارس290]

ههههههههههههههههههههههههه
حلوة صراحه مشكور انجرب؟؟؟

[ابو شكاع]

كنا أمس على ضفاف بحيرة العوشزية عصرا
وكان الذباب يتواجد بكثرة
أحضر أخوي معه سم مخصص للذباب ....وحطه ...
السم على كلامهم يجذب الذباب ...وفعلا كان الذباب يتجه له لكن مهوب بالشكل اللافت
نقدرنقول مثلا 30% من الذباب الموجود اتجه للصحن اللي فيه السم
وبعد ماياكل من السم شوي ويفنقس بوسط الصحن :d
ويقولون إن حتى لو عصفور أكل الذباب بعد هالسم يموت العصفور
عاد أنا مافوت الفرصة لقطت له صور وهو مفنقس
إن شاء الله أنزلها بوقت ثاني
طبعا يقال إن رائحته تجذب الذباب لو كان بالبيت لكن بالبر الوضع يختلف لأن المكان مفتوح
والله أعلم

[أبويحيى]

انا الله يسلمكم جربت حبيبات تباع عندالصيدليات البيطريه اللي عند سوق الطيور اوالحمام
تحط منها مايقارب ملئ الفنجان تكبها علىباغه اولصتك مفرقه ثم تبخ عليها ماء ... خلها
قريبه من الجلسه ... مالها ريحه ولا كنها موجوده بعد نص ساعه تقريبآ ستجد اللصتك اسود
منهن وبلفعل ينفع كثير معهن هاللزقات

[المغرز]

مشكووووووووووووور
تحياتي

[عوكاس]

اذا هالحل فعّال ...يكون حل بسيط وريحة الليمون مع القرنفل
حلووووه..
تسلم اخوي ونجربها خاصة عيد الأضحى قرب
ومع دم الأضاحي الذباب يحجب الشمس من كثرته..
عساه ينقرض يارب ماااااااااااااااأحبه

خاصه اللزقه منهم ..
:(
بس وش الحكمة انا دخلت محل يبع فوكه لقيت الذباب متجمع على كرتون لليمون

[محمد بن سعيد]

فيه بعد طريقة للتخلص من الناموس المزعج جداً وهو وضع مزيل المناكير في غضاره صغيره وبعدها نم تقوم الصبح تلقى كل البعوض في الغضاره وانا مجربها

[الثقيل]

فكرة جيدة

وأفكار رائعة

هل من مزيد

[الطرفاوي@]

بارك الله فيك صحيح انه مزعج بس بدونه ماتحلا الكشتات مثل هالايام
مشكور

[لعيونك؟]

الله يعطيك العافية
وهذا متى هذي الطلعة صراحة انت OK

http://up106.arabsh.com/s/4o7a8bmmo6.jpg

[عاشق صيد]

ماشاء الله انا حطيت الموضوع أمس ونسيته وش هالردود,,,,,,,,,,,,,,,

الظاهر كلكم تعانون ههههه

[عاشق صيد]

بس وش الحكمة انا دخلت محل يبع فوكه لقيت الذباب متجمع على كرتون لليمون

علشان ما فيه مسمار هههههههههههههه

المسألة معادلة كيميائية

[الموج العاتي]

فيه بعد طريقة للتخلص من الناموس المزعج جداً وهو وضع مزيل المناكير في غضاره صغيره وبعدها نم تقوم الصبح تلقى كل البعوض في الغضاره وانا مجربها
وش الغضاره؟؟:D :D ;)

[حبيبتي شقراء]

الطريقه ناجحه 100%

ومجربه شخصيا

مشكور اخوي

[الكونترولCONTROL]

هذه حرب نفسية على الذباب ؟؟؟!!!
هذه حرب نفسية على الذباب ؟؟؟!!!
هذه حرب نفسية على الذباب ؟؟؟!!!
هذه حرب نفسية على الذباب ؟؟؟!!!
هذه حرب نفسية على الذباب ؟؟؟!!!
هذه حرب نفسية على الذباب ؟؟؟!!!
لأنه يخيل له وجود ذباب أكبر منه بسبب تواجد العودان السود !!
بعدين ذباب البر ليس كذباب المدينة !!
و الله يكفينا و اياكم شر كل دابة هو آخذ بناصيتها

[الكافي]

وش الغضاره؟؟ :D ;)


الكفاره أو بمعنى الغطى ( غطى زجاجة البيبسي وغيرها ) فهمت :D

[al360f]

يعطيك العافيه والتجربه خير برهان

[المخاطر]

يمكن يقع الدباب علئ الاكل بعدالسم

[عوكاس]

وش الغضاره؟؟:D :D ;)(الطاسه اوالغرشه)

[دهران]

الأخ الغالي / عاشق صيد


الله يعطيك ألف عافية على هالموضوع اللي جاء في وقته ....


وهالحين إن شاء الله نجيب كيلو ليمون ونصف كيلو عويدي ونجرب ونشوف .... (( والتجربة خير برهان ))


وتقبل أعذب وأرق تحية .

[الغزال الشارد]

حلوة صراحه مشكور انجرب

[عاشق G M C]

فكره مبتكره

[همس الغدير]

مشكور ... نجرب ونشوف

[راعي وطيه]

ههههه بجربها ان شاء الله

[ابوليان2009]

الاسبوع الماضي طلعت البر حول ملهم والله يافي ذباااااان طيارات والله بهذلتنا مازان الجو
الا حول المغرب ابجرب اليوم الليمون مع القرنفل يعطيك العافية

[راع الجمس]

[انا قد شفت واحد يصلخ وابلشه الدباب (حلوه الدباب ما عندي حرف الزال)ههههههههههههههههههههههه

بعدين جاب له صحن وفرشه سكر وحط عليه شوي ما حار واشوف الدباب (ابو هالدباب)

يطب بهالصحن ولا يقلع

[أبوعبدالاله]

مشكور أخي على هذا الموضوع 0والحمد لله على قول المثل (سنة ذباب ولا سنة قراد)

[أبونورة777]

نعم سمعت بهالطريقة من فترة .. وذكرتني فيها صراحة .. وجربتها اليوم الظهر على الغداء .. والمفعول كويس .. بس البزر بدا يطلع من المسمار وياكل :( لأني حاط الليمون والمسمار على السفرة .. لأني لاحظت الذباب يقرب ويتمادى بالهجوم علينا إذا أبعدت الليمون عنا .. لذلك خليته جنبنا .. وانقلع الله لا يرده


بالتوفيق

[البلاجي333]

ان شاء الله تكون طريقة ناجحة .. بس بالبر لاحظت شي وهو ان الذباب يتجمع بشكل غير طبيعي

على المكان الي فيه ماء وخاصة اذا كان على الارض .. يعني اسكب كمية من الماء على الارض

وراح يتجمع عليها أغلب الذباب ..

[ابو سمر]

فكرة جميلة الله يعافيك ..

أمس واليوم لم أتهنأ بالغداء في البر بسبب الكميات الكبيرة للذباب التي هاجمتنا ..

شكراً لك ..

[مجهول الوجود]

ياليت والله ينفع معه شئ يحوس الكشتات وينكدها
نجرب ونشوف
سلمت يمينك

[al-anzi]

هههههههههههههههههههههههههههههههه
حلوه

[منصورالمنصوري]

مشكور ماقصرت

[راعي دسمه]

انا جربت الطريقه
صراحه الذباب يوقع عليها
مانفع فيه شي

[دكتور بر]

أشكر أخي صاحب الموضوع
ودي يا أخوان نذكر بعض الشعبان المشهورة بالذباب
أنا عن نفسي يوم الخميس بعد ما طلعنا الدهناء رحنا شعيب الفويلق وهو غرب رماح
والله يا جماعة ان الذباب في كل مكان ولا قدرنا نتغدى
وضفينا أغراضنا وكملنا طلعتنا حول خريم ولو انها زحمة بس ارحم من الذباب