لي السنيدي

[عاشق برادو]

السلام عليكم ورحمة الله وبركاته


حبيت أسأل أحد منكم جرب حنفية الستيل للسنيدي اللي يجي معها شفاف . هل هي عملية وهل لها بديل؟

[aldrawy]

مساك الله بالخير
لايحوشك وعليك بالبزبوز الي مثبت في الطنب

[عاشق برادو]

كيف يعني؟ لم أفهم عليك؟

[big boss]

يعني ابعد عنه

[mr_ams]

انا اشوف انها ما شي حالها و شكلها زين و احسن من غيرها وخاصة المديل الجديد الي له رجلين

[ابن مسعوده]

والله ماأدري وش هلبزبيز اللي انتم تتكلمون عنه يليت يكون فيه صور على شان اعرفه

[الشاهين2004]

اشوف الدعوى ما تستاهل كلها بزبوز بثمانيه ريال وان ما جازلك ذبه في وادي الرمه . الي يقول ما فهمت والي يقول ياليت تنزل له صور خلو النقاش لشي يستاهل ( هذا رأيي الشخصي )

[عاشق برادو]

أول شيء مب بثمانية الله يصلحك - شكلك عجل- تراه بـ 35 ريال, وبعدين حبيت أعرف وش تعيبون فيه عشان أحاول أضبطه ولا هو عندي.

[دغيم1]

السلام عليكم ورحمة الله وبركاته
حياك الله اخي الكريم
أفضل طريقة لعمل (( بزبوز ، ( حنفية ) ، صنبور . ))
أحضر قاعدة أنتل آيكوم - وقم بإلغاء راس القاعدة حق الأنتل ثم أحضر حنفية البلاستيك القوية التي تجدها لدى محلات الزراعة
ويكون لها رأس سنه ، وثبتها في قاعدة الآيكوم
ووصل لها لي من التانكي او الجيك
وبكذا تكون القاعدة تثبت في أي جسم حديد لأن فيه مغناطيس قوي حق القاعدة
ويكفيك أنه يثبت في أي مكان حديد ولايخرب ولايتحرك من مكانه
تقبل تحياتي

[ابوفيصل9]

افضل الحنفيه ام وتد

[ابوسعودد]

انا شريت من العليان قاعده وفيه مغناطيس وحنفيه بلاستيكيه غيرت الحنفيه البلاستيكيه وحطيت وحده من محلات السباكه اصليه ماشيه زي اللوز