تكفون يأهل الجيوب النيسان عند مشكلة

[جميل المغازي]

السلام عليكم
اخواني الاعزاء انا لقيت جيب عند واحد محافظ عليه مره وهو نيسان صالون فل كامل فتحة في السقف
انوار زنون ثلاجتين بودي بلاده داخلة جديد على يد راعيه من الوكالة ماشي 150 الف موديلة 98لونه اخضر عشبي
والرجال حده علي بــ 54000 ريال
اشتريه ولا
وهل قيمته مناسبة
تكفون ابي رد خبير

[باترول للأبد]

وعليكم السلام ورحمة الله وبركاته

ماشاء الله مبين على الموتر من وصفك له نظيف ويستاهل القيمه المطلوبه فيه لاكن لوينزل السعر لـ 50 الف أفضل

[جميل المغازي]

والله انك صادق وهذا الي انا بغيته لاكن الرجال مطيره

[جال النفود]

صرآحة يالغالي ..

الموتر على كلآمك آن نظيفة و وردهـ ..

لكن للشيء حدود وآن كآن نظيف لآ يضرب بسعرهـ لفوق ..

الموتر لآ يفوتك .. بس بـ 54 آلف غآلي شوي والله ..

ومثل مآ قآل آخوي بآترول للآبد .. لوبـ خمسين توكل على الله ..

وعسى الله يوفقك ..

[badr2007]

حقه بين 42 الى 46 على اي حد لايمكن تجاوزه
لان النظيف 2001 مايوصل 52 استحاله جدا

[جميل المغازي]

اخوي بدر
وين اسعارك هذي مالقيناها
النيسان السوبر سفاري الـ 98 99 2000 2001
مادون الخمسين شي في معارض الطائف بريده الرياض شروره
علما بان الحيب الي اقوله مسيوم بـ 53000 وانا واقف ولا باع

[الذيب911]

الله يووفق

اذا ماانت مستعجل اصبر .. بتنزل المواتر


وانصحك نصيحه اخويه :)

دايم اكررها هنا

رح لم مركز المعلومات في معارض النسيم خلف وكالة تايوتا اللي على خريص


اطبع برنت كامل عن السيارة اللي تبي بمعارض النسيم اكثر من 100 معرض


بـ 25 ريال + ارقام المعارض للأستفسار والموديل والمميزات والخ .


فقط بـ 25 ريال . برنت كامل علشان تكون على بينه بأذان الله 100%100



والله يوووووفـــق

[سيف1420]

اخوي سواق الحراثه
اذا كان الموتر نظيف وعارفه انت زين وعلى يد راعيه وكاله فلايفوتك بعدين تراه مازاد في سعره كثير واللي بيستخدم ماتفرق معه الفين والاثلاثه نصيحتي خذه ولاتشاو
مع العلم ان اسعار التسعات النظاف في بحر 58 وبعضها يأصل 60 توكل على الله واستخر

[جميل المغازي]

انا ماعندي مشلة في شريته بس خايف السيارات
بعدين تطيح الا وهو مايسوى 25000

[(مواصل)]

اكيد يرتفع السعر بالشتاء وخصوصا وقت هالامطار
لكن اصبر شهر وبينزل لحد 50 الف

[ابن مسعوده]

اخوي انا شريت بترول 98 فل كامل فتحه ثلاجه وحده ماشي 98 نظيف مره مشاء الله عليه من أمراءه من الأمارات كلف علي ألين جا الرياض 54 الف ريال
وواحد من زملاي باع جيب 2001 عايد نضيف بسم راعيه وكاله 60 الف ريال قبل 3 ايام

[جميل المغازي]

والله شكلي بتروح دراهمي وانا ماشريت خايف من النزول

[أبوعزام مهاجر]

با لنسبه لقيمه الباترول تاصل 60الف ودخل المعارض وشف الاسعار ,,,نص فل موديل 98قيمة من52الى55الف.............

[مقلع الرمث]

ياااخوي غاااالي غاااالي مره ولا تقربه هذا سعر 2001 وين يبي فيه هذا والله حنا بايعين واحد قبل ممكن 4 سنوات نظيف مره موديل 99 نظيف مره بايعينه بالستينات وين يبي هذا وسعره والله مايتعدى اذا ضرب ضرب بوزه ماتعدى 47 الف والله خله يدخله المعارض والله ماااراح يجيبله ولا 44 بس خلها اخطابه زود فيه 3 الاف وغيره لاتزود ترااه غالي

[جميل المغازي]

واالله مالقيت في المعارض النضيف الي قيمته معقولة

[salih100]

هوه غالي ,,,,,,,,بس تبي نصيحه الاربع الاف الي تتردد على شانها والله ان تصلح فيها اقل شي جلد وتربيط وتنجيد وركب وغيرها طبعاً هذا اذا كان الموتر نظف مره مره مره ,,, ولا اصبر شوي لمى ترخص السيارات ومشكلتنا اذا الواحد عجب بسياره تعلق مخه فيها ,,,, فانا اقول اصبر ثلاثه شهور اذا تقدر

[الساهر2003]

اخوي باختصار شديد
س / ممكن تذكر لي وقت مضى نزلة اسعار جيب النيسان او التيوتا اكثر من 6000 ريال
ج/ كل سنة تزيد اسعار المستعمل النظيف الياباني يعني ممكن تشتري هذا الجيب 54 الف ريال والسنة الجاية تبيعه ب 49 الف مع استخدامك وهذا يعد انك كسبان
- العزايم معها غنايم -

[حكم ساحة]

حقه بين 42 الى 46 على اي حد لايمكن تجاوزه
لان النظيف 2001 مايوصل 52 استحاله جدا

أنا مع أخوي بدر
لكن إذا كان نظيف جداً{ خصم } يسوى 58 ألف
وتلقى أحياناً أجد منه من ناحية الموديل ولكن أرخص منه
لأن الجيوب تحكمها النظافة في البدي والمحركات وليس الموديل

[ابوسعودد]

توكل على الله واخذه يارجال ... الموتر فيه زياده شوي بس مثل ماقلت الموتر ممشاه قليل جدا واذا ناوي تستخدم صدقني لايفوتك واذا راح عليك الموتر رح دور لك واحد مثل نظافته
اما عن نزول الاسعار فهذا يعتبر بعلم الغيب
الله يكتب لك الخيره ان شاء الله .......... والله والله بالاستخاره