ياجماعة نويت أشتري جهاز قارمن ... ومحتار بين النوفي و 276 سي

[حمد 2003]

السلام عليكم ورحمة الله وبركاتة


صبحكم الله بالخير يأعضاء منتدى مكشات


نويت أشتري جهاز قارمن وحيث اني حديث عهد بالأجهزة الملاحية.. وتعرفون أصحاب المحلات كل يمدح سلعتة !!


وأغلبهم يركز على هالجهازين (النوفي و276 سي)


قلت مالي الا أعضاء منتدى مكشات هم اللي بيدلونك على النوع الطيب وعلشان أسهل المهمة ... هذة بعض المميزات التي أريدها في الجهاز:


1- سهل في تسجيل إحداثيات المواقع (اماكن جديدة) كذلك سهولة في الذهاب الى المواقع (ما هوب بثر)


2- عربي وانجليزي



3- الدقة من ناحية مواقع الصحراء (دليلك في البر وما يضيعك) أبي أتعمق في البر على كيفي وارجع للموقع اللي جيت منه بسهولة


4- سهل الأستخدام وعملي

[a2020]

السلام عليكم
أخوي jacophama أن بغيت الجي بي أس للبر ال 276c لا يعلى عليه للبر وإن بغيت للمدن النوفي طال عمرك.
وإذا أردت للبر والمدينة عندك الله يسلمك Garmin Oregon 300 يصلح للبر والمدينة والبحر، والمواصفات اللي فيه موجوده في الأثنين ويدعم التوجيه الآلي ولكن لا يوجد به توجيه صوتي. حجمه عملي وشاشته كذلك.
والله المستعان

[ابوسفرجل]

بالنسبه للبر يوجد قارمن ب400 ريال ويأدي الغرض وفيه نظام التراك الي هو تحديد المكان وبالتوفيق انشاء الله

[خلاوي777]

اخوي الغالي
انا جربت النوفي وجربت 276 c ما فيه مقارنة
انوفي افضل و وفيه ميزيه اللي هي ادخال المكان بالعربي وفيه التوجيه الصوتي
والاخوان ما راح يقصرون معك

[حمد 2003]

السلام عليكم
أخوي jacophama أن بغيت الجي بي أس للبر ال 276c لا يعلى عليه للبر وإن بغيت للمدن النوفي طال عمرك.
وإذا أردت للبر والمدينة عندك الله يسلمك Garmin Oregon 300 يصلح للبر والمدينة والبحر، والمواصفات اللي فيه موجوده في الأثنين ويدعم التوجيه الآلي ولكن لا يوجد به توجيه صوتي. حجمه عملي وشاشته كذلك.
والله المستعان

بارك الله فيك اخوي 2020

كم قيمتة ووين اماكن البيع (اهم شي سهل الأستخدام ويفي بالغرض)

[حمد 2003]

اخوي الغالي
انا جربت النوفي وجربت 276 c ما فيه مقارنة
انوفي افضل و وفيه ميزيه اللي هي ادخال المكان بالعربي وفيه التوجيه الصوتي
والاخوان ما راح يقصرون معك

بارك الله فيك أخوي الخلاوي ..

يعني 276 مافية عربي وقصدك التوجية الصوتي (انطق اسم المكان وهو يدلني مباشرة على الموقع)

[حمد 2003]

بالنسبه للبر يوجد قارمن ب400 ريال ويأدي الغرض وفيه نظام التراك الي هو تحديد المكان وبالتوفيق انشاء الله

تسلم والله يابو سفرجل ...
ياليت اذا انت مستخدم الجهاز تذكر المميزات الأخرى وهل هو أسهل استخداما من 276 أو النوفي

هل يوجد به ذاكرة خرائط والا كيف ووين أحصل الجهاز

بصراحة ودي بجهاز يؤدي الغرض وغير معقد في الأستخدام

شكرا لك ولباقي الأخوان وبيض الله وجيهكم

[a2020]

بارك الله فيك اخوي 2020

كم قيمتة ووين اماكن البيع (اهم شي سهل الأستخدام ويفي بالغرض)
الله يسلمك سعره بالكويت بحدود 1500 ريال ، ويدعم اللغة العربية والأنجليزية ويبيعه العميري.
أما بالرياض وكيلة دار موجه على خط الملك فهد قبل لا توصل شارع التحلية تلقاه على يمينك بعد الجميح على طول.
وأنا سمته بدار موجه طلع أغلى من اللي بالكويت بحدود 200 إلى 300 ريال، وكذلك سمته بالأنترنت لقيته نفس سعر الموجود بالكويت إذا بحسب قيمة الشحن معاه. ولذلك شريته من العميري اللي بالكويت.
والسلام عليكم

[حمد 2003]

الله يسلمك سعره بالكويت بحدود 1500 ريال ، ويدعم اللغة العربية والأنجليزية ويبيعه العميري.
أما بالرياض وكيلة دار موجه على خط الملك فهد قبل لا توصل شارع التحلية تلقاه على يمينك بعد الجميح على طول.
وأنا سمته بدار موجه طلع أغلى من اللي بالكويت بحدود 200 إلى 300 ريال، وكذلك سمته بالأنترنت لقيته نفس سعر الموجود بالكويت إذا بحسب قيمة الشحن معاه. ولذلك شريته من العميري اللي بالكويت.
والسلام عليكم

أخوي الغالي a2020

بارك الله فيك وماقصرت

[a2020]

أخوي الغالي a2020

بارك الله فيك وماقصرت
حاضر طال عمرك وبالخدمة ما عملنا إلا الواجب

[المستفهم]

http://www.mekshat.com/vb/showthread.php?t=163316

[حمد 2003]

http://www.mekshat.com/vb/showthread.php?t=163316

بارك الله فيك أخوي المستفهم على إضافة هذا الرابط

وودي أعرف وش شريت من جهاز ؟ والا للحين محتار :D

[المستفهم]

مالك علي يمين إلى ساعك ومن كتابت الموضوع وأنا أبشري والنيه مطيه 276

بصرحة بس لا تعلم أحد كان معي دراهم وهالحين أخوك يالله يالله مقاضي العيد :(

[Quest]

السلام عليكم اخوي jacophama
انا مجرب النوفي وال 276 والاوريقون
ابي اقول لك ميزات وعيوب كل واحد من تجربه وانت قرر
نبدا بالنوفي 710 الي جربته
ميزاته شاشه واضحه وتوجيه صوتي وسهوله بالاستخدام ولغه عربيه وانجليزيه وتوجيه صوتي وفيه بلو توث للجوال يعني تقدر تخليه سبيكر للجوال ويشغل ملفات ام بي ثري
اما عيوبه اول عيب انه يعتمد بشكل كامل على الخريطه الي مركبه فيه يعني ما يمشي الا على خريطه لو تبيه يوديك لاحداثي بالبر بيقول لك انه مافيه شارع بالخريطه يودي للمكان الي تبيه يعني لازم يكون المكان الي تبيه على شارع من شوارع الخريطه عشان تستخدم التوجيه
ثاني عيب عدد الاحداثيات الي يخزنها 500 احداثي بس
ثالث عيب وهو اكبر عيوبه انه ما يخزن التراك يعني ما يخزن الجره لكنه يرسم لك جره اخر 1500 كيلو مشيتها بس ما يخزنها لو بغيت ترجع لها بعدين
ال 276 اهم ميزاته انه يخزن 3000 احداثي ويخزن 15 جره كل جره 1500 كيلو
اما عيوبه اولها صعوبه استخدامه بالمقارنه مع النوفي والاوريقون ولا فيه كيبورد عشان تكتب فيها اسامي الاحداثيات الي تخزنها لازم تحرك السهم فوق والا تحت الين توصل للحرف الي تبيه بالعربي يبهذلك عشان تكتب اسم احداثي ولا تقدر تسمي الاحداثي بالعربي
ثاني عيوبه بطاريته خراباتها واجد ولا يبدلونها لك لازم تشري غيرها لو خربت وقيمتها 200 ريال
ثالث عيوبه نوع الذاكره الي تركب له خاصه بالقارمن وسعرها غالي ولا تجي سعات كبيره زي الانواع الثانيه
رابع عيوبه الحجم

الاوريغون 400 t هو الجهاز الي الحين استخدمه
فيه كل ميزات النوفي ما عدا البلو توث والتوجيه الصوتي
هو يعطيك تنبيه صوتي اذا قربت للفه بس ما يتكلم زي النوفي داخل المدينه هو والنوفي واحد من ناحيه الخرايط والبحث وفيه بعد ميزات ال 276 بالبر من ناحيه الاحداثيات والتراكات يخزن 1000 احداثي و 20 تراك كل تراك 1500 كيلو
وفيه ميزات ماهي موجوده الا فيه زي الخرائط الطبوغرافيه وذاكره داخليه 4 قيقا ويقبل ذاكره خارجيه
وفيه ميزه ارسال التراكات والاحداثيات لاني جهاز اوريقون ثاني وحساب المساحه
اما عيبه الوحيد هو شاشته حجمها اصغر من باقي الاجهزه واضائتها اخف واذا استخدمت بطاريه عاديه يطفي الشاشه عشان يوفر البطاريه يستخدم بطاريتين صغار مقاس AA تكفيه 16 ساعه
اما اذا استخدمت بطاريق ليثيوم قابله للشحن او بطاريه ميتال هيدرايد ما يطفي الشاشه وفيه له شاحن بس ما لقيته عند الوكيل لو تخليه مشبوك تقعد الشاشه شغاله 24 ساعه
وماله حامل بس تقدر تستخدم حامل الجوال لانه حجمه صغير
انا عن نفسي بعد تجربه رسيت على الاوريقون 400t سعره بدار موجه 2300 بدون خرايط
اتمنى اني افدتك وعذرا على الاطاله

[حمد 2003]

السلام عليكم اخوي jacophama
انا مجرب النوفي وال 276 والاوريقون
ابي اقول لك ميزات وعيوب كل واحد من تجربه وانت قرر
نبدا بالنوفي 710 الي جربته
ميزاته شاشه واضحه وتوجيه صوتي وسهوله بالاستخدام ولغه عربيه وانجليزيه وتوجيه صوتي وفيه بلو توث للجوال يعني تقدر تخليه سبيكر للجوال ويشغل ملفات ام بي ثري
اما عيوبه اول عيب انه يعتمد بشكل كامل على الخريطه الي مركبه فيه يعني ما يمشي الا على خريطه لو تبيه يوديك لاحداثي بالبر بيقول لك انه مافيه شارع بالخريطه يودي للمكان الي تبيه يعني لازم يكون المكان الي تبيه على شارع من شوارع الخريطه عشان تستخدم التوجيه
ثاني عيب عدد الاحداثيات الي يخزنها 500 احداثي بس
ثالث عيب وهو اكبر عيوبه انه ما يخزن التراك يعني ما يخزن الجره لكنه يرسم لك جره اخر 1500 كيلو مشيتها بس ما يخزنها لو بغيت ترجع لها بعدين
ال 276 اهم ميزاته انه يخزن 3000 احداثي ويخزن 15 جره كل جره 1500 كيلو
اما عيوبه اولها صعوبه استخدامه بالمقارنه مع النوفي والاوريقون ولا فيه كيبورد عشان تكتب فيها اسامي الاحداثيات الي تخزنها لازم تحرك السهم فوق والا تحت الين توصل للحرف الي تبيه بالعربي يبهذلك عشان تكتب اسم احداثي ولا تقدر تسمي الاحداثي بالعربي
ثاني عيوبه بطاريته خراباتها واجد ولا يبدلونها لك لازم تشري غيرها لو خربت وقيمتها 200 ريال
ثالث عيوبه نوع الذاكره الي تركب له خاصه بالقارمن وسعرها غالي ولا تجي سعات كبيره زي الانواع الثانيه
رابع عيوبه الحجم

الاوريغون 400 t هو الجهاز الي الحين استخدمه
فيه كل ميزات النوفي ما عدا البلو توث والتوجيه الصوتي
هو يعطيك تنبيه صوتي اذا قربت للفه بس ما يتكلم زي النوفي داخل المدينه هو والنوفي واحد من ناحيه الخرايط والبحث وفيه بعد ميزات ال 276 بالبر من ناحيه الاحداثيات والتراكات يخزن 1000 احداثي و 20 تراك كل تراك 1500 كيلو
وفيه ميزات ماهي موجوده الا فيه زي الخرائط الطبوغرافيه وذاكره داخليه 4 قيقا ويقبل ذاكره خارجيه
وفيه ميزه ارسال التراكات والاحداثيات لاني جهاز اوريقون ثاني وحساب المساحه
اما عيبه الوحيد هو شاشته حجمها اصغر من باقي الاجهزه واضائتها اخف واذا استخدمت بطاريه عاديه يطفي الشاشه عشان يوفر البطاريه يستخدم بطاريتين صغار مقاس AA تكفيه 16 ساعه
اما اذا استخدمت بطاريق ليثيوم قابله للشحن او بطاريه ميتال هيدرايد ما يطفي الشاشه وفيه له شاحن بس ما لقيته عند الوكيل لو تخليه مشبوك تقعد الشاشه شغاله 24 ساعه
وماله حامل بس تقدر تستخدم حامل الجوال لانه حجمه صغير
انا عن نفسي بعد تجربه رسيت على الاوريقون 400t سعره بدار موجه 2300 بدون خرايط
اتمنى اني افدتك وعذرا على الاطاله



بارك الله فيك أخوي Quest وما قصرت بصراحة على هالمعلومات المفيدة

ولكن بالنسبة لجهاز الاوريغون 400 t هل هو أسهل أستخدام من النوفي و276 لأني أركز على البروليس المدينة

كذلك بالنسبة لعيوبة مافية الا الشاشة والبطارية فقط

شكرا لك

[حمد 2003]

مالك علي يمين إلى ساعك ومن كتابت الموضوع وأنا أبشري والنيه مطيه 276

بصرحة بس لا تعلم أحد كان معي دراهم وهالحين أخوك يالله يالله مقاضي العيد :(


وانا أقول الحين اخوي المستفهم صار فلتة في القارمن كود نتعلم منه :D

كل تأخيرة وفيها خيرة :p

[aassem34]

مافيه فرق بين كل الأجهزه والجوال والجوال
اسهل وفيه كل الموصفات واي شي بقارمن
الجوال انا جاهز

[جخرحسو]

سؤال ؟اخوي الجوال زين مثل القارمن وهل تركب عيه خرايط البر وشو مميزاته

[shaheenshah]

انت تبيه للبر
خذلك 276 وفك نفسك