يوسف الخليفة1
26/11/2008, 07:50 PM
غنا الحمام اليوم في عالي الحير=ويزهاك معزوف الطرب يا حمامه
جتنا ركوم النود مع مقدم الخير=مثل الجبال اللي سفيعن دهامه
شفنا مناشيها تجي كنها كير=غطت غروب الكون زان ارتكامه
مزرقتن مسودتن تخرع الطير=حتى البشر يبغون منها السلامه
لكنها خيرن ورحمه وتبشير=بامر الولي تاتي رفيعن سنامه
يوم ادلهمت بالفضا كنها النير=وتسحب مواخرها ثقيلن غمامه
وكل المراصد صرحوا بالتقارير=في نشرة الارصاد وصفة رهامه
قالوا غشتكم بين فرحه وتحذير=ثقيلتن فيها الرعد والضرامه
وقامت تزايد بين حمره وتسمير=واطرافها صارت سواة الثغامه
وسبحان منشيها تطلت على عصير=والبرق يقدح من مثاني جهامه
وتهاملت فوق الطعوس المداهير=وترشق على القيعان وتنسف رمامه
وهمالها قايم سواة المعاصير=يدور بالبيدا سريع ابترامه
وضيق الوبل يغشاه ودق الشخاتير=يمطر على المرماث ونبت الثمامه
والليل كله نثرها بالمحادير=مع كل ساعه يستزيد التمامه
سيلن تشعثر والجذايب مهادير=والما على الوادي تحدر وضامه
وتفدقت كل الحبوس المزابير=واصطكت الشعبان واجلت هوامه
تساوت القيعان عقب العثامير=ومع كل فجن مستشر اقتحامه
والما تحدر للمنافيد ويحير=مثل البحر غطا النخل والهدامه
يومين ولا شفنا حمام وعصافير=باعشاشها محرومتن من طعامه
واسبوع وبانت بادرات المباذير=واشفا بها العرجون متروس قامه
وانغسلت الاشجار وردّت بها البير=والجو صافي عقب وقت الكتامه
منولن مانا بليّ المواطير=واليوم قلته جا لها الطير وحامه
ماها قراحن ما درج بالمواصير=واللي وردها ما تجيه الملامه
يالله تجاوز عن ذنوبن وتقصير=واكتب لنا الجنه بيوم القيامه
اليا حصل عفوك فلا يهمنا الغير=ومن يرجي المخلوق حاش الندامه
( يوسف الخليفة )
جتنا ركوم النود مع مقدم الخير=مثل الجبال اللي سفيعن دهامه
شفنا مناشيها تجي كنها كير=غطت غروب الكون زان ارتكامه
مزرقتن مسودتن تخرع الطير=حتى البشر يبغون منها السلامه
لكنها خيرن ورحمه وتبشير=بامر الولي تاتي رفيعن سنامه
يوم ادلهمت بالفضا كنها النير=وتسحب مواخرها ثقيلن غمامه
وكل المراصد صرحوا بالتقارير=في نشرة الارصاد وصفة رهامه
قالوا غشتكم بين فرحه وتحذير=ثقيلتن فيها الرعد والضرامه
وقامت تزايد بين حمره وتسمير=واطرافها صارت سواة الثغامه
وسبحان منشيها تطلت على عصير=والبرق يقدح من مثاني جهامه
وتهاملت فوق الطعوس المداهير=وترشق على القيعان وتنسف رمامه
وهمالها قايم سواة المعاصير=يدور بالبيدا سريع ابترامه
وضيق الوبل يغشاه ودق الشخاتير=يمطر على المرماث ونبت الثمامه
والليل كله نثرها بالمحادير=مع كل ساعه يستزيد التمامه
سيلن تشعثر والجذايب مهادير=والما على الوادي تحدر وضامه
وتفدقت كل الحبوس المزابير=واصطكت الشعبان واجلت هوامه
تساوت القيعان عقب العثامير=ومع كل فجن مستشر اقتحامه
والما تحدر للمنافيد ويحير=مثل البحر غطا النخل والهدامه
يومين ولا شفنا حمام وعصافير=باعشاشها محرومتن من طعامه
واسبوع وبانت بادرات المباذير=واشفا بها العرجون متروس قامه
وانغسلت الاشجار وردّت بها البير=والجو صافي عقب وقت الكتامه
منولن مانا بليّ المواطير=واليوم قلته جا لها الطير وحامه
ماها قراحن ما درج بالمواصير=واللي وردها ما تجيه الملامه
يالله تجاوز عن ذنوبن وتقصير=واكتب لنا الجنه بيوم القيامه
اليا حصل عفوك فلا يهمنا الغير=ومن يرجي المخلوق حاش الندامه
( يوسف الخليفة )