المرض من بنت تضربه اجهرا....؟؟,,,,{اللغز محلول},,,,{صاحب الحل:الشيخ مسكين}

[ابو ماجد 2]

السلام عليكم ورحمة الله وبركاته


وش مريض ابعونة المولى برا=لاانا الدكتـور ولانـي بيطـري
المرض من بنت تضربه اجهرا=والدواء بمخلوق يوم عضه بري





المخلوق هو من قام بعض المريض

[فهد الهلالي]

ابو ماجد
صح السانك يالزعيم واسعد الله اوقاتك
رمعه يابوماجد
يقولون من اول يابو ماجد انهم يخيطون الجروح واعتقد انها جراح الخيل بالقعر وهي نمله سوداء كبيره الحجم
حينما تعض على الجرح يقطعون راسها وتبقى على عضها وراسها مقطوع
مده طويله والله اعلم
تحياتي لك

[ابو ماجد 2]

هلا بك يابو محمد
وص بدنك
والرمعه ماصابت يالغالي ولكن خلك بهالبحر ولا تنسى
المرض من بنت تضربه اجهرا
تحيتي لك وتقديري

[فهد الهلالي]

ابو ماجد قصدك بالبحر او في هذا المجال

[ابو ماجد 2]

اخوي ابو محمد
ماعليش يالغالي قصدي بمجال هالتراثيات اللي لم يبقى منها سوى الذكرى طال عمرك
تحيتي لك

[فهد الهلالي]

ابو ماجد تحياتي لك يازعيم رمعتين
الاولى قد تكون ظربت الشمس
والثانيه الطبل او الدف
واللي تقوم بظربه اليد بس للطبل اللي تقويه وتشده النار ولك اذا كان مشقوق يمكن تكون هناك حشره ما تقوم بالشدد اوالخيلطه قد يكون بارك الله فيك

[برق القصيم]

صح لسانك يازعيم وانا مع رمعة اخوي الشيخ مسكين ضربة الشمس وعضة الهامه

[ابو ماجد 2]

ابو محمد وبرق القصيم
لله دركم جميع
نعم ضربة الشمس
وكان قديماً يتم اخراجها عبر دلك جميع الراس بأتجاه الجبين حتى يحصرها في نطاق ضيق ثم يقوم من يجمعها بعضها من وراء شماغه حتى تنفتح وبذلك يكون شفائه بإذن الله تعالى
بيض الله وجيهكم