المشوره ياهل الدرابيل ... سايز ولا شورفسكي ؟؟

[دروب السهر]

السلام عليكم ورحمة الله وبركاته


باديء ذي بدء ابارك للجميع قرب حلول العشر المباركه





الحقيقه يا اخوان صار لي فتره ابغى اشتري دربيل لاني اشوف ان الدربيل من الضروريات التي لاغنى عنها

وبصراحه الواحد مايبغى يشتري دربيل لمجرد انه يكون عنده دربيل ولكن يريد دربيل له وللزمن




كثير من الاخوه افادني ببعض المعلومات وخاصة مشرفنا القدير وذو الصدر الوسيع والنفس الطيبه

بارود برنو وقررت افاضل بين السايز والشورفسكي خاصة اذا كان السعر فيه فارق واضح






يا اخوان حصلت السايز الكلاسيك 7 *50 بسعر 6000 ريال


والسايز القديم ( الطويل شوي ) يقولون عليه عرض رغم ان ارقامه افضل 8*56 بسعر 5000 ريال




الشورفسكي 7 * 42 بسعر 3600 ريال






كلا النوعين سواء السايز او الشورفسكي عليهم ضمان ثلاثين سنه اسال الله ان يمد باعمارنا جميعا على طاعته






وش تشورون علي فيه ياوجيه الخير الله لايهينكم

[NICE_DARK]

يعتمد على استعمالك شنو

والنوعين ممتازين

[الجندلي]

جرب سوارفسكي الجديد el ...افضل الموجود

[مهاجر454]

جرب سوارفسكي الجديد el ...افضل الموجود

نعم EL افضل دربيل موجود في اسواقنا حتى الان

[يوسف 206]

مثل ماقالو الاخوان سوارافسكي El ويسمونه المطور من افضل الدرابيل
لكن فيه نوع جديد عند الرمايه الي هو 10 *40 اسمه سايز فاكتوري اتوقع انه ممتاز وحجمه مناسب وخفيف

[cz527]

بحكم تجربتي له مع الزملاء وجدت السورفسكي أصفى من الزايس

[عرق رملان]

ليس لدي تجربة حقيقة
ولكن إحد الاخوان الي له خبره فيها
حسب إفادته ان السوافسكي el
المطور
إفضل الدرابيل
والله يوفقك

[بارود برنو]

اخي الحبيب ...... دروب السهر

الله يجزاك خير مانستحق كل هذا

بعدنا مقصرين معك

عموما الربع يمدحون سوارفسكي ... الجديد EL.. من وجهة نظري

انه من افضل الشركات المصنعه للدرابيل ... وسعره غالي لكن شي لك وللزمن

اتمنى ان تتوفق دائما في شراء ما تريد


في امان الله

[راعي بيشة]

الكلام شكله على دربيل شوف مش بندق


الشوارفسكي أحسن ولو ان الزايس القديم ماهوب بسيط

[ضاااري]

موضوع يضاف للمفضلة للاستفادة منه عند الحاجة

[دروب السهر]

يا اخوان الدربيل اللي تكلموا عنه الاخوان وهو الشوارفسكي المطور او El سعره بالضبط

8000 ريال وبيني وبينكم حتى لو تبيه لك وللزمن ماتشوفون انه غالي بزياده اذا ماعلمنا ان السايز

الكلاسيك سعره 6000 ريال ؟؟

[abufahad04]

سواروفسكي هو الأفضل خاصة ان الوكيل المحلي يقدم الصيانه ويرسله للمصنع في حالة تلفه نتيجة اي حادث*

[طريق الهجره]

الدرابيل الطيبه غالية الثمن ظريبة المحافظه على النظر خاصه لقنوص الوبر والصقور 00بس ياليت تباع اقساط 0000 والمثل يقول الغالي سعره فيه

[الماهر2000]

الزايس وبس اسل مجرب جميع الدرابيل بعد الزايس مافيه اولا بارد على العين جدا لايسبب صدا ع او الم فى الراس يخدم مده طويله فى حالة الاعتناء والمحافظه عليه نعم غالى لكن سعره فيه 000000000000000 تحياتى 000000000

[الربع الخالي1]

أخي العزيز دروب السهر
من وجهة نظري الشخصيه كلا النوعين لاغبار عليه ولكن اكثر الناس عندما تقول سارفوسكي يقولك وش ذا المعروف عند العامه الزايس انا استخدم زايس لاخوي رهيب مره بس عيبه الثقل لو ابي اشتري دربيل راح اخذ سارفوسكي حجم صغير وانا اخوك الدربيل الثقيل يتعبك وانت تسبر الطير فيه محل الهدف بالتخصصي عنده سارفوسكي احجام حلوه والسعر اتوقع 3600
احرص ان يكون الدربيل حجمه صغير .
اتمنى ان اكون افدتك تقبل مروري.

[شايم النوايف]

السوار ممتاز والزايس المركز الاول

[فطري]

وعليكم السلام ورحمة الله وبركاته

والعذر على التأخير بالرد (يالله حسن الخاتمة)

على العموم الأخوان ماقصرو معك وأعطوك المشورة الطيبة بإذن الله

من ناحيتي ومن تجربة شخصية أقول:

استخدم شوارسفكي منذ ما يزيد عن 19 سنة، وسبق وأن راسلت شركة شوارسفكي حول عمل صيانة لدربيلي - لإنه طاح في البحر - وتعرض للشمس فترة طويلة - ومع ذلك رائع، ولكن حبيت اسويله صيانة.

ارسلت الدربيل لهم وكانت تكلفة إصلاحة عاليه ولكن لم يأخذو مني ريال واحد،
فكوا الدربيل ونظفوه من الداخل
غيروا الربلات
وغيروا الجسم الربيلي للدربيل (متغير لونه من البحر والرمل والشمس)
وزودوني بعدة تنظيف وحامل جديد
وازيدك من الشعر بيت: إرساله وإستلامه بواسطة "فدكس" عليهم.:eek:

والله هذا التعامل الي يخلي اي واحد يشري هذا المنتج وباي ثمن.:good:

ولو تحسبها صح: 3600 ريال خلال 20 سنة!!
والله كان سعرة نفس سعره الأن

(على فكرة انا مهمل ولا اعطيه حقة من التنظيف او الحرص :mad:) ومع ذلك مبيض الوجه إلى الأن.

وأختيار الدربيل مهم جداً، خاصة للي يستخدمونه فترة طويلة لإن أي نوع آخر يمكن أن يؤثر بالعيون.

كما أن شركة شوارسفكي من افضل الشركات العالمية في صناعة الكرستال الأصلي، وهي ما تستخدمة في درابيلها، ماهو عدسات زجاج.

والله يوفقك إلى مافيه الخير

[دروب السهر]

الغالي فطري مشرفنا الرائع كل عام وانت بخير وكلامك بصراحه اشاده تفتخر فيها الشركه :)


سؤالي طال عمرك : هل فيه مفاس معين تنصحني فيه بالشوارسفكي ؟؟

[فطري]

أخي الغالي دروب السهر
وانت بخير وصحة وعافية

اعتقد بأن المقاس المفضل لدى معظم الناس هو 7*42 لصغر حجمه وخفته ومناسبة سعره
اما المقاسات الأكبر (مع إنها تقرب اكثر) إلا ان حجمها ووزنها ثقيل يشكل عليك تعليقها فترات طويلة على الرقبة.

(والشركة بغنى عن دعايتي لهم :D.. فسوقهم ماشي في معظم دول العالم)

تحياتي الخالصة لك

[هاوي3333]

الزايس بلا شك افضل شركه بصريات في العالم والدليل اغلب شركات الجوال في الاجهزه المتطوره والحديثه تكون العدسات
كارل زايس

[راشد الخلاوي]

<[أخوي يقولون ( الضايع بين الأخوان مندل ) أي ما ضاع>
أخوك الخلاوي

[بن عيد1]

أنا قناص وبر . . وآخذ بالساعت وأنا أدربل و أستخدمت غالبية الدرابيل لكن :
ثبت معي ( سوارفسكي ) وأنا قناص رجلي يهمني الوزن في المشي والطلوع والنزول ..
وجربت السوارفسكي 10*42 وجربت 30*8 وصار الدربيل الاصغر أفضل من ناحية الحمل . .
ومافيه فرق كبير في الشوف . .. اللهم الحجم حلو للصغير الحجم . .
وكل ربعنا شروا سوارفسكي حوالي 8 قناصين . . .
لكن الزايس القديم أفضل . . ولو انه ماهوب مثل السوارفسكي والفرق :
السوارفسكي : أكثر حده . .. مريح . . تحس انه مسفر ماهو مظلم . . تشوف فيه في الغلسه .. والزايس عدساته صفرا . . والان انتاجه بلغاري أو هنقاري ماهو ألماني . .
والقديم أفضل بمراحل من الجديد . .
لكن وجة نظري سوارفسكي 100% وهذا لاينقص حق الزايس
وعلى قولتهم لابغيت تحير فـــ خير . .

[حدتنى القدره]

عليك بالسوارفسكي من واقع تجربة

[fawfaw054]

السلام عليكم ورحمة الله وبركاته


باديء ذي بدء ابارك للجميع قرب حلول العشر المباركه





الحقيقه يا اخوان صار لي فتره ابغى اشتري دربيل لاني اشوف ان الدربيل من الضروريات التي لاغنى عنها

وبصراحه الواحد مايبغى يشتري دربيل لمجرد انه يكون عنده دربيل ولكن يريد دربيل له وللزمن




كثير من الاخوه افادني ببعض المعلومات وخاصة مشرفنا القدير وذو الصدر الوسيع والنفس الطيبه

بارود برنو وقررت افاضل بين السايز والشورفسكي خاصة اذا كان السعر فيه فارق واضح






يا اخوان حصلت السايز الكلاسيك 7 *50 بسعر 6000 ريال


والسايز القديم ( الطويل شوي ) يقولون عليه عرض رغم ان ارقامه افضل 8*56 بسعر 5000 ريال




الشورفسكي 7 * 42 بسعر 3600 ريال






كلا النوعين سواء السايز او الشورفسكي عليهم ضمان ثلاثين سنه اسال الله ان يمد باعمارنا جميعا على طاعته






وش تشورون علي فيه ياوجيه الخير الله لايهينكم
تبي شوري اخوي
لا تاخذهم المقاسين السابقة اذا انك قناص او هاوي تدربل (((( غير عمليين))))
خذ مقاس ((((((( 8×30)))))) فقط حجم وعملي
واذا عندك فلوس خذ جديد منهم والاول سوار فسكي ثم اليكا ثم السايز
وانصحك بالسايز مستعمل تحصلة 1000 الى 1500 في محلات القناصة بس دور
واذا تبي شئ يقوم بمقام الدرابيل السابقة ونفسها تقريبا ومجربة خذ جلوري او هنتر او عبدالله صلاح الجهني او عبدالواحد بس مقاس 8×30
ودعواتك لي

[عبدالعزييز]

السايز وبس وعسى الله يوفقك

[السفيير]

الاخوان الافاضل السلام عليكم ورحمة الله وبركاته
نريد من سبق وجرب سوارفسكي 10*42 المطور ارجوا ان يكون التقرير شامل من حيث الوضوح والاستخدام والوزن وقياس المدى والصفاوة والبرودة والدقه انا عندي 8*30 الاسود ممتاز وودي اغير للافضل
لاكن نستفيد من تجارب الاخوان
اذا ما احد رد ارجوا طرح الموضوع من قبل الاخوة لحاله

[a.alsalamah]

الدرابيل اخواني شركات متعدده زي السيارت و الجولات وبنادق الصيد
وكل على حسب ميزانيته اوذوقه وفيه الي يدور الرخيص وفيه الي يدور الجوده
اما المقاسات فهي تعتمد على حسب الشخص ايش استخدامه للدربيل وحاجته
فيه ناس تبغى تتحرك مع الدربيل وتصيد المقاسات الصيره ممتازه
وفيه ناس تحب تجلس او تثبت في مكان ودربل هذا ينفع معاه المقاسات الكبيره
فا ما تقدر تحدد وش افضل شي كل واحد وحاجته