الكفرات

[بواردي الدلم]

ماهي افضل نوعية كفرات للتاهو 2003

طبعا ابي كفرات قويه وعمرها طويل وتكون لينه

[alfajeralb3ee]

ماهي افضل نوعية كفرات للتاهو 2003

طبعا ابي كفرات قويه وعمرها طويل وتكون لينه

اخوي عليك بـــ (قودير) امريكي الصنع
انا عندي يوكن جنطه 17 ومركبها قبل يومين.
قيمة الكفر الواحد 740 ريال
طبعاً هو شد بلاده بعد المشلان لاكن هو افضل من المشلان بالمواصفات
ضمان مفتوح...سرعات عاليه.....ويتحمل حراره
نسيت اقولك رقم الكفر الي هو مقاسه
17/70/265
وترى يفرق عن جنط 16 حاجه قليله بالنسبه للسعر
ولا تنسى ختم الوكيل الي هو الراشد على الفاتوره
لك تحياتي

[بواردي الدلم]

أخي الكريم / الفجر البعيد
بارك الله فيك ونفع بك

المشكله انه موتر الشايب الله يحفظه توه شاريه قبل يومين والشايب مايواطن شي اسمه قودير
يقول ابحط ميشلان ولا تو يو ولا مدري وش اركب
قلت اصبر اشاور النشاما في مكشات

[الوحش79]

الاخ بوادري

عندي لك كفرات 17 دنلوب واعتقد انك تخبر النوع هذا من دنلوب وتميزه مقاسها 275-65-17 طبعا النقشه رقم 2 مو مثل نقشة الاندكروزر
نظيفه مره ركبتها على يوكن وخلال شهر بعته دون كفراته ولامشيت فيها شي يذكر والشاهد الله
قيمة الحبه مركبها 520 وانت كلك نظر

وبالنسبه للقوديير ابعد عنه خلال سنه تغيره يخرب ويطلع ونه واكثرها تشرخ من النص
وهذي افادة اصحاب بناشر برائتا للذمه

اذا حبيت راسلني ومانختلف

والله الموفق

[.أبوعبدالرحمن]

اخوي الان مشكلة بعض الكفرات بعد ستة شهور الى سنة تتغير الى الاسوء وتكون قاسية بالحيل


الكفرات اللي انصحك بتركيبها هي:

الدنلوب الياباني
اليوكوهاما
ميشلان وهو الافضل


وشف المناسب لك

[دويدار]

اخوي العزيز ميشلان رقم واحد مافيها كلام ودنلوب وبيريللي لاتحتار ولاهم يحزنون

[خالدالعلي]

اخوي اولا لازم تشوف مقاس الجنط اذا كان 17/265/70 فهناك ميشلان وسعره تقريبا 740 ريال او قوود يير سعره 710 والضمان مفتوح للاثنين وهما الافضل وفيه غيرهم دنلوب برجستون يوكوهاما والاخير مدحه واحد من الربع ولكن لاتاخذ مقاس 65 لانه اصغر من حجم 70 بالنسبه لارتفاع السيارة والله يوفقك على فكرة الوكالة كفراتهم قوود يير

[عبود علي]

أخوي انا ركبت للجمس كفرات مشلان ممتازه جدا جدا راحت الرجه وتنسيم الهوا وموديله 2004

[alfajeralb3ee]

اخوي اولا لازم تشوف مقاس الجنط اذا كان 17/265/70 فهناك ميشلان وسعره تقريبا 740 ريال او قوود يير سعره 710 والضمان مفتوح للاثنين وهما الافضل وفيه غيرهم دنلوب برجستون يوكوهاما والاخير مدحه واحد من الربع ولكن لاتاخذ مقاس 65 لانه اصغر من حجم 70 بالنسبه لارتفاع السيارة والله يوفقك على فكرة الوكالة كفراتهم قوود يير
__________________________________________________ ___


توكل على الله وخذ يا قودير أو مشلان شد بلده

ونصيحه ابعد عن الكفرات اليابنيه
واليابانيين فاشلين بالكفرات

وخذها قاعده مني بعد ما تاخذ الكفر سنه على الاقل
بدل الكفرات يعني الي قدام حطه ورى والي ورى حطه قدام
علشان الي قدام دايم يخرب قبل الي ورى
لان الي قدام دايم يكون عرضه للتأكل من جوانب الكفر
بفعل عدم وزنية الموتر

هذي وجهة نظري ولك حريه الاختيار ورخ ريالك
ولا يغرك سعر الدنلوب ترى اهم مافي السياره الكفرات
وبعدين على فكره القودير وطيته ناعمه مو مثل البرجستون
يمكن الدنلوب وطيته ناعمه بس فاشل

[بواردي الدلم]

الوحش 79

ابو عبد الرحمن الصفيان

دويدار

خالد العلي

عبود علي

والمتألق دائما الفجر البعيد

شكرا لكم على مروركم العطر وهذا عشمي فيكم يانشاما المنتدى

ــ الوحش 79 أعتقد اللي عندنا جنطه 16 لكن ابتأكد وأرد لك على الخاص ولا تنتظرني اذا جاك زبون بع والله يوفقك بالسعر اللي يطيب خاطرك وزياده

[زمزم 100]

السلام عليك
بكم سعرها؟ وهل شريتها من الوكيل؟

[ساري 111]

ميشلان كد ومد خصوصاً المشلان المصنوع باليابان اما المشلان المصنوع بأمريكا لايهمك
او
تويو بس ترى فيه صوت شوي

ونتبه لمقاس الكفر اللي مكتوب بباب السواق خذ نفسه بالضبط

[حسين ابوفهد]

انصحك تركب برجستون واذا مالقية لا تشري إلا يكون معها ضمان

[ابوسعودد]

وين راح الهانكوك صحيح انه كوري بس الجوده ميه ميه

[مرقاب]

اخوي انا ركبت تويو ومناسبات ولا فيها اصوات

[هنتر]

عندي تاهو 2002
من شهر مركب تويو الكفر بــ 470 ولا احلى ناعم ولا فيه صوت احتكاك ومسكت فيه خط ولا اروع..
اخوي اهم شي انتبه لتاريخ الصنع

[بني حنيفة]

انصحك تركب برجستون واذا مالقية لا تشري إلا يكون معها ضمان
للأسف ان اغلب اللي ينقلبون بجيوب اللكزس وGMC بسبب برجستون لأن كل ماراح مده يتاكل من الداخل
لان نسبة مادة المطاط اقل من الكفرات الباقيه...وهو سلك موا نايلون...وينفجر الكفر فجأه ويختل التوازن...والبعض يضرب الكفر الرفرف ويخربه...بسبب برجستون مافي جوده..وع الأسف سعره مواا رخيص..

[ابوسعودد]

اهم شي تارريخ الصنع يكون جديد

[زمزم 100]

الوحش79 بوادري

عندي لك كفرات 17 دنلوب واعتقد انك تخبر النوع هذا من دنلوب وتميزه مقاسها 275-65-17 طبعا النقشه رقم 2 مو مثل نقشة الاندكروزر
نظيفه مره ركبتها على يوكن وخلال شهر بعته دون كفراته ولامشيت فيها شي يذكر والشاهد الله
قيمة الحبه مركبها 520 وانت كلك نظر

وبالنسبه للقوديير ابعد عنه خلال سنه تغيره يخرب ويطلع ونه واكثرها تشرخ من النص
وهذي افادة اصحاب بناشر برائتا للذمه

اذا حبيت راسلني ومانختلف

والله الموفق..


السلام عليك يا وحش :j

اذا كانت الكفرات معروض للبيع فأرجو منك مراسلتي ( لا استطيع مراسلتك لقلة المشاركات)
ssswaha@hotmail.com

[فقشات]

يا اخوان اخبر الوالد زمان ركب كفر بالجمس ومدحه حيل حيل
لكنه انقطع من السوق وهاليومين حصلته بالسوق وصناعته اسباني
اسمة بي إف قودريش
,,,,,P F godr
انشاء الله يعجبكم