دجاج اوحمام طازج طول مدة المكشات

[hamdani]

السلام عليكم ورحمة اللة للحصول على لحم دجاج اوحمام طازج الفكرة تعتمد علىأنك تاخذمعك للمكشات دجاج حي فمثلآ تاخذ 5 او 6 او8 من الدجاج حسب عددكم تضعهم في كرتون وفي كل يوم تذبح على كيفك وبذلك لاتحتاح الىبرادة اوثلاجة وايضا ياكل الدجاج ماتبقى من الاكل والسلام عليكم ورحمة اللة

[خواتم]

فكره حلوه

بس لو طار الحمام و هرب الدجاج ماذا نفعل؟؟؟؟؟؟؟؟؟؟؟؟

[باوزير]

او اكلهم الثعلب ايش بتسوي و لا تنسى انه بيجذب الحيوانات المفترسة مثل الكلاب و الثعالب يعني انتوا رايحين تكشتون و لا تحرسون الدجاج

بس صراحة فكرة ممتازة

[بواردي الدلم]

هذي فكره جيده وانا من اللي يتبعونها من عام 1417هـ

بس لقيت لي شي ابرك من الدجاج

خذ معك ارانب من سوق الحمام ارانب بلديه

وخلها تسرح وتمرح في كرتونها وأنصحك تاخذها في شبك انظف لهن وانفه لهن

[دهران]

الأخ الغالي / hamdani


الله يعطيك العافية على هالإقتراح والزين فيه إنه بياكل الباقي من الأكل لكن المشكلة الكبيرة هي في عملية الذبح والتنتيف وتنظيف المكان من الريش والدم وما في البطن .

وتقبل أعذب وأرق تحية .

[محمد الصرير]

انا أقول وأنا خوك لكل شيء محاسن ومساوئ ، ومشكلات الدجاج في أخذه وهو هي أكثر من أن تعد ، واختلاف الأراء لا يفصد للود قضية . ودمتم سالمين

[دبلماسي]

فكره اجربه

[مجازف2010]

ياخي خذ معك حافظه كبيره وحط فيها قالب ثلج وخلاص وريح راسك وحط فيها اللحوم وفك نفسك من الذبح ونتف الريش والاحشاء وتجمع الذباب

[سيل المعاني]

مشششششششششششششوار !!!

عجزن عن خوياي تبين اشقل دجاج

عموما تشكر على الاقتراح ....

[دكتور بر]

والله يا مرتن من المرارير جبنا معنا دجاج وديك الله لا يعيده من ديك
انحاش ولعب في حسبة أبو جدنا...وخذ يا تسحيب
واللي قهرني أكثر واحدن من الربع مصور مقطع لعبه فينا والله يستر عسى ما ينزل هالمقطع
قسم بالله ما بقي الا نثور فيه من القهر وآخرتاه مسكناه وستر ربي

[منتاز]

انفلونزا الطيور

[aboyagob]

اخوي الفكره حلوه لكن به عيوب :

1- اذا ما معك ونيت الريحه بتصك بالدماغ بتاصل وانت سكران ..

2- التنتيف والتنظيف يبيله واحدن فاضي ..

الحين الثلاجه (ايس بكس) ما تقصر خذ لك ثلج ودجاج مثلج وامورك مضبوطه

[abger]

السلام عليكم افضل من النتف هو انتسلخ الجلد انظف واسرع

[Nawaf alrawaily]

هذة طريقتي كل سنة أخذ معي عدد عشر حبات دجاج حي ( الحرس الخاص لي ) طبعاً حاطهن في كرتون وإذا جاء الليل فكيت الحلال يسرح ويمرح وإذا شافن العقرب تناتفنها تتيف وبهذة الطريقة مرتاح من سالفة العقرب :) واليوم اللي ما اصيد فيه شيء أذبح واحد من الحرس :) وأكلة وطبعاً يوم أجي بنام ادخل الدجاج داخل الكرتون لليوم الثاني وعلى هالمنوال حتى رجعنا والكرتون فاضي :)

[ابولولو]

فكره كنا قديمن نسويها
اليوم الحمد لله نجمدهن بالبيت قوه
ومع الحافظه وعدم فتحه كل شوى
تدوم البروده
شكرا لطرحك هاالفكره
موفق خير

[ياعين ابوي]

مشششششششششششششوار !!!

عجزن عن خوياي تبين اشقل دجاج

عموما تشكر على الاقتراح ....


أضحك الله سنك ,,

طيب ليش ماتاخذون قفر!!

[مقناص 20]

انشاء الله نشوف ونجرب
بارك الله فيك

[ابو عنقا]

اخوي الغالي

الآن ولله الحمد تطورت الدنيا

وصار كل شي متيسر ولله الحمد والله لايغير علينا

تقبل تحياااتي

[إبن البادية]

وعليكم السلام ورحمة الله وبركاته

فكره طيبه اذا كان العدد بسيط بس اذا العدد كبير يبغي تستأجر عامل يعتني بالدجاجات ويقوم بالواجب.

شكرا اخوي على الفكره

[مراسل الخير]

أناسويت الفكرة التي أخبرت بها قبل سبع سنوات وكانت ناجحه مرة وشكرا لك على طرحها.

[hamdani]

شكرا لكم جميعا

[hamdani]

السلام عليكم الاخ عشق وحنون اضفت فائدة للدجاج الحي وهو اكل العقارب شكرا للجميع

[اخوكم بري]

الله يعطيك العافيه تحب المطارد

[hamdani]

ماعليك زود شكرا