// د.الطريقي و الكابتن الحربي .. يتعاونون مع هيئة السياحة .. والسبب : مكشات //

[سحب ركامية]

بسم الله الرحمن الرحيم

..

أحبتي أعضاء المنتدى الشامخ مكشات .. السلام عليكم ورحمة الله وبركاته

..

تزخر بلادنا ولله الحمد بمناظر خلابة ذات رونق جميل وكثيراً مانرى من الناس لايعرفون مناطق بلادهم أو بما تزخر به من مناظر طبيعية وجذابة جداً ..

بختصر كلامي على منطقتي الرياض والمنطقة الجنوبية بحكم معرفتي بهاتين المنطقتين .. بنرجع نتكلم عامي خلصت المصطلحات الفصحى :D

الحين انتم تشوفون ناس طالعين بأهاليهم تحت الكبري اللي عند الجنادرية ولامتكين في مخططات الناس .. لو تسألهم يقولك بين شيئين يا إنهم مايعرفون الأماكن هذي أو إنها بعيدة ؟!

طيب بعيدة بعيدة .. والشيء الثاني مايعرفونها ؟! ليش ماتعرفها .. يقولك محد يعلمنا عنها ومحد يجيب طاريها لاتلفزيون ( الرسمي ) قصدي التلفزيون السعودي .. ولا شيء .. التلفزيون السعودي فالح لي يجيب صور من أبها قبل 15 سنة ؟!؟!

ولا صور من كورنيش الدمام ؟! أو كورنيش جدة ؟! ونافورة الملك فهد ؟




ولا لجينا على المتنزهين في الجنوب .. نشوفهم يضيعون يوقف جنب الخط يرجع ديرته .. يقول الجنوب روعة وفلة وهو ماشاف الا الشارع .. :D

خارج النص .. الله لايحطك ورى مسافر في سيد واحد في الجنوب :D

وين السياحة والكلام الفاضي هذا .. يعني يقولون تعالوا استانسوا في جدة وكورنيشها وكلنا نعرف الكورنيش .. ولا تعالوا في في شاطئ نصف القمر وكلنا نعرفه ..

السياحة لازم من تطوير .. ومنها عدة أمور .. ولكن انا ماكتبت إلا هالموضوع إلا بعد ماشفت موضوع الدكتور عبدالله الطريقي .. وصورة الجميلة والروعة .. فأنا بصراحة أؤيد بشكل مجنون وجود ترقية للسياحة .. عن طريق التصور الجوي .. واللي يجذب الناس بقوة لحبهم للتغير في نوعية الصور وأسلوبها الجميل

والحمد لله في مكشات الكثير من المصورين من هذا النوع .. فلماذا هيئة السياحة لاترعى هؤلاء الموهوبين وتسهل لهم عقابتهم في تصوير معالم المملكة بدل يجيبون لي محترف تصوير من برى السعودية ؟

وبشكل مختصر للموضوع .. هل تؤيد أنت ترشيح المصورين المحترفين " الجويين " بأن ترعاهم الدولة وعن طريقة السياحة ؟

ولم اكتب هالموضوع إلا لمعرفتي الكبيرة في أن موقع مكشات منتدى مرموق ومتابع من كل الناس كبار وصغار فوق وتحت ..

والسلام

[ولد رماح]

ايد و ابصم بالعشررررررررة

ماعمري شفت صور تبيض الوجه
زي صور الكبتن عبد اللة الطرقي

مبدع
ماني قادر اعبر

يا رب نشوف السعودية من منطق و عدسة الكبتن الدكتور عبداللة الطرقي

[Al-7amdan]

نعم أؤيد :)

ياليت نشوف هالكلام يتطبق

[ماشي الليل]

ياليت
والله لو الدكتور عبدالله الطريقي والكابتن الحربي يصوروا طبيعة المنطقة الجنوبية
ليخف السفر على تركيا:D ;)

[سيطره]

صح كلامك يامشي الليل فين رايح:D امزح معاك لا تزعل;)
شفنا المسلسل التركي وش سوا بالناس وكيف ارتفعت اسهم السياحة لتركيا وهو مجرد مسلسل:confused:
يعني لو يعرض زي هذه الصور على الmbc قبل الاخبار
او قبل صدى الملاعب بحكم المشاهدة الكبيرة لهذا ىالبرنامج
لمدة خمس دقايق كل يوم (صعبة كل يوم):j
بين فترة وفترة من منطقة او محافظة من المملكة
شوف السياحة كيف بتسير عندنا:rolleyes: لو مو من الخارج اقل شئ نمسك ابن البلد ويسير خير البلد منها وفيها:rolleyes:
طبعا يتصوير جوي لاننا ملينا من صور التنهات على التلفزيون السعودي:D
واذا كان فيه زي الطريقي والحربي ليش نشاهد من الارض خلينا في الجو;)
ومشكور ياسحب ركامية على الموضوع الرائع :good:

[شتيوي2009]

كلامك في محله اؤيد(صح تكتب كذا ..هههه خفت منكم)100%

[هاوي التصميم]

نؤيد بقوووووووووووووووووووووووووووووووووووووووة
وشكرا لك على الطرح الجميل وشكرا لأخينا المبدع حقاً الكابتن عبدالله الطريقي

[Rahhal_xp]

أؤيد وبشدة

[سحر الزلفي]

انا بصراحه مؤيد للكابتن عبدالله الطريقي

[شقردي سبيعي]

صح كلامك يامشي الليل فين رايح:D امزح معاك لا تزعل;)
شفنا المسلسل التركي وش سوا بالناس وكيف ارتفعت اسهم السياحة لتركيا وهو مجرد مسلسل:confused:
يعني لو يعرض زي هذه الصور على الmbc قبل الاخبار
او قبل صدى الملاعب بحكم المشاهدة الكبيرة لهذا ىالبرنامج
لمدة خمس دقايق كل يوم (صعبة كل يوم):j
بين فترة وفترة من منطقة او محافظة من المملكة
شوف السياحة كيف بتسير عندنا:rolleyes: لو مو من الخارج اقل شئ نمسك ابن البلد ويسير خير البلد منها وفيها:rolleyes:
طبعا يتصوير جوي لاننا ملينا من صور التنهات على التلفزيون السعودي:D
واذا كان فيه زي الطريقي والحربي ليش نشاهد من الارض خلينا في الجو
ومشكور ياسحب ركامية على الموضوع الرائع :good:



:good: :good:


كلامك عين العقل

[العروق الصفر]

اسمحولي ان اسمي الدكتور عبد الله

الطريقي ...ان تشاهد من اعلى
الطريقي...ان تشاهد من اعلى
الطريقي...ان تشاهد من اعلى

[الطرفاوي@]

بيض الله وجيههم ولاننسى الأخ الكابتن سعود الفنيسان وغيرهم الذين عندهم قدره على مثل هذه الأعمال

[أمير الليالي]

فعلا نحتاج إلى مثل هؤلاء المبدعين

ليكونوا خير إعلام لنا ويرسموا لنا معالم

البلاد

بارك الله في الجميع

[الموج الاسود]

ايه صادقين

[عنبسه]

ايه صادقين
الركاده زينه

[سليمان 10]

انا اظم صوتي الى صوت زملائي في المنتدى مع عدم الاغفال عن الكابتن سعود الفنيسان لانه هو الذي بدئها في روضة السبله وبدع فيها الكابتن الدكتور الطريقي وانهاها الكابتن الحربي في العوشزيه سائلين الله ان يحفظهم على الارض وفوق الارض ويوم العرض والسلمين اجمعين 000

[مدور الكشات]

التحية والاحترام لكل من علق انا اقول مشكور يا الدكتور شفنا اماكن بصورك ما كنا نتوقعها بهذا الجمال وهذا يدل على اتقانك ما تهديه لمن يعرف معنى جمال الطبيعه الله يكفيك من الحسده

[بو علي العلوي]

والله الساعه المباركه ..سر بتوفيق اللله,,,

[web]

يابن الحلال المشكله ماهي في التصوير
المشكله بلاماكن نفسها لا نظافه لا تنظيم مافيه شي يشجع بكل امانه واسعاااار ناار على ايش ابي اعرف
بشطح بالموضوع شوي وبشطح لشرقيه ترا كل مناطق المملكه نفس الحكايه وانت عليك القياس
قلت بروح الشرقيه ثلاث ايام استرخاء على قولتهم ابي بحر وابي مكان فيه نوع من الخصوصيه شوي
فريت وسئلت عن المنتجعات بالشرقيه للاسف مافيه شي يستاهل المهم قلت مالي الا منتجع الموفنبيك باخذ فله
على البحر مع انعدام الخصوصيه ولا فيه ذاك الزود يعني بس يالله تغيير جو ياجماعه سعر الليله هناك مبلغ خرافي اكثر من 3000 ريال لليلة طلع المجموع حول 10 الاف ريال خير ان شاء الله شي يرفع الضغط اقولكم ليش
لاني حجزت على طيران الامارات تذكرتين كبار ووحده طفل يعني ثلاث تذاكر المجموع 6400 ريال وفله بمسبح خاص ب2000 ريال ياجماعه اسبوع مو ثلاث ايام وسياره مع السواق تقريباً اقل من 200 ريال في اليوم
وجو على كيفك وخضار وامطار واسعار رخيصه وتمشيه وحدائق ونظافه وعندنا يقولي فندق لحاله الليله ب3000 على ايشششششش
بتصورها من الجو بتصورها من الارض ولا من يمين ولا من يسااار الواقع ماراح يتغيررررر يعني مثل دعاية شامبو ضد القشره

[عابرالبر]

يعطيك العافية نعم أويد

[mjubran]

السلام عليكم ،،،، بالنسبة للموضوع ممتاز ،،،، وفكرة رائعه ،،،، ولكن
كثير من الاخوان تنقصهم معلومات بسيطه ،، في المملكة توجد جمعيات ثقافية وفنيه يوجد بها كثير من المصوريين المبدعين وحصلوا على مراكز في التصوير من افضل المسابقات العالميه ،،، ما شاء الله عليهم ،،، بمعني نحن نمتلك المحترفين في التصوير ونمتلك الهواه ،،،، ونمتلك هيئة السياحه أد..
أين المشكله ؟
وانا كاحد أعضاء هذه الجمعيات في مجال التصوير ،،،
المشكلة تكمن في الأمن والتخوف الموجووود من قبل رجال الأمن من المصور وهو يحمل ادواته للتصوير يتعرض كل المصورين بدون استثناء الي التفتيش والايقاف وأخذ أجهزتهم وسحب الميموري ،،،، اقل واحد اتعرض للمسائله.
ونحن نطالب دائماً بان تكون لنا تصاريح للتصوير من وزارة الداخلية لتسهيل التصوير وعدم المضايقه لنا ،،،،
لأنه اذا أردت أن تلتقط صورة ذات معني وقوة وتبرز فيها جمال الصورة لابد من مراعات الاوقات والزوايا ،،، وهذه مثل الصيد تأخذ وقت وصبر وجهد ،،، قد نمظي الساعات ولا نصور بسبب الظروف الجويه او عدم وجود سحب .. إلى آخره.
فرغم أنه تم أصدار قرار بالسماح بالتصوير في الاماكن العامه ،،، إلا أننا نجد أن رجال الأمن هم آخر من يعلم ،،،
ورغم أنني دائماً أحمل صورة من القرار الذي شاركت فيه عدة جهات حكوميه وعلى رأسها وزارة الداخلية والحرس الوطني و وزارة الاعلام وهيئة السياحه ،،،إلا أننا نفاجأ بأن رجل الامن لا يلتزم بالقرار ولا يحب حتي يلقي نظرة على القرار .

وأجمل ما في الموضوع أننا نحب الوطن ونتمني أن نرفع أجمل الصور عنه ، ونعكس ثقافتنا وحبنا لبلدنا داخلياً وخارجياً ،،، ونفتخر بهذا
لأننا نجد معارض عالميه لكل بلدان العالم ونحن لا نجد معرض واحد عن الطبيعة والمناظر في المملكة ،


اعتذر علي الاطاله ولكن الموضوع جاء علي الجرح،،،
تقبلوا خالص تحياتي

[adnanmgh]

مؤيدين والمفروض من زمااااااان