ممكن تفيدوني عن محول الكهرباء هذا

[ابن مدهون]

السلام عليكم


لقيت محول كهرباء هذي صورته

http://vb.arabseyes.com/imgcache/49575.imgcache


قوة 250 واط



بسعر 90 ريال ياباني


السؤال هل هذه النوعية جيدة

وش اقدر اشغل عليها

تلفزيون 14 بوصه مثلا ورسيفر

وكذلك اللاب توب هل يشتغل عليه


ياليت تفيدوني لان المحل باقي به محولين ويقول باعهن براس المال على قوله

[موادع 1]

ممتاز ما عليه كلام
من واقع تجربة

[ابن مدهون]

بيض الله وجهك ياموادع



طيب هل اقدر اشغل عليه تلفاز14 بوصة الصغير ورسيفر

والمحمول لحاله بعد


لان ماعرف كم تستهلك هالأجهزة


بيض الله وجهك

[VTC48]

السلام عليكم ورحمة الله.......
واناا خوك والله......
لاتتركه.........

[راعي المستوي]

ممتاز جدا ان كانه مثل الياباني القديم
انا اشغل عليه لمبة و تلفزيون صغير 35 وات و رسيفر و احيانا المحمول
طبعا يكون موصل بالبطارية مباشرة وليس بالولاعة
وتشغل التلفزيون قبل ثم باقي الاجهزة

طيب انا عندي سؤال:
من وين شريته؟؟

[موادع 1]

انا شغلت عليه تلفزيون 21 بوصة بس
بدون رسيفر لاني ما احتاج الرسيفر
كان المكان قريب وفيه ارسال تلفزيون
كان فيه مباراة وشغلته للشباب اهل الكورة يتابعونها
والاكيد انه بيشغل التلفزيون 14 بوصة والرسيفر
اما اللاب توب فحسب ما سمعت ان بعض الاجهزة لا تعمل على المحولات
وليس كلها
والتجربة خير برهان
وعلى فكرة لو تحمل زيادة راح يضرب الفيوز اللي بداخله
وممكن تغير الفيوز ولا عندك مشكلة وهذا اللي قد حصل معي
واتمنى اني افدتك

موادع

[ابن مدهون]

VTC48 (http://www.mekshat.com/vb/member.php?u=87133) http://www.mekshat.com/vb/images/statusicon/user_online.gif
مكشاتي متواصل

ولا يهمك حاجزة وراح آخذه


راعي المستوي (http://www.mekshat.com/vb/member.php?u=6706) http://www.mekshat.com/vb/images/statusicon/user_online.gif
مكشاتي متواصل


وانا اخوك انا بالقريات شمال شمال آخر الشمال :)

من محل لاهو رحلات ولا غيره

واظن جايته البضاعة بالخطأ وطفش منها يقول لها سنه عندي ماحد قال بكم


على فكره

ترى لون الكرتونه اسود مو احمر مثل هذا بس هو نفسه بالضبط يمكن هو القديم اللي تقول



موادع 1 (http://www.mekshat.com/vb/member.php?u=50546) http://www.mekshat.com/vb/images/statusicon/user_online.gif
مكشاتي متقدم

الله يعطيك العافية كفيت ووفيت


يعني مأمون هو الفيوز هل هو عادي واقدر احصله بأي مكان ولا كيف

[إعصار]

خذلك 500 واط وريح بالك ..


ترى قوته ممتازة مرة ..

[ابن مدهون]

خذلك 500 واط وريح بالك ..


ترى قوته ممتازة مرة ..

الله يعطيك العافية

لو بيدي أخذت 1000 واط:rolleyes:

لكن استهلك واطك على قد قرووشك ;)

[موادع 1]

الفيوز العادي حق السيارات
متوفرة في البقالات من كثرها

[ابن مدهون]

بيض الله وجهك ياموادع


ماقصرت والله يجزاك الجنة

[ابوتركي2009]

مرحب بك اخوي ابن مدهون

ويقول المثل اسال مجرب ولا تسال دختور خخخخخ دختور

وانا اخوك خذه وانت مغمض وانا عندي واحد لونه اسود وقوته 500 واط واشغل عليه تلفزيون 21بوصه ورسيفر واشبك عليه 3 لمبات وشغال مثل الحلاوه وتقدر تشغل عليه اكثر حسب قوت المبات وعلى فكره فيه ميزه انه اذا ضعفت البطاريه يعطيك نغمه متواصله علي شان تشغل السياره وهو رفيقي بكل مكان

تقبل تحياتي

[ابن مدهون]

ابوتركي2009 (http://www.mekshat.com/vb/member.php?u=102451) http://www.mekshat.com/vb/images/statusicon/user_offline.gif
مكشاتي جديد
الله يعطيك العافية كفيت ووفيت

[المريعي]

ممتاز جدا ومغل عليه تلفزيون ورسيفر وعقد فيه ثلاث لمبات

[ابن مدهون]

المريعي

بيض الله وجهك ويعطيك العافية

[سطام vip]

اخوي الكمبيوتر المحمول قوته تقريباً بين 65 - 100 واط يعني يشغل لك اثنين بالراحه
واذا تبي تعرف قوه جهاز المحمول اقراء البطاقه الي على محول الكهرباء الخاص باللابتوب

وبالنسبه للاجهزه الثانيه اخوي بتلاقي خلف كل جهاز بطاقه تعريفيه فيها قوة التيار 110- 220
وفيها تلاقيه قوة الواط لكل جهاز اتمنى تفيدك هالمعلومه والله يعطيك من خير هالجهاز ويكفيك شره

ودمت بحفظ المولى

[ابن مدهون]

سطام

الله يبيض وجهك

وجزاك الجنة ان شاء الله


اهم شي ان ال300 واط تشغل لي تلفاز صغير 14 بوصه ورسيفر

[راعي العشــه]

لاتشاور في هالجهاز توكل على الله
وخذه