ماهي مواصفات السمن البري الطبيعي وماهو سعر الكيلو في ديرتك

[شيخ نجد]

السلام عليكم




خصوصا اننا في فصل الشتاء وملعوم ان البرد يحتاج لسعرات حرارية عالية حتى تكافح الامراض وتمد جسمك بالطاقة والحيوية .. كذلك التحلق حول النار في فصل الشتاء يغري الناس بعمل الماكولات البرية مثل المجمار او قرص الجمر ..
اذا لا بد من السمينه :good: تمزمز عليها مع القرص واستكانة شاهي محروق بجنبك .. يكثر الطلب عليه خلال الشتاء وانا واحد منهم ،،


خلال هذا الاسبوع الله لا يعوق بشر شاري شاري قبل الاجازه ،، لكن نبي نعرف من اصحاب الخبره مواصفات السمن البلدي او البري الطبيعي غنم وبقر وبكم سعر الكيلو في ديرتك ،،


الافضل رد فيه سحب على سياره ومعها اخرى مجاناً ،،:j

[سهيل511]

فيه ياشيخنا سمن لقيته عند الوطنية
جربه وان شاء الله بيعجبك.

[منصورالمنصوري]

وليه ماتسون السمن عندكم في البيت

تشتري زبدة المراعي وتطلع احسن سمنه

[السهلى 1]

السمن الحقيقى هو (( سمن الغنم )) ايام الربيع ومخلصينه من زبد الغنم الابيض فى اواخر الربيع ويكون عالى الدسم من العشب الطيب وافضله مايكون من بادية السعوديه والكويت , ابيض او معاه بزار يعطيه نكهه ولون اصفر او مائل للاخضر ومعبى فى (عكة )تيس او طلى , اما سمن الماعز فيكون خفيف ورائحته وجودته اقل من الغنم , اما البقر فلانعرفه ولايفضل اكله وكلها انعام الله .


اما سعر سمن الغنم الطيب الجديد السعودى او الكويتى فيتراوح سعر الكيلو وسابقا صاع من 150 ريال او 15 دينار الى 200 ريال او 20 دينار .



وكل سمن وانتم بخير وربيع طيب .

[ظبي الفلا]

السمن الطيب هو سمن الغنم وخصوصا المخلص في البيت

والسنه ذي سنة خير وستجدون السمن الفاخر

فيه وحده بالنعيريه شغلها نظيف وطيب

كل مانشتهي سمن نرسل لها ونجيب

وعندها نوعين نوع الكيلو ب 70 ريال

والثاني الكيلو ب 120 ريال وهو ممتاز

والنوع الثاني هو اللي اضفته للجريش

الموجود في قسم الطبخات واضح لونه في الطبق.


ومن يريد سمن من شغلي يبشر

اشتري الزبد من حريم ثقه

وانا اخلصه وممكن اضيف الطريقه والخطوات بالصور

لكن الكيلو ب 500 ريال لان الزبد غالي.

وكلا يمد رجله على قد لحافه

[شيخ نجد]

فيه ياشيخنا سمن لقيته عند الوطنية
جربه وان شاء الله بيعجبك.
اريد اتأكد فقط ماهي مواصفات السمن البلدي

مثله مثل العسل تماما

[شيخ نجد]

السمن الطيب هو سمن الغنم وخصوصا المخلص في البيت

والسنه ذي سنة خير وستجدون السمن الفاخر

فيه وحده بالنعيريه شغلها نظيف وطيب

كل مانشتهي سمن نرسل لها ونجيب

وعندها نوعين نوع الكيلو ب 70 ريال

والثاني الكيلو ب 120 ريال وهو ممتاز

والنوع الثاني هو اللي اضفته للجريش

الموجود في قسم الطبخات واضح لونه في الطبق.


ومن يريد سمن من شغلي يبشر

اشتري الزبد من حريم ثقه

وانا اخلصه وممكن اضيف الطريقه والخطوات بالصور

لكن الكيلو ب 500 ريال لان الزبد غالي.

وكلا يمد رجله على قد لحافه

هيه ترى الاسعار رخصت وريالنا معاد يسوى شئ
الغنم وهي مصدر السمن قيمتها ماهي بعيدة عن 500

[عبّار]

سمن الغنم شغل بيتي 500 درهم و بصراحة ما عليه كلام فيه نوعية ثانية غنم اايضا ب 200 و البقر من 50 الى 100 درهم

[الخليفة]

ترتبط جودة السمن على -نظافة صاحبة البيت عندخض اللبن وتخليص الزبدة وتخزينها ثم تمييعها لتصبح سمنا- امانتها بان لا تخلطه بقديم او ماعز-ان تكون رائحته طيبة عند الشم-وانصح بالشراءمن سكان البادية وخاصة سكان الهجر جنوب وجنوب شرق رفحاء

[_تذكار_]

سمن الغنم عندنا بمكة بـ100 ريال الى 150 ريال للكيلو
لكن شغل نضيف وبيتي
طبعا هو افضل نووع على الاطلاق
افضل من سمن البقر والضأن

[رٍسِـــلآنٍ ٱلدُفُــٱع]

الافضل حسب التجربه
سمن النعيريه

[ظبي الفلا]

الافضل حسب التجربه
سمن النعيريه



:good: :good: :good: :good: :good: :good: :good: :good: :good: :good:

النعيريه وضواحيها

[pass2love]

في المدينة ( طيبه الطيبه )



افضل مااشتريت منه سمن سعره مابين 100 -- 120

المكان بعد صلاه الجمعه في طريق المطار القديم مسجد حي المجاهدين عند الاشاره

شايب معه وانيت غمارتين جنب المسجد بعد الجمعه فقط يجمع السمن من البر ويبيعه في عكه والشهاده لله سمن طعمه اكثر من رائع

[دهران]

الرجاء قراءة هذا الموضوع قبل كتابة أي مشاركة . (http://www.mekshat.com/vb/showthread.php?t=139477)