اين تقع روضة الخفس

[فارس909]

احبابي اريد اسأل اين تقع روضة الخفس من جهة الرياض ومن جهة القصيم وان كان هناك صور لها فياليــــــــــــــــــــــــــت وشكرا

[عبدالعزيز الدباسي]

روضة الخفس تقع شمال مدينة الرياض من جهة الثمامة ،، اذا مسكت خط الثمامة من عند محطة خزام وبعد انتهاء شبك ( منتزة الثمامة ) سوف ياتيك مفرق الطوقي الصمان التنهاة على اليمين ، استمر بالمسير على نفس خط الثمامة بعد المفرق بـ 4 ك تقريبا سوف ترى روضة الخفس على ايدك اليمين ، وهي على فكرة روضتين جنوبية وشمالية .

ويوجد صور لها في خيمة الرحلات البرية ، ولكن لم يسعفني الوقت للبحث عنها .

وتقبل تحياتي

[سيف السيف1]

هلا بولدي فارس:) شقردي وصف من عند الرياض وانا اوصف من جهة القصيم
ونت متجه للرياض يجيك مفرق دقلة الثمامة أفرق طبعاً يسار سيده وانا ابوك تقريباً 30كم تجيك يسار تحت الجال..
هذاالرابط يوجدبه صور للخفس
http://www.mekshat.com/vb/showthread.php?s=&threadid=16585

[الخَـجَـمْ]

اخوي العزيز فارس909
وانا اخوك روضة الخفس مايبي لها وصف,,
تصدق من شهرتها بالرياض
صاروا حتى الهنود والبنغالية وبقية الاجانب يعرفونها,,

مرة وقفت عند بقالة بالجنادرية
وقال لي هندي هناك
فين روح انتا روزه كفس؟؟؟؟؟؟
سالته وشلون عرفتها
قال
سعودي كله هناك روح..........
على العموم ان مادليت الطريق
اسال اي اجنبي من اللي بالبقالات والمحلات
على طول يعطيك الوصف,,,,,,,

تراي امزح يافارس لاتزعل...........

[العود الازرق]

الوصف ماقصرو الاخوان لكن الاهم قبل ثلاثه اسابيع ذهبت انا والعائله للروضه طبعا روضه الخفس تصدق ان الزحمه في البر المهم كان يوم خميس والجو حلو كانو الناس فوق بعض على كل الروضه وارجع لبيت القصيد الغبار بشكل غير طبيعي القصد من هذا الكلام الاطفال وامراض الصدر واذا معك اي شخص فيه ربو ابعد عن الروضه نصيحه فقط اخوك العود الازرق

[سراج]

فعلا من ناحية الغبار فحدث ولا حرج ** على العموم شكرا للجميع***