المشراق(الشاوي)

[خشم الحصان]

اخواني الغالين
السلام عليكم
مشرقنا اليوم تكلم عن مهنه قديمه ربما لايذكرها الا القليل جدآ وهي الشاوي وهو راعي الغنم حيث لا يخلو اي بيت في القريه من الغنم والماشيه (الصخول) لان الماشيه تعتبر شي اساسي وحيث ان تغذية هذه الماشيه تكلف صاحبها من حيث المعيشه لذي يقوم (الشاوي) في الصباح الباكر بالطواف علي البيوت الذينا مرتبط معهم ويخذ اجر منهم حيث يقوم باخذ اغنامهم وماشيتهم كي يسرح بها خارج القريه حيث يصتحب معه كلب وحمار وقد وضع عليه خرج واحد للمعميل والاخر للغنم التي قد تلد في البر والكلب للحراسه من الذئاب وغيرها
وقبل الغروب يرجع الي القريه وكل غنم يعرف بيت صاحبه والتي لا تحضر ياسئلون الشاوي عنها فربما هي ولدت او فقدة واتذكر وانا صغير في ديرتنا رغبه كان عند جدتي رحمها الله تعالي وسكنها فسيح جناته بعض من الغنام الامهات وكان الشاوي يحضر من الصباح وياخذ الغنم وكانت تثاغي كانها علي موعد معه حتي يفتح لها الباب بعد حلبها في الصباح ثم تخرج مع الشاوي وكانت تطوف سكسك القريه بيت بيت حتي يكتمل العدد بعد ذالك يخرج مع الجهه الاخري من الديره اما الصخال اي صغار الغنم فكنا نسرح بها حول البيت ولا نبعد كثيرا
و عند ولدة المعزا فان جابة صخله فانه يبشر اهل البيت بما جابة اما اذا جابة تيس فرحة عليه البشاره
هذي صوره من حياة الماضي احببة ان ابينها لكم
اخوكم
خشم الحصان
:cool:

[عبدالعزيز الدباسي]

تسلم يا جدنا على هالسواليف الزينة ;)

وما قصرت على هالمشراق الطيب ،،،

الحقيقة انك بهاالحلقات المشراقية تبي تكتب لنا تاريخ قديم ونحتاج من يأصله بمواضيع جميلة مثل ما تفضلت به .

واسمح لي بان قلت ( جدنا ) لانك ما رضيت على الاعضاء يقولون عمنا ،،، فقلت يمكن الرجال شايب بزيادة ولا تكفيه عمنا .

اقترح عليك عمل ترقيم لهذه المشراقيات وان تستمر بكتابتها ، كل ما لقيت نفسك فاضي .

وتقبل تحياتي

[abos3d]

عزيزي وجدي ( على ما قال حبيبنا شقردي ) خشم الحصان اشكرك على هالمشراقيات الي تتحفنا بها كل فترة وعندي اقتراح بسيط وهو انك تجمعها اذا ما عليك كلافة في صفحة واحدة توضع فيها روابط المواضيع حتى لا تضيع في ارشيف المنتدى وسلامتك

[الطبيب]

اذا شايبنا شقردي يسميك >> ( جدي )

اجل انا وش اقول؟؟؟؟؟؟؟

على فكره فيه اشاعه قويه بمكشات

يقولون ( ولا تعلم احد ) انك كنت من خاصة هارون الرشيد اللي يجلسون معه بمجلس الخلافه :)

وكان يعطيك من الشرهات بالدنانير الذهبيه :)

وفيه دليل على ذلك ( يقولون ) انك انت كنت صاحب فكرة درب زبيده و( المقاول ) اللي طوى الآبار :)

هو صحيح الكلام هذا والا لا؟؟؟؟؟

=====================
يوما بعد يوم تتحفنا بمواضيعك الشيقه
واستمر ( تكفى ) على هذا المنوال

تقبل تحياتي

[خشم الحصان]

الاخ الفاضل
شقردييييييييييييييييييييييي
جدي يصير خير الحين مابزية طبيب الغفله ويا حفر لوجيا تجي وتكمل الباقي غدية معهم مثل السرا بالكه والعب علي يدك اشونك منتاب مدير شؤون الموضفين كان يترقون فبل اكمال المده من عمي الي جدي منول احسبنك تبي تشكه ريوس وثرك عطيته واحد وشكية الدبل حسبس الله ونعم الوكيل اسمعوني انا منيب كبير
صدقوني بس ان تربيتي قرويه بحته وش اسوي بغينها طرب وصارت نشب منيوم ترقيتو الي مشرفين ونتم
كنكم لفحكم براد لكن هين يجيب الله الصيف وتصرون مثل قبل
اما مشرقيات فهي تذكير بالماضي الجميل علقل الواحد يقدر يسولف علي عياله عن الماضي
اما الترقيم والله معرف ماعمري سويتها اذا كان قصدك مثل كذا(المشراق رقم 5) فهاذي اعرف
وان شاء الله ان عطانا طولة عمر نبي نبي نكتب المشراق ولا يصير خاطرك الا طيب
انت عطنا وقت وخذ كتابه
مشكور اويلالالالالالالالالالاه ياعم علي مرورك علي الموضوع ولك كل احترام وتقدير الله يغفرلك ويرفع من قدرك.
احوك
خشم الحصان
--------------------------------------------
الغالي
ابو سعد
اسعد الله حياتك اخيي انا مابزية هالحلوين بتكملها معهم بجدي غدين مثل العميان متقاضبين الايدين بس قالها حفرلوجبا ويا طبيب جراح ومعهم شقردي وانت بعد يعني خمسين معادهو سري بالكه يربع ابيكم عون وصرتو علي فرعون هذا وانت منتاب مشرف اجل وش بتقول اذا صرت هه
اخوي الغالي مشرقيات ان شاء الله بكتبها والله يعين علي سؤال الشيبان ويا الامهات و الجدات الله يعطيهن طولة العمر في طاعته امين يارب العرش العظيم بس معرف احطهن في مربط واحد صدقني .
مشكور اخوي الغالي علي مرورك علي الموضوع و الله يجزاك عنا كل خير
اخوك
خشم الحصان
------------------------------
حبيبي
طبيب
انت وش تقول معاد بقي شي تقوله الي يسمعك يقول بري ماقال شي او من كبرني انت ويا ابو سليمان
تدري ليش لئن ملامحي لبنانيه ومملوح وهذا الي قاهركم .
خذ اشاعه صدر ولا باطنيه حلوه لاتعلم احد بالله انت ونك كاتبها فيه انت شهرة بنا في العالم وتقول لاتعلم احد
يامشرفينا وش جاكم الهم ياكفي .
مجلس الخليفه الله يرحمه هارون الي سنه يحج وسنه يغزي وين انا وين مجلس الخليفه قل مجلس العوير ايه
اصدقك.
شرهات يعني شونه ترها انقطعة من كم سنه انتم يمر من تحتكم شي مصكه اشد من الجمركه اذا سدت الشي
دنانير ذهب تقصد ريال فرانسي لا يسمعونك ثم يطبون علي في الدونيه معندي الا ديك ولا منتف كن فيه طبيله ودجاجه
طريق زبيده الله يغفر لها ولا ازيدك من الشعر بيت وطريق القصيم السريع وطاق الترنق المخطط وذاك القبوع من شافني قال دعاية سملااك يعني مقول علي غفله
اثرك تعرف الطي يعني منتاب بعيد عني كبري بس ودك صغر عميرك ايه يالذهين منتاب سهل
لابالله مهوب انا وانت شايفني دنصور هالعمر كله عايشه اجل يدقون الماء لي مهنا حنك
الله مير يغفرلك ويسكنك في جنته والموضيع ان شاء الله نبي نستمر فيها
حلوه (تكفي) وين ضهرت منه طق الكمام ياولد غبره رويح صيف
مشكور اخوي طبيب علي مرورك علي الموضوع ويجعلك من عباده الصالحين امين
اخوك
خشم الحصان

[مشغول]

هلا خشم حصان


والله لو ما تعقل إني لطلع صورتك اللي في الصمان يوم انك ماسك العصا حقتك اللي تتركا بها ... يا جدي .

... وبعدين بتنزل الموضوع اللي تقول ولا انزله انا ..:)


وهلا بك .. وشكرا على المشراق .

[خشم الحصان]

الغالي مشغول
السلام عليكم
اقول الله لايشغلنا الا في طاعته امين بس انت يا الشيخ توك تفرغ ولا داخل عرض ومسك جلنط
شف بلا فظايح اني والله خابر انك تبي تدمرنا الصوره مزوره مهيب لي يمكن واحد يشبهني اقول الله يرحم والديك مابزينا حفرلوجيا وايالطبيب والشقردي بتكملها انت بادله ادانه عسي مهوب الثوب الاخضر علي ياولله الي رحنا في خريطها استر عليه يابيه الله يستر عرظك وبعدين تعال انت ماجاك رساله خاصه بعد الرحله بيوم
ارسالتها لك الضاهر منتوب مضبوطين لحم الضببه فيها شي الله وعلم ياخيي اتصل علي بالجوال الله يغفرلك
علشان اعرف من وين ابدا به اقول تراي تكهربة معاد ادري وش اقول الله يرج بليسك فمان الله
اخوك
خشم الحصان مهوب حصان فتح ولا اجيب لك نظارة بعض الناس الي شطب.....:mad: :mad: :mad: :mad: :cool: