فراش الدريويش منقطع من السوق

[هاوي البر]

السلام عليكم
قربت عطلة الحج وناوين ان شاء الله نطلع للبر وبعد بحث وسؤال الاخون في هذا المنتدى المبارك اشاروا علي بفراش الدريويش
بحثت عنه في محلات كثيره مثل رحلتي الي على مخرج 15 وبرق الحيا وعند اكثر من محل قال مقطوع من السوق حتى المصنع حق خالد الدريويش يقول الان غير متوفر وبيكون متوفر بعد كم يوم
الي موجود نوع الفرو واكثر الناس ما يمدحون الفرو من ناحية مسك الرمل والشوك
انا ابحث عن الي بطانته عاديه ما حصلت
هل في محل تدلوني عليه اقد احصله عنده
وجزاكم الله خير

[موادع 1]

اكيد بيرفعون سعره
اقطعه من السوق وخل الناس تدوره
وبعدين ارفع سعره والعذر المواد الاولية غالية
الدعوا سايبه

[جبل خزة]

أسأل عنهن في دار الفراسة مخرج 15 باتجاه الشرق بعد اشارة الابراج على اليمين

هو يجيب فراش الدريويش ويفصل عليه الطربال حقه وانا شريته منهم قبل سنتين والصراحة ممتاز جدا وارخص من مصنع الدريويش

وإذا تبي نفس الفراش مع الطربال حقهم شف ترى للدريويش معرض في المستودعات اللي في مخرج 17 على طريق الصناعية

واذا كان منقطع زي ما قلت ترى عند القاضي فرش أزين من الدريويش بس ارخ ريالك شوي

[أبو مها]

ماهو تكذيب لك بس انا في برق الحيا قبل اربع ايام
واكثر فراش عندهم فراش خالد الدريويش

وانا فعلا مستغرب كيف سحبت هذه الكمية الكبيرة
عموما البدائل كثيرة
وان شاء الله الليلة اجيبلك علمه

اخوك ابومها

[هاوي البر]

الاخ موادع
تصدق نفس الاحساس قلت معقوله حتى المصنع ما عنده

الاخ جبل خزة
جزاك الله خير
ياليت تعطينا رقم دار الفراسة اتصل عليهم اسئلهم لانيه بعيد علي انا من سكان السويدي الغربي

الاخ ابو مها
انا عندهم يوم الجمعه الفايته كلامك صحيح عندهم فرش الدريويش بكميه كبيره لكن كل الي موجود فرو وانا ذكرت هذا في موضوعي لكن انا ابي الي بطانته عاديه هي الي عليها طلب وكل من جاء سئل عن الي بطانته عاديه ولا يحصل
جزاك الله خير اخوي ابو مهاء اذا تعرف رقم برق الحيا عطناه علشان اسئلهم كان جابوا شي جديد من الي بطانته عاديه ولا لا

[أبو مها]

هاوي البر امس حاولت انزل رد للموضوع ولكن بعد اكتمالة عطيه اضافة وللأسف الموقع
قفل. عموما انا مريتهم دار الفراسة وبرق الحيا وفعلا لم اجد فرش الدريويش البولستر
ولكن لقيت فراش الخليج وكذلك فرش برق الحيا وهم بنفس المواصفات مع اني اشوف فراش الخليج افضل والله اعلم

تقبل تحياتي
ابومها

[هاوي البر]

الله يجزاك خير اخوي ابو مها
قصرت عني العنوه لدار الفراسه لانه بعيد علي انا في السويدي
فراش الخليج فيه ناس تمدحه وناس تذمنه يقولون اغلب الخامات الي مستخدمه فيه صيني وانا صراحه ما ارتاح لشغل السنيدي اغلب شغله صيني
اغلب الي جربوا فرش البر مدحوا لي الدريويش الي يقول له معه 8 سنين والي يقول 5 سنين ما شافوا ازين منه
لذا ابي اشتري لي فراش لي ولزمن لاني جربت قبل كذا فراش من الغرابي ولا جاز لي بارد مره دنك داخل وسط ثلاجه خاماته رديه ولا ابي كل شوي اجرب لي فراش ابي اشتري مره واحده بانتظر الى ان يسهل الله ونحصله
اشكرك مره اخرى اخوي ابو مها والله يعطيك الصحه والعافيه

[بواسامه]

طع شوري
خذ القاضي الحجم الكبير البرتقالي
الله يوفقك

[أبو مها]

اخوي هاوي البر
كل الموجود في السوق صيني الدريويش والقاضي والسنيدي
انا عن نفسي جربت افضل نوع عند القاضي وهو الفصول الاربع ممتاز ودافي
كنه امريكي عيبة فقط صغر السحابات وله معي ثلاث او اربع سنوات ماشفت ادفى منه
وتراه ادفى من الدريويش بس الحلو ما يكمل (السحابات)

تحياتي
ابومها

[محب الفتك]

أنا أمس عند محل ( نوماس ) اللي عند مدخل الشفاء ، موجود عنده كل النواع .

[هاوي البر]

الله يجزاكم خير جميع
صحيح اخوي ابو مها انا شفت فراش القاضي قلت دام هذي سحاباته الله يخلف على الباقي الساحبات هذي ولا اركبها على شنطه يد
الاخ محب الفتك
انا قريب من الشفاء وين نوماس هذا بالضبط الله يجزاك خير

[المريعي]

ياخوي فراش الدريويش اليوم لاقيه عند الحسن للوازم الصقور اللي بشارع سلمان الفارسي وسعره 320 ريال وماهو فرو

[سفير الصمان]

فراش الدرويش لاقيه امس السبت في برق الحيا بولستر وقيمته ثلاثمائة ريال

[محب الفتك]

الله يجزاكم خير جميع
صحيح اخوي ابو مها انا شفت فراش القاضي قلت دام هذي سحاباته الله يخلف على الباقي الساحبات هذي ولا اركبها على شنطه يد
الاخ محب الفتك
انا قريب من الشفاء وين نوماس هذا بالضبط الله يجزاك خير
وأنت داخل للشفاء ، قبل لا تديور ، يجيك محل غاز ، ثم بعده محطة ، بعدها يجيك المحل .
مقابل لبنك الراجحي حق حي الشفاء ، مع الجهة الثانية ، ومقابل لصيدلية التشافي بالضبط .

[سفاري نجد]

السلام عليكم ورحمة الله وبركاته

انا معي فراش خالد الدريويش فرو من 8 سنوات وانا أكده رهيب ويعجبك ويدفي

وصراحه سحاباته قويه وعمليه ولا تتأثر بالرمل فرق صراحه مع الانواع الثانيه ،،،

ولا تحتاج بطانيه اذا فيه برد قارس وانام فيه بدون خيمه رواق يكفي للطلعات الخفافيه
ولا شوك ولا شي واذا جااه رمل مثله مثل الفرشه انفظه واذا رحت البيت انظفه بالمكنسه شفط ،،،
والشوك ما اعتقد احد بينام في مكان فيه شوك والا لازم تحته فرشه ،،، (؟)
تجربتي ،،،

[إعصار]

صدقني جرب الخليج وتدعي لي ..


من نزل ومشتريات الدريويش نازلة ..

بشهادة صااحب محل رحلات معروف جدآ .. وهو من مصلحته يبيع الدريويش مكسبه فيه اكثر على كلامه ..

بس جزاه الله خير ما مكتم النصيحة ...

[big boss]

اليوم شايفه عند محل الرحلات اللي في حي المروج
وانا عندي الدريويش ممتاز جدا
بس شفت فراش القاضي الفصول الاربعه ممتاز جدا حيث يوجد به طبقتين واحد خفيف في الاوقات الغير باردة والثاني للشتاء شكله ممتاز ودي انك تشوفه قبل لا تقرر تشري الدريويش
ويجي منه مقاسات بعرض 1.5 و 1.20
العريض كان سعره 550 او 450 ريال
يعني ارخي ريالك وتاخذ شي عليه الكلام