المساعد الشخصي الرقمي

مشاهدة النسخة كاملة : يالطلح مامرك .................... لشاعر حمد السعيد


تميمي وأفتخر
02/12/2008, 01:08 AM
بســـــــــــــــــم الله الرحمــــــــــــــــــــن الرحـــــــــــــــــــيم

أنشاء الله تعجبكم

وهذي القصيده لشاعر حمد السعيد



يالطلح مامرك مع الصبح صافي
طيرٍ غدا لي امس والشمس حيه

اتلى العهد به راح يطرد مقافي
خبري به اوما في جناحه هنيه

لاوالله الا مرنا العصر وافي
كنه غلامٍ مستغير بهيه

اقبل علينا ثم اخذ بانحرافي
يوم الحباري وقعن له سويه

يالطلح قل لي عل مابه خلافي
البارحه برد وشمالٍ قويه

كانه تعشى قلت عله عوافي
والحي يجمعه الولي مع خويه

لاوالله الا صاد خرب متعافي
واخذ عليه من الثنادي شويه

لامفلسٍ مره ولاقال كافي
يوم اخلفنه عن عشاه حقبيه

خابره والله قاطعٍ مايخافي
دايم على الصيده تجي له حميه

انشدك باللي منبتك بالسوافي
عساه في خيرٍ ولافيه سيه

خبري به اقرش في سبوقه خلافي
مابه بلا وامرح على هالحصيه

والفجر شخّص بالنواظر وشافي
طلعه بعيد ويمته ساحليه

يالطلح ذا حبه ولاهو بخافي
متعادلٍ حبه بحب البنيه

بعض الطيور ان راح قلنا عوافي
لاشك هذا وين ابلقى حليه

اتعب عليه وعادت الحر يافي
اضرب سهلها والوعر والشقيه

يجيبه اللي رازقٍ هالعجافي
بهايمٍ تمشي على غير نيه

يالطلح لك مني يابو غصن ضافي
لاجابه الله وكل نيه مطيه

لاجيك انا في موتر القش هافي
واسقيك هاللي باقي بتانكيه

وآطا على رملة سوافيك حافي
وكلٍ على ماقيل يذكر خويه



تقبلو تحياتي

أخوكم

تميمي و أفتخر
كنق القمري
02/12/2008, 01:34 PM
صح لسان الشاعر ومشكور يا التميمي بس شكلك شاعر صح ولا انا غلطان
الذهب الأبيض
02/12/2008, 01:39 PM
صح لسانك ابن العم التميمي ، معارضة جداً رائعة ، لقد استمتعت بها .
ذيب طي
02/12/2008, 02:08 PM
صح لسان الشاعر وسلمت يمينك ,
الداب المرقّط
03/12/2008, 11:07 AM
الله أكبر عليك و صح لسان حمد السعيد .
ابوعقل
04/12/2008, 08:26 AM
مشكور على القصيده

وابو خالد شاعر
الشاهد1
04/12/2008, 02:38 PM
تميمي
صح لسانك وصح لسان الشاعر
حمد السعيد
وبيض الله وجهك على هالنقل
محمد 77
04/12/2008, 11:33 PM
صح لسانك يالتميمي على النقل وح لسان حمد السعيد
صقار جهينة
09/12/2008, 01:48 AM
صح لسان شاعرنا الكبير بو خالد
حمد السعيد
ومشكور ياتميمي ولك الفخر
نجم حفرالباطن
10/12/2008, 02:12 PM
صح لسان الشاعر ماقصرت