المساعد الشخصي الرقمي

مشاهدة النسخة كاملة : طريق ام رقيبة من الطائف


عليمي
02/12/2008, 11:16 AM
السلام عليكم
أخواني الكشاته تحية عطره
ابي منكم تدلوني علي أقرب طريق لأم رقيبه من الطائف وإذا ممكن توضحون كم كيلو المسافه ودمتم سالمين يالغالين .....................
المجمعه
02/12/2008, 12:31 PM
شف يالطيب


تروح مع طريق الرياض السريع .. وتفرق من عند ظلم .. وتمر على عفيف والدوادمى حتى تاصل شقراء .. واذا دخلت شقراء اعتقد ثالث اشاره تلف معها يسار (الطريق اللى يروح للمجمعه) .. وبعدين من عند سجن شقرا تلف يسار الى اوشيقر ثم الى المجمعه (اتبع الطريق اللى يودى للمجمعه) .. واذا دخلت المجمعه ابتل سيده على طريق الكويت الحفر الارطاويه وتمشى من المجمعه فى حدود 130 كيلو تجيك ام رقيبه
مراسل شقراء
02/12/2008, 12:58 PM
العضو المجمعه الله يعطيك العافيه على وصفك بس احب اوضح ان مافيه في شقراء الا اشاره واحده فقط والباقي دوارات (وعجل ترى بعد العيد يبون يشيلونها ويحطون دوار )يعني اذا جك الاشارة خذ معها يسار وكمل على وصف العضو المجمعه . المسافه من الطائف الى ام رقيبه حوالي 900 كم
تحياتي لكم ...
عليمي
02/12/2008, 09:43 PM
السلام عليكم
الحقيقة أني اشكركم جميعا يأهل المجمعة وأهل شقرا علي الوصف الطيب ولاكني سمعت أن فية مفرق للرفايع من عفيف أو حولها يروح للقصيم ثم أم رقيبه هل هو أقرب ؟ وبعدين وشهي المناطق اللي يمر أبها من الرفايع الي القصيم ثم ...........ماذا ؟ وسلامتكم
عليمي
14/12/2008, 02:40 PM
كل عام وانتم بخير
الربع ناوين يحضرون الحفل الختامي الخميس الجاي نبي وصف للطريق أكثر تحياتي للعمموم.......
333
14/12/2008, 03:25 PM
الأعضاء يفيدونك انشا الله