نبغي طريقة الحنيني الاصلية

[ابوفهيدان]

السلام عليكم ورحمة الله وبركاته


يااخوان انا اسمع عن الحنيني ولا مرة ذقته ولا شفته اصلا وكلن يقول سهلة بس محد عطانا وصفته بالضبط وحاولت اجمع واتقرب من وصفه وشفت كلن له طريقة غير
انا ابغي طريقته الاصلية
وعندي سؤال لو اسويه بالبيت واخذه معي للبر كم مدة صلاحيته ؟؟؟


ولاهنتوا والله يجزاكم الجنه

[ظبي الفلا]

ليش تسويه بالبيت وتاخذه للبر هو حلاوته تسويه بالبر

وسهل جداااااا

طحين بر

مع ماء وقليل من الملح

وهذه طريقة البيت والبر على الاخوان

تبدا بالعجن والعجينه لازم تكون متماسكه

وتفرده بصينيه وتدخله الفرن وتشغل الفرن من تحت عشر دقائق

وبعدين تشغل الفرن من فوق عشر دقائق

وبعدها تبدا بتكسيره او تفتيته الى قطع صغير

وتضع سمن على النار وبصل مقطع ولا تحرق البصل بس تشويح دقيقه بس

وتضيفه على الحنيني وفيه ناس يضيفو تمر وفيه ناس يضيفو عسل وفيه ناس يضيفو سكر

لكن التمر هو الاساس ولا تنسى تضيف ملعقة كركم وتبداء بفرك الخبز مع السمن والبصل

وانت سألت عن الحنيني في عقله داره والمكشاتيين هم أفضل من يحضر الحنيني .

[السنع كله]

اهم مكون له هو التمر ولذا مدة صلاحيته في الشتاء طويله كل منه حتى ينتهي وبالعافية والبنت الدافية

[دهران]

الرجاء قراءة هذا الموضوع قبل كتابة أي مشاركة . (http://www.mekshat.com/vb/showthread.php?t=139477)