سبب عشقي للفورد اكسبلورر ... واي سؤال انا مستعد . تستاهلون يالغالين.

[اليكي]

(( قصتي مع الاكسبلورر وسبب عشقي له و رغبتي لرفع السيارة ))













اخوكم فالله راعي بر واكثر ماطلع للنفود . << وانا من حايل وعندنا طعوس كبيرة وصعبة ولا يمشي بهالطعوس الا التويوتا والنيسان وغير هالنوعيه تتعبك كثير ولا تقدر تقطع مشاوير ولاتستانس وبس يدك على قلبك وكل شوي مغرز. طبعا مشاويرنا من 10 كيلو داخل النفود الى 60 . واحيانا المشوار الواحد من بعد مانصلي الفجر وحتى صلاة العصر وحنا بالسيارات . المهم ماطول عليكم خبرتي بهالاماكن جربت فكس ار 94 وجي اكس 97 ونيسان 2000 وشاص ... الخ . كتب الله اني اشتري (( فورد اكسبلورر )) ford explorer ماتجرئت اني استخدمه بالنفود . استخدمته فقط مشاوير بسيطه وسفر وبعض القيلات الصغيره << كشتات ... مشالله تبارك الله مايعوقه شي . شوي شوي وتجرئت قبل اسبوع وقلت للعيال تحملوني بالتغريز وشتريت قلص وتوكلت على الله ونسمت الكفرات 18 . طبعا كفرات الوكاله . ودخلنا كلنا نبي مكان اسمه الجفر يبعد اكثر من 15 كيلو شمال حايل كله نفوووود وعر . ولله الحمد الموتر اوك والشباب كل شوي بالجهاز يشيكون علي...!!! واقولهم توكلو على الله الامور زينه . ووصلنا الموقع ومافيه اي مشاكل ولله الحمد . وتعلمت امور جديده بالنسبه للفورد . الدبل الخفيف والثقيل وفصل مانع الانزلاق. والموتر ماشالله موجود قاعده جوال نوكيا ان 95 ومشغل القارمن . وجهاز مكالمات . كانو العيال يتشمتون يقولون قارمن جوال وفورد اكسبلورر وداخل للجفر..!!! وكانت سياراتهم شاص وربع ونيسان والقارمن المثبت على الطبلون وتوانك البانزيزن ووو الخ . وحنا في مكاننا طرت علي فكره وفكيت الحية السوداء الموجودة بالصدام تحت ... وجاء وقت الرجعه تجرئت شوي وصرت اجاكرهم وصرت احاول اتجاوزهم ..... وفعلا تم تجاوزهم . مثل ماقال احد الاعضاء هنا فعلا تسمع شحيط مواترهم وانا مسيطر على الوضع تمام . وتجينا الطعوس الكبااااااااار ويطلع الربع اولنا ماشالله مايحتاج الربع .والشاص ماقدر لانه محمل واجي انا بعد الشاص والحمدلله واطلع باول مره . ويجي النيسان بس للاسف ماطلع من اول مره !!! بس راعيه يقول ماخذت عزم. ماندري عنه !!! المهم بالاخير كل العايل الي معي تغيرت نضرتهم من جد عن الفورد اكسبلورر ... فعلا اغرمو بالسيارة ماتوقعوها كذا .. ولله الحمد القلص مانزلتله بالعكس صرت ادور احد متعلق اسحبه .



على شان كذا ودي اغير الكفرات على شان يوم كنت اجاكر الربع كان بطنه يحك شوي . طبعا الربع مايحتاج مشالله . الفورد ودي ارفعه لو بكفرات زينه بالنفود على شان اسوقه وانا مرتاح ان بطن الموتر مايحك...




وشكرا على زياراتكم...

[بدوي جنوبي]

وين الصور يا غالي ،، لو انك اتحفتنا بكم صورة
عموما شهادة نعتز فيها لهذا النوع من فورد
اللي اثبت وجودة ،،، يكفيك شكل السيارة جميل جداااا

وسعرها معقول جداااا

بالتوفيق يا طويل العمر واشكرك علي هذا الموضوع
اللي ان شاء الله يغير فكرت اغلب السائقين عن هذه النوع


كل الود




نسأل الله ان يفك أسر أهلنا في غزة و أن يرفع عنهم و أن يثبتهم
على الحق و أن يأجرهم على ما هم فيه من ظلم و عدوان
http://www.maktoobblog.com/userFiles/m/a/mahassen_h/images/344555.jpg
http://aqsaorg.com/images/stories/2008/zzz4%20copy.jpg
http://www.al-akhbar.com/files/images/p19_20070628_pic1.full.jpg
http://aycu07.webshots.com/image/20846/2002753440881227380_rs.jpg

http://aycu06.webshots.com/image/40285/2002720643788768321_rs.jpg


http://www.ba7rawy.com/media/gaza1.jpg
لك الله يا غزة ..

لك الله يا غزة ..



http://www.maktoobblog.com/userFiles/m/a/mahassen_h/images/515ljrnno8de2.jpg

لن يطول عليك الأسر ..
اسرى قطاع غزة في السجون يعلنون الاضراب عن الطعام تضامناً مع اهلهم المحاصرين بالقطاع

http://www.alaqsavoice.ps/pics/5461.jpg



http://www.mekshat.com/vb/../pix/upload02/images91/mk32037_787.jpg




الهم .. اكشف عنهم الكرب..

اللهم عجل بالفرج..

يا ذا الجلال والإكرام.. يا حي يا قيوم


برحمتك نستغيث...

برحمتك نستغيث..."

برحمتك نستغيث..."

يا ودود يا ودود... يا ذا العرش المجيد... يا مبدئ يا معيد...


يا فعالا لما يريد... نسألك بنور وجهك الذي ملأ أركان عرشك


ونسألك بقدرتك التي قدرت بها على جميع خلقك.


. أغث أهل غزة... يا مغيث أغث أهل غزة...".


اللهم أغث أهل غزة


اللهم اشدد أزرهم


اللهم أربط على قلوبهم


اللهم أنزل عليهم دفئا وسلاما


وأمنا وأمانا



اللهم اجعل من الظلام نورا


فى قوبهم ونورا فى سمعهم


ونورا من فوقهم ونورا من تحتهم


اللهم تقبل شهدائهم واشف مرضاهم


وارحم الأمهات الثكالى والزوجات الأرامل


والشيوخ الركع والأطفال اليتامى


اللهم عليك بالصهاينة المعتدين


اللهم شتت شملهم وفرق جمعهم


وأرنا فيهم عجائب قدرتك


اللهم مزقهم كل ممزق


اللهم أحصهم عددا


واقتلهم بددا


ولا تغادر منهم أحدا


إنك على كل شئ قدير وبالاجابة جدير

[لن أمل من العطاء]

رزقك الله خيره

وصرف عنك شره

فعلا السيارات توافيق من الله

[طبعي شمالي]

ماشاء الله تبارك الله .. الامريكي صفه عامه مكاين جباره 8 سلندر ..
والاكسبلور ماشاء الله يفز فز على الخط ..
وبعد السواق يلعب دور .. يعني ناس تغرز بفتك عااادي انا شايف دينالي يسحب فتك

هي على السواق ..

[مساير الليل]

آخوي مابي آخوفك من السياره لكن أهي للمدينه أكثر من كونها للبر وحن على السياره

أشوف واحد من العيال يقول أن خويه معه 2008 ماشي 15 آلف وطلع فيه صوت في الكرونه

والله يطعمك من خيره ويكفيك شره

[القاصي1]

ماشاء الله
بس استغرب انك تقول كنت متخوف
لا تخاف اخوي السياره تمام
وفيه ناس تقول تويوتا ونيسان والباقي لا
لانهم ما جربوا
انا جربت نيسان وتويوتا
وصدقني الاكسبلورر يبيض الوجه.
تحياتي لك
والمرة القادمه لاتنس الصور

[Bader-M]

الاكسبلورر

سيارة رائعه بكل ما تحمل الكلمة من معنى
شكل جميل و مواصفات راقية و محرك قوي و جبار و استهلاك للقود منخفظ
وسعره مناسب جدا

الله يعطيك خيرة ويكفيك شرة

تحياتي اليك

[المرقب العالي]

ماشاء الله سيارة مجربه والمستقبل لها شكل مميز وقيمة عادله ومواصفات رائعه

فهنيئآ لك بها

[محمد بن سعيد]

النفود تبي السواق وشكلك ما شاء الله عليك سواق فيه ناس غرزو على في اكس آر مثل ما ذكرت النفود تبي السواق وعلى فكرة ترى الوالد معه اكسبلور فل كامل وقاهرني موقفه في البيت ولا يعطيه احد

[المميـز]

ماشاء الله تبارك الله

فعلا الاكسبلورر ممتاز جدا وانا كان معي واحد موديل 97 فاكه وكاله

وانا اشهد له بالقوه والراحه

===================

ولكن من وجهة نظري

ان النفووود لايعتمد على السيارة بس

بل يعتمد 80% تقريبا على السواق

السواق له دور كبير بالتحكم بالسياره بالنفود

واتوقع الباقي على السياره

ياما وياما شفت دداسن موديلات 90 تمشي بالنفود وخااااصة اهل حايل


....



شكرا لك على هذا الموضوع واعذرن على المداخله

..

[اليكي]

اشكركم على ردودكم كلكم.... وفعلا الموتر على الاستخدام .... و بصراحه قبل لا اشتري الفرد كان ماهو داخل مزاجي بالمره . قلت بستخدمه سنه بالكثير سنتين وابيعه . بس يوم جربته على الخط قلت يازينه ,,, وقلت اخ الزيييييييييييين مايكمل اما لو هو زين بالبر كان صار مامثله . وزي ماقتلكم جربته بالبر وكبر بعيني ومستحيل افرط بالفورد الا بفورد او V8 تويوتا خخخخخخ . ولله الحمد الضمان موجود للي بيقول انتبه خرابه كثير وماشي معهم زين ... وابشركم بعد توكيلات الجزيرة اعطتني بطاقة مكتوب فيها رقم الشاصي حق الموتر ورقم مجاني (800) يقول لاسمح الله في حالة تعطلك في اي مكان بالمملكة وانت ماشي مع الضمان ماعليك الا انك تدق على الرقم المجاني وتوصف لهم المكان ويجون ياخذون السيارة ويودونه لاي فرع من فروعهم بالمملكة. والي ماهو مصدق يدق عليهم والا يراسلني ويجيني ويتقهو عندي واوريه الكرت . وطبعا الزيت والسيفون اغيره مجانا لمدة سنه مع التشيك . يعني وش غير هالدلع يافووورد ... بس خلااااااااااااص يكفي وناسه .

واشكر الجميع .... وحقيقه كان ودي ارفق لكم الصور حقت الرحله بس بصراحه عجزان وماقادر. (أأأي) . واي واحد متردد يشتري فورد ان شالله يقرا هالموضوع ويدعيلي .


كلمة اخيره :::: اكتشفت ان في الفورد هزاز بس تواضع شركة فورد ماقالت يوجد هزاز في السيارة .


تبيني اثبت لكم .....


رح لمكان فيه غرااااااااااااز مررررررررررررررره يعني لو تجيب تويوتا ونيسان ومايشبك الدبل يغرز . ورح بالفورد ووقف بوسط الغراز ولاتحط الدبل ولاتسوي اي شيييييييي .... واضغط البنزين بشويييش حتى لو كان طييين .. <<< مريت بالموقف << يعني عن تجربه . وشف الموتر يمشي والا لا .

ونشوفكم على خيررر

[عريدان]

مشكور الله يحفظك وأتوقع أن شكله السنه الجايه بيتغير علشان كذا مسوين عليه عرض أسعار إضافة إلى أنه يوجد نوع منه v8 ولكن لم تنزله توكيلات الجزيره بالسعوديه؟؟؟

للإطلاع والفائده إنسخ الجمله التاليه وضهعا في بحث قوقل - الصور
2009 Ford Explorer Sport Trac 4WD XLT

[طحنون]

بدون شك واضح انك متمكن بالسواقه بالبر
ولا يهمك نوع الموتر وصدقني فيه مواتر كفائتها عاليه اكثر من النيسان والتويوتا والدوج او الجمس والشفر
واعطيك مثال أسئل عن الدرانجو كنت ابي اشتريه لاكن اللي قريبيين مني نهوني عنه مع العلم انه فيه من المواصفات وقوه المحركات يتفوق على مفخره الارض وملك الصحراء
لاكن خيره منه والى الان وعيني عليه وبعد مابعت الفتك 2005 جات الازمه الاقتصاديه وتوهقت من الاشاعات اللي صايه هاليومين
وقدر الله علي وشريت تاهو 2005 دبل استخدام امريكي وبالفعل انصدمت بقدراته الهائله من عزم وقوه دبله

[al-7ayraan]

يسلم بؤك يا اليكي هذا الكلام اللي يشرح الصدر لأني توي مطلع واحد من الوكاله وشايل هم الغراز في البر
مع اني مابعد جربته (خواف)....
وبالنسبه للزيت متاكد انه ببلاش تغييره؟
لأنهم ماقالوا لي شي...
اشكرك

[عريدان]

شكلها بدأت حملة تسويق السيارات وهنا الأمريكيه فورد و GM جديد و مستعمل

[sharp]

الله يبارك لك بموترك ويهنيك فيه انشالله


لكن ترى وانا أخوك الطعوس بالشتا كلن ينطحها..حتى الونيت ينسم و ينطح أكبر طعس. انتظر للصيف حتى تحكم على السيارة بشكل عادل.


الصور ادناه للاكسبلورر موديل تجريبي جديد

http://www.motivemagazine.com/emAlbum/albums/Manufacturers/Ford/Concepts/Explorer%20America%20(2008)/2008-naias-ford-explorer-america-concept-001.jpg

http://image.trucktrend.com/f/editorials/was-the-honda-ridgeline-a-truck-ahead-of-its-time/9591808+cr1+re0+ar1/ford-explorer-america-concept.jpg

[اليكي]

اول ماشتريته اعطوني عرض ... تشيك مع تغير الزيت بعد 5000 و 10000 و 18000 و 24000 .... والحين ماشي 24000 وبروح لهم بعد العيد انشالله واغيره ويصير الموتر غلق سنة لاني اشتريته بشهر واحد 1429 ..... يمكن هاذا عرض منهم .... بس مشالله الصيانه زي اللوووز ... الله يستر عليهم 10 دقايق وانت طالع ... وتقدر تحجز بعد... انصحك امش معهم بالضمان .... وقالي احد الموظفين عندهم عادي لو تشطف مره او مرتين ... يصير الضمان ماشي معك

[اليكي]

الله يبارك لك بموترك ويهنيك فيه انشالله



لكن ترى وانا أخوك الطعوس بالشتا كلن ينطحها..حتى الونيت ينسم و ينطح أكبر طعس. انتظر للصيف حتى تحكم على السيارة بشكل عادل.


الصور ادناه للاكسبلورر موديل تجريبي جديد

http://www.motivemagazine.com/emAlbum/albums/Manufacturers/Ford/Concepts/Explorer%20America%20(2008)/2008-naias-ford-explorer-america-concept-001.jpg


http://image.trucktrend.com/f/editorials/was-the-honda-ridgeline-a-truck-ahead-of-its-time/9591808+cr1+re0+ar1/ford-explorer-america-concept.jpg






عندي خبر يالغالي ..... نطحت الطعوس والحراره بطبلون الاكسبلورر ايام الصيف مكتوبه فوق 30 وحاط بالكفارات 18 .... اذا مطر النفود ابشرك ادخل بالنفود واتمشى والكفرات 30 ..... والله على ماقول شهيد .... << بس ماهو بعيد حولك وحواليك

[فارس الفرسه]

السياره ممتازه عموما
بس لو يعدلون الشكمان
طالع من تحت الصدام تقل ارطاة

[أبو دعث]

<?xml version="1.0" encoding="windows-1256"?>
<message><![CDATA[اخوي الكريم (السيف بضاربه لابحده) يعطيك خيره ويكفيك شره














(]]></message>

[al-7ayraan]

اول ماشتريته اعطوني عرض ... تشيك مع تغير الزيت بعد 5000 و 10000 و 18000 و 24000 .... والحين ماشي 24000 وبروح لهم بعد العيد انشالله واغيره ويصير الموتر غلق سنة لاني اشتريته بشهر واحد 1429 ..... يمكن هاذا عرض منهم .... بس مشالله الصيانه زي اللوووز ... الله يستر عليهم 10 دقايق وانت طالع ... وتقدر تحجز بعد... انصحك امش معهم بالضمان .... وقالي احد الموظفين عندهم عادي لو تشطف مره او مرتين ... يصير الضمان ماشي معك
ماشاء الله عليك
الله يعطيك العافيه ماقصرت وان شاء الله بامشي معهم خطوة خطوة...

[AbuAli444]

السلام عليكم ... وعيدكم مبارك...

الله يعطيك خيرها ويكفيك شرها ...

أنا فعلاً جربتها في الثمامة في أماكن صعبة شوي ... وما عندي خبرة كافية بالطعوس ... وما قصرت معي بيضت الوجه قدام زملائي ... ما شاء الله ...

عندي سؤال على كلامك :


وتعلمت امور جديده بالنسبه للفورد . الدبل الخفيف والثقيل وفصل مانع الانزلاق.

هل تنصح بفصل مانع الإنزلاق أثناء التطعيس ام لا ؟؟؟


وبالنسبة للصيانة مع الوكالة ....:no2: .... مطلقهم بالثلااااااااااااااث ... :mad:

الصراحة ... ما شفت منهم إلا (( الخراب بالسيارة )) وما عندهم سالفة في بعض الأمور بالسيارة ... كل ما أقول لهم ملاحظة ... قالوا عيب من المصنع ... :confused:
ويوم غيرت الزيت في ورشة عادية ... بعد الطلاق ... وجدت أن فلتر الهواء تعبان ومشبع بالزيت ولم يغير من فترة طويلة ...:mad: ... رغم موظبتي على الصيانة ...
ومرة رحت آخذ السيارة من بعد الصيانة الدورية ... وجدت الباب ممخوش بشكل واضح ... ومشوه منظر الباب ... :mad:
الصراحة ... صيانتهم ( بالرياض ) ( فرع خريص ) ... تعباااااااااااااااانه ... بحسب تجربتي معهم ...

حسبي الله عليهم ونعم الوكيل ...

أنتظر ردك على سؤالي ... مع الشكر ...

[وجهة نظر]

الله يبارك لأهل السيارات كلهم..
يا شباب انا ا شوف اخوان فيهم عاطفه زائده اتجاه ما يحبون اوما يملكون من سيارات اوغيرها من الأجهزه اوالاشياء الاخرى ويعميهم الحب او التعصب عن ا لتقييم المنطقي ( بالعقل والارقام ) .... مثال السيارات ننظر.. قوة المكينة- القير -الارتفاع للسيارات البر-حجم السياره ووزنها - خبرة الشركة المصنعة في هذه النوعيات من السيارات... الخ ولانغفل دور السائق المهم جداّ
ولاننسى : وعين الرضا عن كل عيب كليلة وشكراّ

[سعد الاحمد]

الله يطعمك من خيره ويكفيك شره ..

فورد اكسبلورر سيارة انا مجبرها في البران والنفود وما شاء الله تبارك الله .. صحيح هو عيبها الوحيد الطمان .. اقصد انها نازله شوي مقارنة بالاندكروزر او السفاري .. ولكن بالامكان تغيير نوع الكفرات الى مقاس اكبر شوي حتى تضمن ارتفاعها عن الارض ... وتوكل على الله ولا يردك اي مكان ..