محمد 77
03/12/2008, 02:38 AM
من قصائد شعراء الرعيل الاول :
يالله ياللي رحمته ماقطعها = يامدبر الدنيا على كل نوعي
ياباسط سبع وسبع رفعها = ياعالم مابين هدف الضلوعي
افرج لمن نفسه تزايد ولعها = البر منوتها وهاك النجوعي
لازان نبته والقبيلة جمعها = والمال من عقب التصلفق رتوعي
محلا الزهر متخالف في نقعها = وتشوف من نبت الزبيدي رموعي
وكل اشقر برق الحباري شلعها= وزان الهداد لمبعدات الطلوعي
وشفت البيوت اللي وساع ربعها = للضيف فيها شبعة بعد جوعي
واربع مناحير وعود تبعها = ونجر صياحه يقعد اللي هجوعي
يدعي رجال وقتها ماخدعها = عن الردى والعيب كل جزوعي
نطرد ورى الدنيا ونتبع طمعها = والعمر يقظي بالشهر والسبوعي
دنيا تصلفق ماعرفنا سنعها = يوم بها نفرح ويوم تروعي
تخفي الطعون اللي سريع وجعها = لو كان يمشي العبد عدل وطوعي
وين الصحابة وين جيل تبعها = راحوا ولامنهم على الخد دوعي
وين الرجال اللي سريع فزعها=وعبدالعزيز اللي يقود الجموعي
وكل ابلج قب السبايا منعها = لاجاء نهار الضيق يرمي الدروعي
نصيحة مني لمن يستمعها = وخص بها اللي داني من ربوعي
من لاملك عقله ونفسه ردعها = ترميه لوانه شجاع بتوعي
ومن لاقضا خمس الفروض وركعها = يصبح كما قصر بليا شموعي
هذاك نفسه هانها مانفعها = والعمر لامن فات مابه رجوعي
تم الكلام وطلبة الله طعها = اللي خلق مسلم وكافر وشوعي
سلطان بن حمادة السهلي رحمه الله
منقول
.
يالله ياللي رحمته ماقطعها = يامدبر الدنيا على كل نوعي
ياباسط سبع وسبع رفعها = ياعالم مابين هدف الضلوعي
افرج لمن نفسه تزايد ولعها = البر منوتها وهاك النجوعي
لازان نبته والقبيلة جمعها = والمال من عقب التصلفق رتوعي
محلا الزهر متخالف في نقعها = وتشوف من نبت الزبيدي رموعي
وكل اشقر برق الحباري شلعها= وزان الهداد لمبعدات الطلوعي
وشفت البيوت اللي وساع ربعها = للضيف فيها شبعة بعد جوعي
واربع مناحير وعود تبعها = ونجر صياحه يقعد اللي هجوعي
يدعي رجال وقتها ماخدعها = عن الردى والعيب كل جزوعي
نطرد ورى الدنيا ونتبع طمعها = والعمر يقظي بالشهر والسبوعي
دنيا تصلفق ماعرفنا سنعها = يوم بها نفرح ويوم تروعي
تخفي الطعون اللي سريع وجعها = لو كان يمشي العبد عدل وطوعي
وين الصحابة وين جيل تبعها = راحوا ولامنهم على الخد دوعي
وين الرجال اللي سريع فزعها=وعبدالعزيز اللي يقود الجموعي
وكل ابلج قب السبايا منعها = لاجاء نهار الضيق يرمي الدروعي
نصيحة مني لمن يستمعها = وخص بها اللي داني من ربوعي
من لاملك عقله ونفسه ردعها = ترميه لوانه شجاع بتوعي
ومن لاقضا خمس الفروض وركعها = يصبح كما قصر بليا شموعي
هذاك نفسه هانها مانفعها = والعمر لامن فات مابه رجوعي
تم الكلام وطلبة الله طعها = اللي خلق مسلم وكافر وشوعي
سلطان بن حمادة السهلي رحمه الله
منقول
.