اسعار خيام المبيت من القاضي

[راع الزلفي]

لقد طلب مني الاخ الكريم سرهيد الساحات العربية لاسعار خيام القاضي للمبيت في موضوع يبدو انه تم حذفه !؟
وصباح هذا اليوم ذهبت لشراء خيمة مبيت قطنية
من محلهم في عنيزة والصور موضح فيها الاسعار حسب الاستكر الموضوع على الخيام
وهي خيام قطنية حسب ما كتب عليها
وعندهم خيام اسعارها اقل لاختلاف مادة التصنيع

http://www.mekshat.com/pix/upload02/images90/mk36382_1.1.jpg



http://www.mekshat.com/pix/upload02/images90/mk36382_2.2.jpg

[صحيح]

يرجال السعر على كيفيك

[برق بن رعد]

يعطيك العافية

[أبو مها]

شكرا لموضوعك
خيمة المبيت القطنية الحجم الكبير شراها اخوي قبل ثلاث اسابيع من الرياض
فرعهم مخرج 15 بسعر 300ريال
وانا عن استخدامي لها اشوف ان النوع البولستر ادفى بكثير من القطنية

تحياتي
اخوك ابومها

[الشاهين2004]

انا اشتريتها قبل شهر اي بعد زيادتهم للأسعار من فرعهم بالرياض طريق سعد بن عبدالرحمن خيمة المبيت الكبيره قطنيه 2*3 بملغ 300 ريال

[الشاهين2004]

شكرا لموضوعك
خيمة المبيت القطنية الحجم الكبير شراها اخوي قبل ثلاث اسابيع من الرياض
فرعهم مخرج 15 بسعر 300ريال
وانا عن استخدامي لها اشوف ان النوع البولستر ادفى بكثير من القطنية

تحياتي
اخوك ابومها
نعم اخوي ابو مها البولستر اخف وادفاء من القطنيه وذلك من واقع تجربه ولكن القطنيه اقوى قماش من البولستر

[عاشق السيل]

بيض الله وجهك ،،

وياليتك جبت أسعار البيرق بكل مقاساتها ،، وش صار عليها ؟؟!!!

وتقبل مروري يالغالي ...

[big boss]

انا اشتريتها قبل شهر اي بعد زيادتهم للأسعار من فرعهم بالرياض طريق سعد بن عبدالرحمن خيمة المبيت الكبيره قطنيه 2*3 بملغ 300 ريال

:( شاري قماش بنفس السعر ب 330

[قناص*07]

للرفع

سعرها الان بـ 370 ريال الكبيره القطنيه

[SIF]

والله من الغلى

عليك بالبلوستر أرخص نفر واحد 150 تقريبا

الدعوى كلها نوم وخلاص

والله يهدي القاضي ذبحنا بالغلاء

[شروكي96]

مافهمت شنو يعني خيمت المبيت الا من الصور لا تواخذوني جديد على سوالف البر وسوالفكم وستحملوني شوي اشوي اصير مثلكم بس تحملوني ههههههههههههه ربي يحميكم وربي انو جوكم الي بالمنتدا جوكم روعه الله يحفظكم اخوكم من الكويت يطلب الصبر منكم وحابكم في الله

[ساقان]

مافهمت شنو يعني خيمت المبيت الا من الصور لا تواخذوني جديد على سوالف البر وسوالفكم وستحملوني شوي اشوي اصير مثلكم بس تحملوني ههههههههههههه ربي يحميكم وربي انو جوكم الي بالمنتدا جوكم روعه الله يحفظكم اخوكم من الكويت يطلب الصبر منكم وحابكم في الله

خيمة المبيت = خيمة تستخدم للنوم بداخلها وتتميز بالدفء :good2:
وياك اخونا شروكي

[ابن عكاش]

ياشباب اللي جربها في المربعانيه يفيدنى عنها كيفها في الدفئ وهل مع هبوب الرياح تتحرك واجد عطونى رايكم فيها لأني من فتره افكر فيها الله لايهينكم

[aljde40]

شكرا لموضوعك
خيمة المبيت القطنية الحجم الكبير شراها اخوي قبل ثلاث اسابيع من الرياض
فرعهم مخرج 15 بسعر 300ريال
وانا عن استخدامي لها اشوف ان النوع البولستر ادفى بكثير من القطنية

تحياتي
اخوك ابومها

اخوي ابومها كل عام وأنت وعموم الأعضاء والمشرفين والقراء بخير.
أنت تقول ان البولستر أدفى . تقصد بالشمس ولاباليل ؟
الحقيقة أنا عندي المبيت الصغيرة قماش لكن بالليل تصقع يعني اذا ماتغطي راسك عدل وانت نايم تروح فيها .
أرجو الإفادة.

[خيال العشواء]

يعطيكم العافيه

[بروق الحجاز]

يعطيك العافية

[NAIFAT]

شريتها العام بولستر تقريبا 150 ريال . ماشاء الله تبارك الله دافيه مرررره . ومع الشباب قطن دافيه .

ابن عكاش تبي الشور خذها وفي عز البررررررررد خذ التنزاني معها . والهوا فيها اطناب صغيره تثبتها

[أبوسليم]

يعطيكم العافية

[جومانشي]

غاليه مره وهي حقة مبيت

[Mohammed M]

هل الخيمة الكبيرة مقاس ٢x٣ القطنية تقبل دخول الأمطار (ضد الماء) ؟
وهل يوجد ماهو افضل منها من ناحية الدفء و في نفس الوقت ممكن استخدامها كناموسية ؟
سعرها الآن ٤٨٠ ريال

[مزعل.كوم]

هل خيمة المبيت الصغيره سواء البولستر او القطنيه
متوفره عند القاضي؟؟
اذكر من العام الماضي انقطعت من السوقوالقاضي كل يوم يقول بنوفرها!!

[مكتشف الهوات]

هل خيمة المبيت الصغيره سواء البولستر او القطنيه
متوفره عند القاضي؟؟
اذكر من العام الماضي انقطعت من السوقوالقاضي كل يوم يقول بنوفرها!!

موجودة عندي استعملته مره وحده بنفود الدهناء انواع الدفاااااا
للبيع لعدم حاجتي لها وشكراا

[الوريكه]

اخوي مكتشف الهوات
اذا حاب تبيع خيمت المبيت
لي نظر فيها ولا عليك امر
جوالي ٠٥٤٨١٥١٥٢٤

[المتلولس]

انا اخذت الكبيرة قبل سنتين عزالله اننا ضايعين قبل.... ماتاخذ مكان بالسيارة كبير ودافية

[الضباوي]

السلام عليكم
بخصوص الدفا ان استخدمها من سنتين تقريباً مثل الثلاجة بالشتاء
لكن ما يميزها ذاريه عن الهواء والمطر
ما تخرش المي

[ابوعلي العجمي]

بس مالها صوت مع الهوا خرفشه ولا شراعها ثابت ولاهنت يا راعي ااموضوع اذا ماعليك كلافه نبي صورة لها وهي مسفطه
وتشكر على الموضوع ولو تكمل الموضوع ويثبتونه الاخوان ويصير مرجع للي يبي خيمه يمر موضوع راعي الزلفي
ويشوف اللي يجوز له
الف شكر راع الزلفي من اعماق قلبي

[مكتشف الهوات]

اخوي مكتشف الهوات
اذا حاب تبيع خيمت المبيت
لي نظر فيها ولا عليك امر
جوالي ٠٥٤٨١٥١٥٢٤

نفس الي بالصورة
http://www.parisnajd.com/upload/users/khaled555/17022011171.jpg

على السوم وكل اغراضه موجودة

[الوانيت1]

طيب كم اسعارها اللحين
اتمني انها ما ارتفعت واجد
من عندة خبر عن الاسعار الحالية
يفيدنا جزاه الله خير .....////.

[msam]

فراش جودري ب90 ريال وناموسيه ب60 ريال
وبطانيه ب50 ريال
ونوم هادئ واسرع اذا سمعت خرفشه في البر تكشف بسرعه (( من هناك))

[nayf01]

انا شريت باكستانية لها عندي يمكن عشر سنوات وكانت قيمتها 500 ريال والى يومكم ما تغيرت لها ثلاثة عمدان فقط وذراها منها وبيبانها اثنان تقفل بحبال
ماتحرك في الهواء ولايخرها الما ودافيه
اما البلاستك المبيت فقد شريتها اعتقد 40 ريال اول ما وردت والان عندي استخدامي لها قليل حاطها في السياره وانساها واذا احتجتها تفي بالغرض