الرصاصي2002
04/12/2008, 12:11 PM
السلام عليكم ورحمة الله وبركاته
عيد الله عليكم مبارك جميعا مقدما ، الله يعيده علينا وعليكم بالخير ..
ابغي اقول لكم اللي صار لي وابي اعرف رايكم الله لا يهينكم ..
انا مضيع لي طير قبل شهرين تقريبا ( وكري ) ، وبصراحه فقدت الامل في رجعة الطير بعد مرور اسبوعين.
لكن اول امس اتصل لي واحد من دولة الامارات وقال لي : الشيخ انت ضايع لك طير ؟؟
قلت له : اي نعم ، قال لي : وش الطير ؟ قلت له : وكري قرناس بكر ، ولون السبوق ..... الخ ،
المهم اعطيته اوصاف الطير ، وقال لي : الطير لقيناه ميت .
قلت له : لاحول ولا قوة الا بالله ، يعطيك العافية يالشيخ ورحم الله والديك ، قال لي : الطير صايد ؟
قلت في نفسي : اشلون يسأل عند الطير اذا صايد ولا لا وهو ميت ؟؟ بس قلت يمكن الرجال فيه فضول
رديت عليه : الطير صايد الارنب و معلم على الكروان بس الحبارى ماشافها معاي .
قال لي : مشكور ومع السلامه ، وانتهت المكالمه .
ولكن
بعد اقل من دقيقتين اتصل لي مرة ثانية وقال لي الطير موجود عندي ، قلت له وين مكانك في الامارات ؟؟
قال لي انا في ........... ، قلت له دقايق بس وباتصل لك .
وكلمت واحد من الربع في الامارات وقلت له السالفه و عطيته رقم الرجال عشان يتصل له وياخذ الطير من عنده
، المهم كلمت الرجال اللي عنده الطير وقلت له الحين بيتصل لك واحد من الربع وبيتواعد معاك عشان ياخذ الطير ، رد علي : الطير مب عندي ، انا شفته عند ناس وخذت الرقم من الحلقة اللي في رجل الطير ،
قلت له : انت كلم اللي عندهم الطير ، والحين بيكلمك رفيجي عشان تتواعدون ، قال لي : مب مشكله .
عقبها بعشر دقايق رد علي رفيجي الاماراتي وقال لي : انا كلمت الرجال اللي عطيتني رقمه ، وقال لي :
( كانك تبغي الطير تعال وجيب معاك 3000 درهم وباعطيك الطير ) .
قلت له: تتكلم جد ولا تستعبط ؟؟ قال لي : والله هذا الكلام اللي صار وانا باتفاهم معاه .
السموحه طولت في الموضوع شوي بس ابي اعرف رايكم في الموضوع ، مع احترامي الشديد لصقاقير الخليج بشكل عام ، ولكن هذي النوعية من الناس ما اسميها ( صقارة ) لكن اسميها ( طرارة ) .
وفي انتظار ردودكم ..
اخوكم/ الرصاصي 2002
عيد الله عليكم مبارك جميعا مقدما ، الله يعيده علينا وعليكم بالخير ..
ابغي اقول لكم اللي صار لي وابي اعرف رايكم الله لا يهينكم ..
انا مضيع لي طير قبل شهرين تقريبا ( وكري ) ، وبصراحه فقدت الامل في رجعة الطير بعد مرور اسبوعين.
لكن اول امس اتصل لي واحد من دولة الامارات وقال لي : الشيخ انت ضايع لك طير ؟؟
قلت له : اي نعم ، قال لي : وش الطير ؟ قلت له : وكري قرناس بكر ، ولون السبوق ..... الخ ،
المهم اعطيته اوصاف الطير ، وقال لي : الطير لقيناه ميت .
قلت له : لاحول ولا قوة الا بالله ، يعطيك العافية يالشيخ ورحم الله والديك ، قال لي : الطير صايد ؟
قلت في نفسي : اشلون يسأل عند الطير اذا صايد ولا لا وهو ميت ؟؟ بس قلت يمكن الرجال فيه فضول
رديت عليه : الطير صايد الارنب و معلم على الكروان بس الحبارى ماشافها معاي .
قال لي : مشكور ومع السلامه ، وانتهت المكالمه .
ولكن
بعد اقل من دقيقتين اتصل لي مرة ثانية وقال لي الطير موجود عندي ، قلت له وين مكانك في الامارات ؟؟
قال لي انا في ........... ، قلت له دقايق بس وباتصل لك .
وكلمت واحد من الربع في الامارات وقلت له السالفه و عطيته رقم الرجال عشان يتصل له وياخذ الطير من عنده
، المهم كلمت الرجال اللي عنده الطير وقلت له الحين بيتصل لك واحد من الربع وبيتواعد معاك عشان ياخذ الطير ، رد علي : الطير مب عندي ، انا شفته عند ناس وخذت الرقم من الحلقة اللي في رجل الطير ،
قلت له : انت كلم اللي عندهم الطير ، والحين بيكلمك رفيجي عشان تتواعدون ، قال لي : مب مشكله .
عقبها بعشر دقايق رد علي رفيجي الاماراتي وقال لي : انا كلمت الرجال اللي عطيتني رقمه ، وقال لي :
( كانك تبغي الطير تعال وجيب معاك 3000 درهم وباعطيك الطير ) .
قلت له: تتكلم جد ولا تستعبط ؟؟ قال لي : والله هذا الكلام اللي صار وانا باتفاهم معاه .
السموحه طولت في الموضوع شوي بس ابي اعرف رايكم في الموضوع ، مع احترامي الشديد لصقاقير الخليج بشكل عام ، ولكن هذي النوعية من الناس ما اسميها ( صقارة ) لكن اسميها ( طرارة ) .
وفي انتظار ردودكم ..
اخوكم/ الرصاصي 2002