حل لمن ينسى بعض اغراضه في الكشته

[ابوبندر]

السلام عليكم ورحمة الله وبركاته
سمي الإنسان لأنه كثير النسيان ..... والكامل وجه الله سبحانه تعالى
في كل كشتة اكيد لازم تنسى شي مهم او غير مهم المهم :D انك نسيت شي وحنا كل همنا انك ماتسى شي
البعض يكتب جميع ماينسى بالكشته بورقه او يسأل اخوياه بالكشتة وش ناقص عزبتي ياشباب ؟

انا اقترح لجميع الاعضاء بأنهم يدوّنون (يكتبون) على شكل لسته جميع اغراضك التي تكون بالعزبه (العده , الثاية)
بحيث يكون مثلا العزبة تتكون من شاي , سكر , قهوة , سكاكين , ملاس .... الخ
أو تصنف من حيث نوع العزبة مثلا : عزبة الطبخ : تتكون من قدر كاتم , ملاس, مفك صلصه, ملح , بهارات .. الخ

علماً اني اقتبس هذه الفكره من واحد من الشباب كان معه ورقة مصوره فيها لسته جميع اغراض الكشتة

بإختصار كل واحد يكتب على شكل لسته جميع اغراضه بهدف ان كل شخص يذكر الثاني باللي نساه

[سيرفر]

هذي المعلومات منقوله من مديري في العمل






عدة الطبخ والرحلة : قدر ضغط مقاس 9 لتر، ارز ، دجاج + لحم (طبخ + شوي) صحن عدد2 (وسط وصغير) ، سطل ماء صغير مع علبة بلاستيك للغسيل .
جراكل ماء ، ابريق حمام ،كرسي نار كبير ومرتفع ، ملقاط كبير وصغير عدد 2 ، حطب ، فحم ، شبك شوي ، شعال نار، ولاعات .
فرشاة ، شنطة كبيرة للعدة، سكاكين لحم وخضار ، ملاعق كبيرة وصغيرة ، ساطور ، ملاس ، ملح ، بهارات ، فلفل اخضر ، فلفل اسود ، طماطم ، بصل ، ثوم ، فاكهة ، ليمون ، سكر ، شاي ، عدة قهوة كاملة ( قهوة + هيل + مسمار + تمر + زعفران + ليفة + فناجيل بلاستيك + بيالات ) ، مفك ، صلصة ، صحون بلاستيك صغيرة ، زيت طبخ نور ، نواشف ، صلصة ، خبز .
ليفة مواعين ، اسفنجة ، تاوة صغيرة ، مراكي ، اباريق شاي ، قهوة ، حليب ، ابريق كبير ( تفويح ) ، سطل لبن ، ثلاجة سيارة ، قفازات قوية ، منفاخ ، منشار ، شنطة عفش فوق السلة ، ثلاجة ، ثلج ، ماء شرب ، صابون ، فييري ،مناديل ، غاز ، قز ، ذراية ، فاس كبير وصغير ، مسحات ،مطرقة ، رواق ، حبل ، واير سحب ، لمبة عدد 3 ( جهاز البطاريه ) ، اطناب عدد 8 ، اكياس زبالة ، مقص شجر .
* جهاز جارمن مهم جدا . بوصلة +المسافة + الخريطة (سهل التعامل ) .
:p :p

[ابو ايمن]

شكرا لك اخي

اقتراحي بالنسبة للي معه سيارة مخصصها للرحلات . .

أنه يكمل العزبة وماينزل منها شيء . الا اذا كان راجع معه قدور ماكفى الماء لغسلها يغسلها ويرجعها . وإذا كان الماء كافي وهو في البر ياليت ماترجع للديرة وفيه شيء ماغسل .

بالنسبة للأساسيات مثل القهوة والشاهي وباقي الأغراض ياليت تشيك عليها كل فترة وتخليها جاهزة بالعزبة في السيارة دائما .

يصير ماعليك الا تأخذ اللحمة والطماط والبصل . ( يعني الأشياء اللي تخرب اذا تركت في السيارة )

أماباقي الأغراض والضروريات والتي ذكر الأخ سرفر أشياء أساسية منها فلابد أن تكون دائما من ضمن العزبة .


إضافة بسيطة . فيه عزبة للشاهي والطبخ تكفي حتى لثلاث أشخاص هذي دائما في السيارة .

وفيه عزبة طبخ الرحلات الأسرية والعائلية . هذي تحتاج الى تجهيز طبعا .

تحياتـــي .

[الوقيع]

ونا فاضي أجلس أكتب

[مشغول]

حياك ربي أبو بندر

اشكرك على هذا الموضوع

واحب اهديلك هذا الرابط

طلبات الرحلة المتكاملة (http://www.mekshat.com/vb/showthread.php?s=&threadid=646)


وهلا بك