موتري يسخن ..وش الحل؟؟؟

[فنجال]

الى جميع الاخوه
موتري فايندر2002 مشكلته ترتفع حرارته فوق النص اذا كنت امشي في شعيب ( من كثر ماحبسله كلتش) اما مع الخط الحراره طبيعيه جدا ....ورحت لم ورشه وحصلوا ان الخرطوش من المكينه الى الاديتر ساخن واما الخرطوس النحاسي اللي تحت بارد وقلنا البلف قافل وغيرته ولكن مابه فايده ......... وبصراحه اغلب الورش ياجماعة تخوف كلن يبي ياكل وبس ....والوكاله يصلخونك ....وهاالحين انا ابي احد يشخصلي وش سبب الحراره:mad:
ولكم تحياتي
فنجال

[الاسود]

السلام عليكم ورحمة الله وبركاته

اخي الحبيب :
الحرارة في السيارة لها عدة اسباب ومنها اللي ذكرت البلوف اذا قفلت لاكن ومن تجربة البسيطة يمكن اقدر اساعدك باني احدد لك اسباب ارتفاع حرارة السيارة وهي :
1 - تهريب ( شقوق) في الخراطيش الخارجة من المكينة او الخارجة من الاديتر خاصة اذا كانت هالخراطيش قديمة ( افحص الخراطيش ) ويستحب انك تغيرها كل سنة ونصف خاصة ان الصيف عندنا حار جدا .
2- افحص تماتيك المراوح .. ( السيارات الحديثة كلها صار لها مروحتين ثنتين فانت افحصهن عند مهندس ) وهالمراوح وحده دائما شغالة والثانية تشتغل اذا شغلة التكييف اوارتفعت الحرارة .
3- هناك مواصير تخرج من المكينة وتكون عادة اما نحاس او المنيويوم وموقعها عادة تحت المكينة ( وتسمى عند المهندسين خراطيش او مواصير التبريد ) افحص هالمواصير اذا كان فيها تهريب ماء فهذا يعني بنسبة 70% 70 ان البلوف فيها مشكلة ياواحد منها قافل او الحرارة مأثرة عليها وفي هذه الحالة يفضل انك تغير كل طقم البلوف يعني لا تغير واحد بس .
4- افحص سير المكينة المرتبط بالدينمو اذا كان مرتخي فهذا يسبب ارتفاع حرارة السيارة اكيد .. لذك قم بشدة جيدا .
5- الاديتر .. افحص الاديتر جيدا وهو عادة اما يصير يبي تصييخ يعني تنظيف داخلي او يكون فيه تنسيم بسبب ثقوب صغيييييرة لا ترى بالعين .. وهنا فيه تنبيه مهمممم جدا جدا اذا اردت تنظيف الاديتر ( تصييخه ) فك الاديتر كله وطلعه برا السيارة واحححححححححححذر من ان يقوم العامل اللي ينظفه بوضع خرطوش ما في مكان بلف الحرارة في المكينة ويقولك شغل السيارة ( يعتقدون ان الماء اذا اندفع مع بلف الحرارة الى داخل المكينة وبعدين اكماله لدورانه ثم يخرج للاديتر يعتقدون ان هالطريقة تنضف المكينة والاديتر وهذا خطأ فاااادح ) . لذلك مثل ماقلنا تنضيف الاديتر يكون بفكه واخراجه من السيارة وتنظيفه خارج السيارة ومن ثم ربطه وتركيبه في مكانه وملئه بالماء بعد التشغيل .

محبــــــــك..

[فنجال]

اخوي الاسود
عليم السلام ورحمة الله وبركاته
بيض الله وجهك
ونسيت اوضح ان الخرطوش الاسود اللي فوق من المكينه معبيي هواء قوه وساخن بالحيل... الهواء هذا وش سببه
انا بنتظار الرد.
تحياتي

[الكشات]

الاخ فنجال السلام عليكم :

الحراره في هذه الحاله تكون من الطبيعى انها ترتفع شئ بسيط اما اذا ارتفعة اكثر من

النصف فيكون اماى من المروحه او كلتش المروحه او يكون فيه نقص في الماء0

والله اعلم

[الاسود]

السلام عليكم ورحمة الله وبركاته
من الطبيعي مادام الحرارة ارتفعت من الطبيعي ان الخرطوش العلوي يكون معبي هواء وساخن جدا

لاكن انت فك البلف حق الحرارة وافحصه .. احيانا البلف يقفل ويمنع دخول الماء للمكينة فك البلف واختبره وشف هل ( يعمل بشكل جيد .. افحص السستة الموجودة فيه ) اذا كان كويس رجعه وبتلقى حرارة الخرطوش خفة اما اذا كان ما يشتغل زين .. على طول غيره .. وانتبه من نصايح البعض اللي يقول لك فك البلف في الشتا وركبه في الصيف .. لان وظيفة البلف هي حفظ المكينة من زيادة الحرارة ( البلف يقفل تلقائيا اذا زادت الحراة ويمنع زيادة حرارة المكينة ) يعني مثل صمام الامان .

- شي اخير دائما احرص على مراقبة الماء في الاديتر يعني شهريا شيك عليه او كل ماجيت تغير زيت الموتر شيك عليه مع ماء البطارية والزيوت الباقية ( الكلتش والفرامل ).

- بعدين تعال الحرارة وين توصل معك ؟؟

- محبـــــــــــك ..

[فنجال]

اخوي الكشات
اشكرك على اهتمامك وكلامك في محله .....

اخوي الاسود
عيني عليك بارده واسمحلي ماني فاكك ;)
بلف الحرارة مثل ماوضحت غيرته ولكن مافيه فايده اما الحراره بالديره والخط ماتتعدا الربع بس في الشعبان ترتفع حرارته فوق النص اذا كنت امشي في شعيب ( من كثر ماحبسله كلتش).
تبيني اقوللك وش قالوا الورش واحد لبنانى ؟؟؟؟؟ في ورشه مشهوره خلف معارض النسيم يقول (فحصتااللك السياره ومابدا حكي عندك تنسيم براس الماكينا ) حسبي الله عليه سياره جديده 2002 ونحشت ورحت الله وكيلك للصناعيه لم ورشه اعاملهم وجاني واحدن منهم افريقي وقالي طرمبة الماءءءءءءءءءءءءءءءءءءءء.
:mad:
ها وش رايك..... اخوك قافله معه
اخوي الاسود لاتتركني .......وكذالك الاخوان ابي الورشه اللي الواحد يصلح سيارته ويكشفون هالعله :mad:
محبك فنجال

[مدلّه الرعيان]

السلام عليكم ورحمة الله وبركاته
الأخ الكريم / فنجال ، مشكلة الحرارة بسيارتك تكمن في الأتماتيك حق المروحة الإضافية ، غيروه وتنتهي مشكلة حرارة سيارتك .

اخوك / مدلّه الرعيان

[فنجال]

اخوي مدله الرعيان
عليكم السلام ورحمة الله وبركاته
احتراماتي كلامك يعجبني فيه ثقه قويه احترمها جدا جدا :good:

... بعضهم قالي هالكلام حتى اول ورشه اللي غيرت فيها البلف العامل الهندي قالي التماتيك ولكن المشرف الاردني اصر انة من البلف.:confused:
ولكن ماقول الا رحم الله ثنين عقبوك .......
بس على فكرة تقولي كيف عرفت حتى يكون عندي خلفيه وايضا يستفيدون الاخوان:light:

[عروان]

أخوي فنجال

ترا من الطبيعي أن الحرارة ترتفع اذا نزلت في الشعبان و أستخدمت الدبل.


أنصحك لا تستعجل و تخسر عمرك دراهم. رح للوكالة و خلهم يفحصون لك نضام التبريد في المكينة و اذا فيه مشكلة بيخبرونك.


تحياتي لك

[مدلّه الرعيان]

اخوي العزيز / فنجال ، ترى ماهوب اكيد مية بالمية من التماتيك يمكن يكون من اي شي ثاني من الي ذكروه الإخوان ، لكن انا سبق وإن صارلي مثل هالمشكلة بس نوع السيارة ( VX-R) ، كانت الحرارة ترتفع شيء بسيط بالقيادة العادية( لا يمكن يلاحظة إلا واحد دقيق الملاحظة )ولكن عند دخول الشعبان والنفد والرمال ترتفع درجة الحرارة بشكل ملحوض ، وأخيراً إكتشفت إنه من التماتيك حق المروحه الإضافية.على كل حال انا مع إقتراح الأخ / عروان إعرضها على الوكالة اسلملك .
وعند ماتعرف المشكة ترى ودنا نعرف - الخبره زينة - مثلك عارف .

[اعقاب]

السلام عليكم ورحمة الله وبركاته

الاخ العزيز

الرديتر اذا كان صفتين بدله بثلاث صفات وبيريحك ولا تستعجل في القرار

[فنجال]

السلام عليكم
اشكر الجميع على تفاعلهم معي
امس عقب العصر رحت لم صناعية الخليج ومريت على ثلاث ورش ثنين منهم شكو باالاديتر وقالوا يمكن به سدد وخاصتن ان الاديتر صغير رصتين ....واحد قالي البلف..(
ومريت على راعي الاديترات وفتح اللغطاء والا الماء مافيه وصخ صافي وشفته متردد وخليتة.
لكن الظاهر مابدهاش الله يعين ابوديها الوكاله والله يعين على الصلخ ..:(
وعند ان شالله ماخلص راح اخبركم ..

على فكره الوكاله كم لها صيانه عندنا ......حلوه عندنا ..... باالرياض:D

[عاشق الغدير]

اتوقع ان ماء الاديتر ناقص

[mmm998]

أقول الباث لايستغرب منه أرتفاع الحرارة وخاصةً اذا شغلت الدبل , واذا أستمرت أرتفاع الحرارة حتى في الطرقات قم بتسيخ الراديتر . والله الموفق

[مناحي511]

تبي الحل انشاء الله غير الرديتر لوكان جديد وركب وكاله (نفس موضوعك حصلي وغيرت الرديتر وارتحت)

[بدوي جنوبي]

الموضوع قديم يا جماعه :D

[كبسولة2]

أي والله قديييييييييييم خالص