استفســـــــــــــــــــار مــاهو افضل فراش بر.......؟

[A124]

السلام عليكم ورحمه الله وبركاته

ماهو افضل فراش بر يعني من ناحيه الدفا وسهوله حمله؟
حاب اغير فراشي هاليومين
علما ان فراشي السنيدي بس مو ذاك الزود

طبعا يكون الجواب لاخواني الي جرب الفراش الي يمدحه ...

ولكم الشكر..

[a f h]

الاخ A124 اسعد الله اوقاتك اعتقد ان انسب فراش للبر الدريويش وعيبة الوحيد كبر حجمة نوعا ما .

[سرهيد]

السلام عليكم

سؤال : وش عذروب فراشك اللي عنديك .. انا عندي فراش من زمان داخله فرو وخارجه تنزالي ، واشوفه ماشي حاله ...

والشباب يجمعون على الدريويش ويمدحون ايضا القاضي الفصول الاربعه

انا ماجرت شيء منها بس حسب كلام الاكثرية

وان كان فراشك ما فيه عذروب ما له داعي تغير

تقبل احترامي

[فرامل]

يا اخوان...

لا دريويش ولا غيره.... رجاءً اتبع التعليمات التالية ان كنت من اهل الرياض:

1-اتجه إلى الغرابي ونحذرك من الذهاب له يوم الجمعه لأن قطعان العماله السائبة متواجدون في هذا اليوم بكثرة رهيبه !

2- اسأل عن أماكن الخيام والفرش
3- إذا وجدت المحلات ستجد أنواعاً غفيره من الفرش وبأسعار ومتفاوته واسأل عن الفراش التنزاني غاط303 أو403 ومن الداخل فرو تركي وحبذا لو كان سحّابين وحبّذا لو كان التنزاني قطعه واحده ليس فيه توصيل وإذا لابد من التوصيل فلا بد أن تكون خياطتها جيده..

أخي ستجد الأسعار أرخص من اي من المحلات في خارج هذا السوق وكلما زادت الجوده زاد السعر...

تحية عطره

[البرفسر]

الكثير يمدحون فراش الدرويش ويبقى لك القرار

[A124]

a f h:
يعطيك العافيه بس وين احصله لاني سمعت عنه كثير

سرهيد:
شكرا للك على المرور
ياعزيزي انا ابلشني الفرو الداخلي
وللك الشكر على المرور

فرامل:
مشكور الف شكر على الوصف

البرفسر:
تسلم.......بس ما وين احصله في اي مكان او محل خاص للدرويش

[إعصار]

وش نوع فراشك ..



فيه فراش الخليج تبع السنيدي .. صدقني ارقد وأمن ..


اتوقع الي عندك موب الخليج ..



لأنك لو جربت الخليج تنسى شي اسمه اغير فراشي ..




طبعآ الفراش فيه مقاسين شبابي ورجالي ..

انا معي شبابي ومكفيني في النوم بالراحة ..

الا اذا كنت من الاجسام الكبيرة مرة والعريضة ممكن ما يزبنك لازم تأخ المقاس الرجالي ..:p

[قفار]

بعد إذن صاحب الموضوع

كنت اتجول في برق الحيا أمس وشفتهم جايبين فراش اسمه فراش الكويت واللي شد انتباهي له إن حجمه صغير ووذف بالحيل..

ودنا من الناس اللي جربوه يعطونا انطباعهم عنه..

[عبد المجيد]

أنصحك بفراش الدريويش المخمل أو البطانه مو الفرو لصعوبة تنظيفه
موجود عند ذيب الصحراء بـ 325 ريال

[البرفسر]

اذا انت من اهل الرياض يوجد بالمستودعات لهم محل

وانت بالدائري الشرقي تخرج من مخرج 17 وانت بأتجاه الغرب

ثاني اشاره لف يسار وهذه منطقة المستودعات اسأل عن مكان الدرويش وسيدلونك

ارجو ان اكون خدمتك

[بيبابيبا]

اخويa124عندك القاضي فراش يدفي ويجي معه مخده بعضها
وكنك تبي قماش افضل القماش الا خضر ويجي فرو

[a f h]

شف ونا اخوك رح لبرق الحيا تحصل عندة انواع كثيرة من الفرش من ضمنها الدريويش وحسب علمي اسعارة مناسبة .