يوسف الخليفة1
05/12/2008, 10:32 PM
http://www.7mar.cc/get-12-2008-9z5f36ja.jpg
يا ما حلا جيبن بعالي رفاعات=من فوق مزمومن بروس المراقيب
يرقا الردايم في عسير الطويلات=يفرض مع الصعبه تروسن كواريب
هذا هو النيسان ذيب الصعيبات=جيبن ربع يرهك طريق المصاعيب
من وارد اليابان رمز الصناعات=منهو يحوفه ما لقا به عذاريب
شدوه بالمصنع على قياس وموجات=بالكمبيوتر وازنين المقاضيب
الشاص والعامود ويا المقصات=والترس والدفرنس كله رواتيب
حتى الفرامل من جلنطن وفحمات=مع تانكي البنزين ما به مساريب
مع هوبه جنوطن عراضن قويات=متناسق الجنبين زين التراكيب
صحنه كبيرن مرتكي للكلتشات=مناسبن للقير ما به متاعيب
حتى الدبل يقوى صعيب الغرازات=يرمز على البطحا سعيرن كما الذيب
وبساتمه معها الشنابر خطيفات=مقابس النيران فيها شلاهيب
يندار عاموده تجي فيه لفات=ومع سرعته تنكس عليه اللواهيب
ثم تحتمي قزوزه مع ادنات دوسات=تسمع وحيفه مع تروسن مجاذيب
ثم ترفع المقدم عزومن شديدات=خطرن يشلع مثل عكف المخاليب
ون ريوس يشادي لنجم السماوات=اليا هوا بالكون مثل العياسيب
ما تافي وصوفه طوال العبارات=متبوك يبطي ما ضوته التخاريت
راعيه نجاعن على الدوم كشتات=من يصحبه من جملة الناس ما يخيب
ينزل على قفرن رموسه بعيدات=والنار حيه والدلال المحاديب
يحط بالبيدا على الكيف كيفات=ويهتم بالضيفان كثر التراحيب
طبع الكريم اللي توقا المسبات=اللي يدور عاليات المراتيب
والدنيا ما فيها خلود ومسرات=تطوي شوال الناس ما له دواريب
( يوسف الخليفة )
يا ما حلا جيبن بعالي رفاعات=من فوق مزمومن بروس المراقيب
يرقا الردايم في عسير الطويلات=يفرض مع الصعبه تروسن كواريب
هذا هو النيسان ذيب الصعيبات=جيبن ربع يرهك طريق المصاعيب
من وارد اليابان رمز الصناعات=منهو يحوفه ما لقا به عذاريب
شدوه بالمصنع على قياس وموجات=بالكمبيوتر وازنين المقاضيب
الشاص والعامود ويا المقصات=والترس والدفرنس كله رواتيب
حتى الفرامل من جلنطن وفحمات=مع تانكي البنزين ما به مساريب
مع هوبه جنوطن عراضن قويات=متناسق الجنبين زين التراكيب
صحنه كبيرن مرتكي للكلتشات=مناسبن للقير ما به متاعيب
حتى الدبل يقوى صعيب الغرازات=يرمز على البطحا سعيرن كما الذيب
وبساتمه معها الشنابر خطيفات=مقابس النيران فيها شلاهيب
يندار عاموده تجي فيه لفات=ومع سرعته تنكس عليه اللواهيب
ثم تحتمي قزوزه مع ادنات دوسات=تسمع وحيفه مع تروسن مجاذيب
ثم ترفع المقدم عزومن شديدات=خطرن يشلع مثل عكف المخاليب
ون ريوس يشادي لنجم السماوات=اليا هوا بالكون مثل العياسيب
ما تافي وصوفه طوال العبارات=متبوك يبطي ما ضوته التخاريت
راعيه نجاعن على الدوم كشتات=من يصحبه من جملة الناس ما يخيب
ينزل على قفرن رموسه بعيدات=والنار حيه والدلال المحاديب
يحط بالبيدا على الكيف كيفات=ويهتم بالضيفان كثر التراحيب
طبع الكريم اللي توقا المسبات=اللي يدور عاليات المراتيب
والدنيا ما فيها خلود ومسرات=تطوي شوال الناس ما له دواريب
( يوسف الخليفة )