وشلون تقوي راس الفاس.............

[خشم الحصان]

الاخوه الاعزاء السلام عليكم
اخواني شفة واحد من العمال يحمي راس فاس لين يصير احمر تقول جمره في مهب هواء ثم يغطه في زيت
سيارات ونا من الشفاحه اناضره ويضيق صدري لزم اعرف وشوله يحميه ثم يغطع في الزيت يوم نشته قال علشان يصير صلب ولا يتكسر بس ان مدري عن كلامه احد منكم جرب او عنده خبر عن هالموضوع هو صحيح
ولا لا
اخوكم
خشم الحصان:light:

[عروان]

الكلام هذا صحيح.


بس مهو شرط في زيت. في الماء أيضا أو أي سائل بارد بس لا يكون بنزين أو قاز أو ديزل عشان ما يشب.

هذي العملية تسمى Quenching. تخلي الحديد صلب.


تحياتي

[laith]

نعم كلام الاخ/ عروان صحيح

وهذه العمليه تكون مفيده عندما يكون المعدن او الحديد صافي "pure" وهي تدخل في عملية صناعة السككاين والعدد وغيرها.

اما اذا كان المعدن غير صافي كالخبث اي يوجد به نسبة كربو عاليه فلايصلح الا في بعض الاعمال لانه يكون صلب جدا ويتحمل الظغط والحراره ولكنه سهل الكسر"brittle" ..."قزوز السياره مثلا"

والسموحه

[الخبير]

السلام عليكم
فيه نوع من السكاكين جبار بالحيل.
يلهبون عليه النار لين يحمر ثم ينطلونه في ثلاجة خاصة درجة الحرارة أقل من -20 درجة.

[خشم الحصان]

الاخوه الاعزاء
السلام عليكم
الاخ الغالي
عروان مشكور علي توضيحك وحلوه لايكون بنزين او قاز او ديزل بس ياخيي وشي كلمة كيونشينق هو يوكل او ينشرب ودي اصير صلب
مشكور والله يجزاك خير
اخوك المغلي لك
خشم الحصان
.................................
الاخ الحبيب
ليث
الله مير يرفع قدرك ويغفرلك الحين مافهمنا كلمة الاخ الغالي عروان تجي تكملها انت بكلمة بيوري وبرتل الظاهر اني مع خوجات هاي قد مورننق وان تو مشكور علي توضيحك والله يزيدك من علمه وفضله الهم امين
اخوك الذي احبك في الله
خشم الحصان
.................................
الاخ الفاضل
الخبير الله مير يجزاك عنا كل خير ومشكور علي التوضيح الله يغفرلك
اخوك المحب لك في الله
خشم الحصان

[عمير]

اللي فهمته من هالحركة ( التصليد ) إنهم يحمون الحديد لين يصير أحمر ( طبعاً بدرجة معينة ) ثم يغطسونه بالزيت علشان يبرد بسرعة علشان يثبتون الحديد على هالوضع لأن الكربون الموجود في الحديد تغير خواصه الفيزيائية إذا صخن ويصير تكوينه مثالي للتحمل وطول الأداء لكن إذا برد الحديد بالتدريج يرجع الكربون لوضعه السابق ونكون ما سوينا شي علشان كذا يبردونه بسرعه ...

على فكرة ..

إذا سويت هالعملية مرتين يمكن يصير العكس لأن الفاس بينكسر من شدة التماسك ..

[خشم الحصان]

الاخ الغالي
عمير
حياك ربي يابعدهم ومشكور علي مرورك وتزويدنا بالمعلومه الجديده علي الله يغفرلك ويرفع من قدرك
اخوك
خشم الحصان

[الضاري]

تصدقون أول مرة تمر علي هالمعلومة ..

كنت أتوقع أنك أذا سخنت الحديد وصبيت علية ماء بارد يكون ضعيف وقابل للكسر..

تحياتي للجميع

[خشم الحصان]

الاخ الغالي
الضاري
السلام عليكم
اجل اخيي سبقتك وعرفة قبلك انا مير احسبه مثل المصقال اذا حميته علي النار ثم غطسته في ماء يتشرم
بس بعد ما شفة العامل قلة لزم انشد الاخوان قبل التجربه وصار العامل علي صوب
مشكور يابعدهم علي مرورك
اخوك
خشم الحصان