مـاجـد الحـمـيـد
06/12/2008, 02:16 PM
انا هوى قلبي من العام واليوم
سج الخطا ومنادمة كل رجال
لوجست في صدري غرابيل وهموم
وتكانفت مع دورة الدم تجتال
والعين من كثر الشقا عافت النوم
وصبري وصل حده على كل ابو حال
سميت باللي منشي(ن) سحب وغيوم
وابعدت عن نقالة القيل والقال
بأرض(ن) غلاها داخل القلب مرسوم
من عرفتي للعلم والحب لا زال
اليا وصلت لخايع(ن) تو موسوم
يومين والثالث به السيل همال
في ماقع(ن) مابين وديان وحزوم
ومناظر(ن) من زينها تشرح البال
معها نبي ناخذ سواليف وعلوم
لا حي يشغلنا ولا عايل(ن) عال
نملك بها مايملكه قيصر الروم
من الاناسه والفرح والتعلال
لو كان بالدنيا خيالات وحلوم
الجيد الجيد بنا معه جوال
لكن شوف الكيف بيدين شغموم
يسرى بها الدله ويمناه فنجال
وصبه وساقه مكرم الضيف زيزوم
على ربوع(ن) قربهم عز واجلال
تسوى ملايين(ن) بها الراس منجوم
يعيش صاحبها بهم(ن) وغربال
وإن كان بعض اصحابنا وجه اللوم
وكاد ماطب السحيرا ولا جال
يقوله اللي له شهاده ودبلوم
في عالم المكشات نزال رحال
لو شفتني بين العلاقات محكوم
ونوب(ن) تمر شهور من دنيتي مال
لكن بالي فالخلاء دايم الدوم
واشتاق له وارخص له النفس والمال
وياناشد(ن) عن حالتي كيفها اليوم
راجيك لا تنشد رفيقك عن الحال
لو قلت لك معلوم " مافيه معلوم "
مادام هاجوسي له اقفاي واقبال
وســـلامــتــكــم .................... مــاجــد الحــمـــــيـــد
سج الخطا ومنادمة كل رجال
لوجست في صدري غرابيل وهموم
وتكانفت مع دورة الدم تجتال
والعين من كثر الشقا عافت النوم
وصبري وصل حده على كل ابو حال
سميت باللي منشي(ن) سحب وغيوم
وابعدت عن نقالة القيل والقال
بأرض(ن) غلاها داخل القلب مرسوم
من عرفتي للعلم والحب لا زال
اليا وصلت لخايع(ن) تو موسوم
يومين والثالث به السيل همال
في ماقع(ن) مابين وديان وحزوم
ومناظر(ن) من زينها تشرح البال
معها نبي ناخذ سواليف وعلوم
لا حي يشغلنا ولا عايل(ن) عال
نملك بها مايملكه قيصر الروم
من الاناسه والفرح والتعلال
لو كان بالدنيا خيالات وحلوم
الجيد الجيد بنا معه جوال
لكن شوف الكيف بيدين شغموم
يسرى بها الدله ويمناه فنجال
وصبه وساقه مكرم الضيف زيزوم
على ربوع(ن) قربهم عز واجلال
تسوى ملايين(ن) بها الراس منجوم
يعيش صاحبها بهم(ن) وغربال
وإن كان بعض اصحابنا وجه اللوم
وكاد ماطب السحيرا ولا جال
يقوله اللي له شهاده ودبلوم
في عالم المكشات نزال رحال
لو شفتني بين العلاقات محكوم
ونوب(ن) تمر شهور من دنيتي مال
لكن بالي فالخلاء دايم الدوم
واشتاق له وارخص له النفس والمال
وياناشد(ن) عن حالتي كيفها اليوم
راجيك لا تنشد رفيقك عن الحال
لو قلت لك معلوم " مافيه معلوم "
مادام هاجوسي له اقفاي واقبال
وســـلامــتــكــم .................... مــاجــد الحــمـــــيـــد