Bo Rashed
09/03/2004, 10:30 AM
السلام عليكم ورحمة الله وبركاته
خلال وجودي في البلد اللي ادرس فيه واللي راح اكمل فيه تقريبا 4 سنوات ما اخذت ولا مخالفة وهذا شي جبار لو قارنت بربعي من العرب الموجودين اللي مسحوبة رخصته واللي ما يروح ويجي الا بتكسي والسبب تكرار المخالفات ولان هنا يتم العمل بنظام النقاط وعندك حد معين وبعدين تنسحب رخصتك.
المهم اخوكم الصيد في دمه وما يقدر يصبر عن الحداق لو في حفرة :D وفي هذاك اليوم المشؤوم وانا جالس اتكلم مع صديق من اهل البلد اللي انا فيه ولكنه انعم الله عليه بالاسلام قالي شرايك نروح نصيد بالنهر انا عندي سنارات وكل شي، قلت له مشينا ولا ترددت لحظه، قالي بس تحتاج تاخذ لك رخصة من السوبرماركت بخمسه دولار :D وعلى عادتي قلت له خلك من الرخصه ويله مشينا قبل نتاخر.
مرينا محل وشرينا الدود اللي بنحدق عليه وشبينا على الموتر ووصلنا للمكان اللي نبيه، وانقي لي سنارة جيده واشك في ميدارها دوده وارمه من اللي وصى عليه النوخذه :D و وررررررر قطيت اول قطه، انتظر ينقد او شي يحرك ما فيه، يا فلان ينقد عندك قال لا يا علان قال لا، وبينما حنا على هالحال الا بذاك البوليس مان (الشرطي) جاي ومتحمس وحاط ذاك الفرد اللي كبر راسي على جنبه ولا بغاني الا انا ونصاني لما وصل عندي ودار هذا الحوار:
هو: هلو=مرحبا
انا: هلو=مرحبا
هو: وات ار يو دونج هير سير=شتسوي هنا يالطيب
انا: از يو سي فشنق=مثل ما تشوف احدق
هو: دو يو هاف اليسنز=عندك رخصه
انا: نو=لا
هو: ذن اي هاف تو قيف يو اتيكت=لازم اعطيك مخالفه
انا: او كي=طيب (وما كثرت)
المهم اخذني عند سيارته وسمتني بمخالفة بستين دولار وقالي اذا ما دفعتها ترى لازم تروح المحكمة قلت له طيب، والله ودفعت الستين وانا اضحك حق هالحمر.
وكانت هذي اول مخالفة لي واللي كانت بسبب الصيد
وما رايكم في مثل هذا النظام وطبعا الاموال تستخدم في خدمة البيئة البحرية
وفقكم الله
تحياتي
خلال وجودي في البلد اللي ادرس فيه واللي راح اكمل فيه تقريبا 4 سنوات ما اخذت ولا مخالفة وهذا شي جبار لو قارنت بربعي من العرب الموجودين اللي مسحوبة رخصته واللي ما يروح ويجي الا بتكسي والسبب تكرار المخالفات ولان هنا يتم العمل بنظام النقاط وعندك حد معين وبعدين تنسحب رخصتك.
المهم اخوكم الصيد في دمه وما يقدر يصبر عن الحداق لو في حفرة :D وفي هذاك اليوم المشؤوم وانا جالس اتكلم مع صديق من اهل البلد اللي انا فيه ولكنه انعم الله عليه بالاسلام قالي شرايك نروح نصيد بالنهر انا عندي سنارات وكل شي، قلت له مشينا ولا ترددت لحظه، قالي بس تحتاج تاخذ لك رخصة من السوبرماركت بخمسه دولار :D وعلى عادتي قلت له خلك من الرخصه ويله مشينا قبل نتاخر.
مرينا محل وشرينا الدود اللي بنحدق عليه وشبينا على الموتر ووصلنا للمكان اللي نبيه، وانقي لي سنارة جيده واشك في ميدارها دوده وارمه من اللي وصى عليه النوخذه :D و وررررررر قطيت اول قطه، انتظر ينقد او شي يحرك ما فيه، يا فلان ينقد عندك قال لا يا علان قال لا، وبينما حنا على هالحال الا بذاك البوليس مان (الشرطي) جاي ومتحمس وحاط ذاك الفرد اللي كبر راسي على جنبه ولا بغاني الا انا ونصاني لما وصل عندي ودار هذا الحوار:
هو: هلو=مرحبا
انا: هلو=مرحبا
هو: وات ار يو دونج هير سير=شتسوي هنا يالطيب
انا: از يو سي فشنق=مثل ما تشوف احدق
هو: دو يو هاف اليسنز=عندك رخصه
انا: نو=لا
هو: ذن اي هاف تو قيف يو اتيكت=لازم اعطيك مخالفه
انا: او كي=طيب (وما كثرت)
المهم اخذني عند سيارته وسمتني بمخالفة بستين دولار وقالي اذا ما دفعتها ترى لازم تروح المحكمة قلت له طيب، والله ودفعت الستين وانا اضحك حق هالحمر.
وكانت هذي اول مخالفة لي واللي كانت بسبب الصيد
وما رايكم في مثل هذا النظام وطبعا الاموال تستخدم في خدمة البيئة البحرية
وفقكم الله
تحياتي