وش تنصوحني؟

[الداب المرقّط]

بسم الله الرحمن الرحيم
يا مرحبا و يا مسهلا بالجميع أقول و لا أطول عليكم أنا ببدأ بشتري إبل وش تنصحوني به من البداية من هو المولد للتكائر علشان أبدأ بداية صح ،وشهي الأسعار المناسبة لكل فئة مثلا فئة مجهم أسعارها من كذا لكذاو هكذا؟

[ابوفيصل3]

خلك في جحرك مادام هذي علومك

[شليويح السر]

خلك في جحرك مادام هذي علومك


اول شيء كل عام وانتم بخير

انتبه وانا اخوك للي تكتبه ترى الكلمه تملكها لين تطلع من لسانك

والمهايط اللي ماله سنع اتركه عنك

[الداب المرقّط]

يا ناقد القول ترى قولي يجي بتار .

[abger]

السلام عليكم الاخ ابو فيصل انت مغصوب على الرد ماله داعي المهايط

[الداب المرقّط]

هاه أخواني تراني محتار في الاختيار .

[شيوبان]

السلام عليكم ورحمة الله وبركاتة
اخواني الله يبارك فيكم الرجال طالب المساعدة لانة مبتدي جديد
ويريد من اي احد يدخل ان يدلي بمعلومة تفيدة
وانا اقول لك ماهو القصد من جمع الابل
وثاني شي ماهي الاعمار التي تريدها
يوجد حيران ومفاريد وغيرها الين الناقة الي سنها كبير
ويوجد القحة ويوجد الخلفة فيجيب تحديد الطلب
والله يوفقك بالي ينفعك

[الداب المرقّط]

أريد خلفة مع حوارها
أشكركم على مروركم .

[خيال السفاري]

والله ياللحية الغانمة ودي افيدك لكن المعرفة لك عليها ..

لكن وضح للاخوان وش تبغا بالضبط :

- كم فلوسك ؟
- هل الهدف شرب الحليب والجلسة عندها عصرية وشبت النار ؟
- هل الهدف التجارة في المزايين ؟
- هل هدفك التجارة في الحشو ؟
- يمكن فلوسك واجد ودك تحطلك ذود و سكس وترعاها في البر وتوسع خاطرك عندها الخميس و الجمعة والعطل عندا واجد الحمد لله حتى بدون عيد ولا اختبارات صاروا يحطون عطله في منتصف الفصل الدراسي و الواحد وده يستغلها في الطلوع من البلد وزحمته ...!!!

ساعدوه يالربع .. لا تخيبون ظنه فيكم

[الداب المرقّط]

الهدف و نا أخوك هي شرب الحليبات و الجلسة عندها العصرية و حولها شبت الضو و الهدف الثاني أتاجر فيها بالمزاين،وتدرون عاد يالربع إذا ضاقت كبدي من هالايام أروح لها الذود و أحاتسيها و تحاتسيني و على هذا المنوال هذه هي اهدافي و أرجو منكم الارشاد و التوجيه .

[قاضي]

الله يوفقك

بس لابد ان تدرس المشروع زين يعني كم راس ودك تشتري وكم تكلفك في الشهر يعني يبيله صبي وعلف

واهم شئ لا تاخذ الكبيره في السن

والله يرزقك

[الداب المرقّط]

بارك الله فالجميع و كثرّ الله من امثالكم .