تكفى ياسرهيد وتكفون ياخواني

[شلاش]

السلام عليكم ورحمة الله وبركاته

مساكم او صبحكم الله بالخير

خـــــــــــلاص:eek:

اناقررت اشتري دافور بدال الدافور المنتهي الي عندي

وابي الرأي والمشوره منكم يالنشامى الاجاويد بخصوص الدافور الممتاز

من كل النواحي ولا تردوني خايب


تحياتي

شـــــــــلاش

[أبو راشد999]

البريموس السويدي أفضلهن لكنه منقطع من فتره عن السوق

فيه البريموس الهندي وهو متوفر وحليو

أما ألدبة خذ الإيطالي سنة سويدي تراها زينه

هذا حسب تجربتي

وابو عبدالله والشباب ماهم بمقصرين

[ضلع البقوم]

اخذ كلام ابو راشد والله يوفقك

[شلاش]

مرحبا وحياكم الله

ابو راشد تسلم على المعلومات ويعطيك العافيه

ضلع القوم نبي ننتظر ونشوف والله يوفقنا جميع

[ابوعابد2500]

اذا انت بالرياض

رح لمحل اسمه البريه

مريته من اسبوع ونص وحصلت عنده دبات سويديه

وخذ من عنده راس بريموس هندي وخله يرهمه لك

الترهيم يكلفك خمس ريال

واذا جا سرهيد يفتيك بما افتيتك به (( خلاص تعلمنا منه كل شي ))

[ابو مشعل2]

مادري وش المقصود

لاكن شف الموضوع هذا يمكن يفيدك

http://www.mekshat.com/vb/showthread.php?t=171595

[أبو مها]

اخوي اولا: كم السعر التقريبي لشراء الدافور(يعني ميزانيتك لهذا الدافور)
ثانيا: ما نوع الاستعمال للطبخ او القهوه والشاهي او لكلاهما
ثالثاً: ماهو الحجم المرغوب لديك

تحياتي لك
ابومها

[رامي القميري]

اخوي اذا تبي شي لطبخ والنفخ


مالك الاالدبة الزرقاء بريموس السويديه


وتحصلها مرهمه جاهزة عند بعض المحلات


وتخدمك في الطبخ وتبيض وجهك :good:




اما اذا تبي شي لشاهي والقهوه وينفع لطبخ وصغير


وشعلته قوية


عندك قز العنكبوت من بريموس بس ماراح تلقاه


فيه شبيه له من كوفيا


ممتاز ووذف


وهذي صورته


http://up.7cc.com/upfiles/5jL75106.jpg (http://up.7cc.com/)




واذا تبي الرأي السديد بصراحه عندك سرهيد


ابو عبدالله


عنده العلم الأكيد





تقبل مروري

[سرهيد]

السلام عليكم

الاخوان ما شاء الله ما قصروا وبيض الله وجيهم

ويلومني في اخواني حقين مكشات ... مع انك موجه السؤال لي وسبق وقلت للجميع يا اخوان اتمنى ان توجهوا السؤال للجميع .. لان الجميع افضل مني خبره انا واحد منهم ، ومع ذلك اجد الجميع يفيدك

وهذا يعطيك صورة ان اهل مكشات اهل فزعات لا عدمتهم جميعا

شف طال عمرك

ان كانك موظف وتبي الجديد فتراه تنباع وبسعر تستحقه ، لان مثل هالدبات واعني السويدي تستحق الاقتناء لانها لك وللزمن ، ولو تقعد عندك اربعين سنه تبقى على ما هي عليه اذا كنت تعتني به وما تتركها في المطر وغيره ...

اما ان كان يالله يالله فترى الحراج فيه دبات على كيفك وسويدي اصلي اصلي وتلقاه بجميع الاحجام وبسعر ما يصل ما بين 60 الى 90 ريال

والهندي تراه ما شاء الله عليه الكلام وما اشوف فيه فرق يعني قريب من السويدي ...

ثم يأتي الايطالي ومواصفات اروبيه ...

http://www.mekshat.com/pix/upload02/images72/mk40450_jaz.jpg

نصها من الحراج

تقبل احترامي

[شلاش]

السلام عليكم ورحمة الله وبركاته

اخواني الكرام الله يوفقكم على هذه الدرر الاكثر من رائعه

وبعد دراسة الموضوع وجدت ان اذهب للحراج باذن الله ان بنلقى الدافور الطيــــب

تحياتي
شـــــلاش

وقف وقف نسيت اقول شي

الله يقبل ظحاياكم