المساعد الشخصي الرقمي

مشاهدة النسخة كاملة : من أحصل العلم عنده عن طريق قبة سامودة وفياضها


أبوعامر80
10/12/2008, 11:51 AM
السلام عليكم
حيا الله جميع الأخوة ,, عندي نية لزيارة سامودة وأم عشر والفياض الي حولها عن طريق القصيم بس ما أدري عن الطريق بين قبة وسامودة هل خلص العمل فيه ولابعد والأمر الثاني وش أحسن الفياض والشعبان في هذه المنطقة بارك الله في الجميع وفي كل من ساهم في الموضوع بمعلومة نافعة
ابو خالد 2006
10/12/2008, 11:58 AM
طريق قبة سامودة مزفلت 100% وأكثر من رائع

الفياض كثيرة على الخط

فيه فيضة المغمية على طريق قبة سامودة وأيضا البسيتينات على نفس الطريق أيضاً
المرقاب4
10/12/2008, 12:22 PM
والله ياخوي ابوعامر السفلت مثل ماذكراخونا
اما بالنسبة لأماكن الربيع عندك البسيتينات وربيعها هالسنة متوسط والربيع حول الشجرفقط
وفيه البريكة ورا البسيتينات يمدحونها وانا ماجيتها الى الحين
أما بالنسبة لأم عشر فيها ربيع تشوفه وانت على الطريق وافضل شي لامنك دخلت الين شبك القاعدة يم ذبحة والذيبية وحولها

وافضل شي ذكروه هو الحجره هالسنة يقولون ربيعها طيب وهي على طريق سامودة لينة يم عويج لينة.


اتمنى اني افدك ولو بالي يجزمك على الطلعة!
مزون نجد
10/12/2008, 12:34 PM
ماقصرو الاخوان

وانا انصحك بالبسيتنات والبريكيه

بس اذا بغيت تروح لمهن لاتروح من عند طريق سامودهـ وتفرق من عند النفود

رح من عند قريه طــراق وبعده تمشي بالمطينه 30 كيلو تطب على البسيتنات والبريكيه
أبوعامر80
10/12/2008, 12:59 PM
أشكر جميع الأخوة ابوخالد والمرقاب ومزون نجد على تجاوبهم ،، أخي مزون نجد بنسبة لقرية طراق هل تقع على طريق الأسفلت المتجه لرفحاء ؟؟ بارك الله في الجميع
فتى طويق
10/12/2008, 01:08 PM
هذا مقترح (من جوال رحلات) لرحله تمر بأفضل المواقع التي مطرت هذا العام في شمال شرق المملكة ( مدة الرحلة من 2 إلى 3 أيام ) .
تبدأ من1- الرياض
2- طريق القصيم
3-الشماسية
4 -عين بن فهيد
5- سد مارد(ممتلئ بالماء) بعد العين ب2كم قريب من الطريق
580/48/26 شمال570/12/44 شرق
6- أبا الورود
7 - غدير ضيدة(ممتلئ بالماء ) قريب من الطريق500/06/27 شمال500/00/44 شرق
8- طريق قبة : المرور على نفس الطريق بعروق الشمال (عرق البيصية/غشام /الأشعلي/لزام/ المظهور) كلها رويانه من المطر وتستحق زيارتها.
9- بلدة قبة
10- بلدة الطراق
11- مفيض وادي السهل وبه محاير مياه تحت النفود 725/25/27 شمال 870/40/44 شرق
12- أبار البريكة 170/31/ 27 شمال950/42/44 شرق
13- رياض البسيتينات 325/33/27شمال 980/41/44 شرق
14- طريق قبة سامودة 460/37/27 شمال 960/40/44 شرق
15- عروق الدهناء (غرب سامودة) على الطريق الجديد (قبة- سامودة) مباشرة نقطة مقترحه 000/45/27 شمال 000/45/44 شرق
أدعلي ياابوعامر
.
أبوعامر80
10/12/2008, 07:52 PM
الله يوفقك أخي فتى طويق على هذا التجاوب وخفة النفس بارك الله لك في أهلك ومالك ووقتك