يوسف الخليفة1
10/12/2008, 04:28 PM
يا مرحبا باللي له البال يندار=اللي تواسى في فؤادي كتابه
شبلن زمى في ثومة القلب ما بار=شخصن تعلا في كنيني جوابه
يا صاحبي كانك تنحيت محتار=اجزم على اللي مستقيمن خطابه
اقهر الين الحق يبقى له اشبار=سارع تجاهه لا تعوقك ريابه
خلك خصيم الشر مع فوج الابرار=لا تنثني بين المحاجر ودابه
يا صاحبي خلك على النبت سيار=احذر سفيفن كل هرشن جثابه
مراغتن منتوجها قش واغبار=تلقى بها جحر الجراذي خرابه
يا صاحبي خلك على العرف بيطار=واعرف ترا فهمك للاخطا صوابه
ترا رطيب العود ما تحرقه نار=واليابس الضيان تاكل صلابه
وترا قراح الما وموجات الابحار=لونه يجي واحد ولا به شهابه
ومن ذاقها ميز حلاها والامرار=ومنهو جهلها تايهن في سرابه
بعض المواري مستقله بالاسرار=مدلولها خافي ولا احدن درابه
والا بعضها مثل فلاج الاسفار=تشعق ولا من مستبدن عثابه
خلك على ما قيل للكيس مخبار=واكشف غشيش العيش حزة جلابه
احذر كما سبعن سرا وقت الاسحار=ميز عقور القوم بين الذيابه
الطير ما له مع مدا البيد معبار=الا ان رعيته في بداير شبابه
مثله نما نبتن تناور بالازهار=تلقاه في مبدات وقته روابه
ترا طريقن تستوي فيه صبار=يحتاج علمن هو رفاه وزهابه
هيضتني بالبر في نظم الاشعار=واطريت دون ما بعيرن خطابه
يا ليتني وياك نسري عن الدار=في خايعن مثلي ومثلك تكابه
ما به مخاليقن ولا جاه ديار=ما فيه غير الذيب يسكن شطابه
ينزل على سفحن عثت فيه الامطار=يسكن زروبن في عساير هضابه
يسري على كيفه ولا صابه ذيار=ذيبن غداري والعوالي عوابه
دنيا تخالف حالها لين واعسار=يالله عفوك يا سريع الاجابه
( يوسف الخليفة )
شبلن زمى في ثومة القلب ما بار=شخصن تعلا في كنيني جوابه
يا صاحبي كانك تنحيت محتار=اجزم على اللي مستقيمن خطابه
اقهر الين الحق يبقى له اشبار=سارع تجاهه لا تعوقك ريابه
خلك خصيم الشر مع فوج الابرار=لا تنثني بين المحاجر ودابه
يا صاحبي خلك على النبت سيار=احذر سفيفن كل هرشن جثابه
مراغتن منتوجها قش واغبار=تلقى بها جحر الجراذي خرابه
يا صاحبي خلك على العرف بيطار=واعرف ترا فهمك للاخطا صوابه
ترا رطيب العود ما تحرقه نار=واليابس الضيان تاكل صلابه
وترا قراح الما وموجات الابحار=لونه يجي واحد ولا به شهابه
ومن ذاقها ميز حلاها والامرار=ومنهو جهلها تايهن في سرابه
بعض المواري مستقله بالاسرار=مدلولها خافي ولا احدن درابه
والا بعضها مثل فلاج الاسفار=تشعق ولا من مستبدن عثابه
خلك على ما قيل للكيس مخبار=واكشف غشيش العيش حزة جلابه
احذر كما سبعن سرا وقت الاسحار=ميز عقور القوم بين الذيابه
الطير ما له مع مدا البيد معبار=الا ان رعيته في بداير شبابه
مثله نما نبتن تناور بالازهار=تلقاه في مبدات وقته روابه
ترا طريقن تستوي فيه صبار=يحتاج علمن هو رفاه وزهابه
هيضتني بالبر في نظم الاشعار=واطريت دون ما بعيرن خطابه
يا ليتني وياك نسري عن الدار=في خايعن مثلي ومثلك تكابه
ما به مخاليقن ولا جاه ديار=ما فيه غير الذيب يسكن شطابه
ينزل على سفحن عثت فيه الامطار=يسكن زروبن في عساير هضابه
يسري على كيفه ولا صابه ذيار=ذيبن غداري والعوالي عوابه
دنيا تخالف حالها لين واعسار=يالله عفوك يا سريع الاجابه
( يوسف الخليفة )