رايكم يا أهل الخبرة في المناسب من الجيوب [الأرشيف]

ابوهلا 2009

11/12/2008, 08:03 PM

اخواني اعضاء المنتدى أنا عضو جديد عندي موضوع ابي اخذ رأيكم فية بالنسبة لسيارات الدفع الرباعي ايهما أفضل بالنسبة للتضاريس الموجودة في المنطقة الوسطى .. طبعا مافيها جبال ولا وعورة مثل المنطقة الجنوبية أكثر شيئ الرمال فأيهما افضل جيب الباترول سواء قديم أوجديد أو الفكسار او الجكسار افيدوني يعطيكم الف عافية وسلامتكم ;)

لن أمل من العطاء

11/12/2008, 09:59 PM

اولا حياك الله بين اهلك واحبابك

انا عن نفسي لو مكانك وقد حددت هذه الخيارات فقط
اختار في اكس ار 8 سلندر

ولكن لو كان الاختيار واسع لاخترت السوبربان 2500 من 2007 وجاي

ابوهلا 2009

11/12/2008, 11:47 PM

شكرا اخوي لن أمل من العطاء على المرور على موضوعي لكن انا اسأل عن سيارات الدفع الرباعي فقط وش ابي بصالون سوبرمان في فيافي نجد ورمالها والله وانااخوك لو اشتري واحد واسوقة في طعيسات خابرها والله ما يطلعه منها الا طيارة هليكوبتر شكرا وماجاوبتني الا هالحين

لن أمل من العطاء

11/12/2008, 11:52 PM

انا نزلت للصحاري بـ
سوبربان 454 دبل وغرزت
في اكس ار 2000 وغرزت
في اكس ار 2006 وغرزت
ميتسوبيشي ونيت 6 سلندر دبل وغرزت
البلا من السواقه ما اعرف
وينفقع قلبي وانا اشوف ددسن 90 تلف الصحراء لف وبدون دبل

وانا في الجبال اطلع ها بدون دبل وفي اي مكان

اذن السواق له دور

اشوف الشباب في المنتدى يمدحون الجمسات الجديده ويفضلونها على التويوتا والنيسان

في اكس ار 8 سلندر حلو جدا وقوي

الستانس

11/12/2008, 11:52 PM

انا لو باخذ خذت هدد G ستاندر ولو معي زود دراهم خذت Gx او باترول فتك ستاندر رفارف سود

طبعي شمالي

11/12/2008, 11:59 PM

قوه نيسان ..

كد وكرف تويوتا ..

السوبربان .. بحكم انه عندنا واحد 2007 .. انتبه الجديد دلووع شوي حرام تروح فيه بر

تحياتي لك

Bader-M

12/12/2008, 12:09 AM

انت ودراهمك
................

اذا كانت راعي بر وتحتاج سيارة مخصصه للبر فقط
فانصحك بالباترول

اما اذا كانت صاحب مدينة وبر
اعتقد ان اليوكن هو المناسب لك

هذه وجهة نظر لا اكثر ولا اقل

تحياتي اليك

نعتزبخدمتكم

12/12/2008, 12:12 AM

شف اخوي انا اقول ان الدعوه على السواقه والله انا راكب مع واحد من العيال معه هلي 2008والله يتمشى ويطعس والموتر ماعشقه بالثالث والهوا عشره بس يقود لاكن شف انا ابي اوضحلك
الباترول=قوة عزم بس يبي يتفكك بسرعه
الهدد= قوة عزم ومايتفكك وانصحك فيه تحياتي

faris2006

12/12/2008, 01:32 AM

السلام
العمده على السواق

abdalmjed

12/12/2008, 06:55 AM

http://www.3arabiyat.net/pics/toyota%20land%20cruiser%202.jpg

بو خليفه

12/12/2008, 08:34 AM

نيسان االباترون جديد
أو ارمادا

محتزم

12/12/2008, 02:59 PM

شف يالغالي اذا دراهمك واجد عليك ب Gx
اما اذا دراهمك من السبعين وتحت عليك باليوكن2006 وتحت.. راحه و وسيع وقوي

خرازه

12/12/2008, 03:05 PM

غير الباتروول لا تدوور

هاوي باترول

12/12/2008, 11:27 PM

صدقت يالخرازه غير الباترول لا تدور اسحبب سيفون على التيوتا كله عليك بانيسان

ابوهلا 2009

13/12/2008, 06:09 AM

شكرا اخواني الأعزاء على المرور وفعلآ اخي لن أمل من العطاء ترى السائق هوكل شيئ بعدالله سبحانة وتعالى والله من سيارات لقيناها مغرزة اومعلقة بسبب عدم تصرف السائق التصرف الصحيح , بارك الله في الجميع وفعلآ اتخذت القرار يوم أمس بعد التوكل على الله والأستخارة وشرينا بترول نيسان باركوا لي الله يطرح البركة ,,,, وشكرآ للجميع مرة أخرى

إعصار

13/12/2008, 08:10 AM

ماشاء الله تبارك الله ..

عز الله انك شريت شيخ الجيوب ..

خفة في النفود لا يعلى عليها ..

والله يعطيك خيره ويكفيك شره ..

هاوي باترول

13/12/2008, 01:34 PM

ونـــعــــم الاخــتـــيـــار والله
الله يطرح به البركه

داتسون94

13/12/2008, 06:56 PM

مساء الخير جميعااااااا
اقووووول عليك بالسفاري
وادعلي

ابوهلا 2009

14/12/2008, 07:32 AM

الله يعطيك العافيه اخوي اعصار على النصيحة , اخوي هاوي بترول شكرآ , اخوي داتسون 94 يعطيك الف عافيه وشكرآ للجميع على المرور والمشاركة ودمتم لأخيكم ,,,,

asak333

14/12/2008, 08:22 AM

شف يالحبيب تبي سيارة للبر بس وتشيل العزبة والحطب وتاخذ خمسة من ربعك ولاتكلف مبالغ كبيرة خذلك يوكن امريكي موديل 99 وشيكه صح وركب اطارات مناسبة وحط ظغط الهوا25 وتمتع بهالشتوية وانامتأكد انك تاصل اي محل تريده وفر فلاستك ولا تحطه بتايوتا اوباترول تقدر تجيب بسعره ثلاث يوكنات من اللي ذكرت لك وازيدك من الشعر مكسب انك لجيت تبيعه ان ماكسبك جابلك راس مالك ان وفقك الله بواحد نظيف