أفضل مواقع صيد السمك بالسناره للمبتدئين

[بواردي الدلم]

بسم الله الرحمن الرحيم

إخواني أعضاء مكشات

السلام عليكم ورحمة الله وبركاته

الصراحه توني راجع من الشرقيه اليوم وكان في بالنا اننا نصيد سمك وشرينا سناره نبي نتسلى ونصيد وناكل لكن للأسف مالقينا شي

والحين انا ابي منكم ياأهل الشرقيه تدلوني على مكان اقعد فيه واصيد ابي قريب من الشاطيء يعني افرش الفرشه واقعد اصيد بدون قارب ولا دخول في البحر

لأني ناوي اروح بعد اسبوعين

ومابي ارجع مثل هالمره بخفين حنين

[ابو شهد جدة]

ان شاء الله شباب الشرقيه مايقصرو معاك.

[بواردي الدلم]

رحم الله امرء عرف قدر نفسه

الله يرحمك ويوفقك يابو شهد وفيك الخير والبركه والله يجيب اهل الشرقيه

[بواردي الدلم]

أفا وين راحو اهل الفزعه في مكشات

[المجنوني]

والللللللللللللله انا من الغربية خوي ابو شهد وما ادل المنطقة لكن لازم تتعب وتدور عليها والا اقول لك شيء تعال عندنا الغربية وانا اصلح لك الصيد ونعلمك اناوابو شهد اوكي

[نديم الغرباء]

اخوي الشتاء الصيد فيه قليل واكثر الناس ماتذهب للصيد لكن اعرف اماكن صيد كثيره وقت الصيف ما ادري عنها في الشتاء عموما في الخبر عندك مخطط الشبيلي البحيرات المحفوره جنب الخط تماما قريب الجسر وايضا الواجهه البحريه في الخبر قبلها مدخل عند اماكن التمارين اي واحد ايدلك واخر كورنيش الخبر عند قصر ولي العهد بالنسبه للدمام ابد امش على الكورنيس البحر على ايسارك بعد الواجهه البحريه ونت متجه شمال بعد ينعطف الخط يسار تشوفهم على يدك اليمين وايضا قرب القوارب وسلاح الحدود تبي تشوف الناس تصيد هناك وخصوصا الاربعاء والخميس والجمعه من الصباح الي المغرب بعد امر حتى لو تبي سنارات قلي عند السوداني في الهاف مون مرها وخذها مافيه الا حلالك راميها ما استخدمها هذه الايام والله مافيه كلافه ابد احتاجها في الصيف فقط

[السبيطي جنني]

هلا بك اخوي بواردي الدلم

اذا حبيت تصيد اول شي روح لدمام عند الفنتايم في

الكرنيش المنطقه معروفه جدا

واذا جيت ترمي حاول ترمي بعيد لان اذا رميت قريب اول شي راح تعلق في الحصى بعدين راح يبهذلك الزمارير

وبعد على كرنيش الدمام عند سلاح الحدود قبل المركز فيه مكان جيد طبعا تنزل لين عند السيف يعي الشاطي


هناك تجي سمكه حلوه تصلح لسنانير


احسن الاماكن الي قلت لك عليها


ونروح للخبر

الخبر في مركز الامير سلطان للعلوم (( سايتك )) على كرنيش الخبر معروف مره

خليه على يدك اليسار تقدم عنه شوي وانزل على رجلك لين البحر وصيد المكان هناك كويس بالحيل ويصلح

لسنانير

على فكره لما انت تتجول وتجرب هنا وهنا راح تتعرف على الصيادين هناك راح يدلونك على الاماكن الطيبه


الي فيها صيد حلوه

اذا تبغى معلومات اكثر انا حاضر

الاماكن الي قلت لك عنها تقريبا هي افضل الاماكن عندي انا

ارجوا انك تستفيد

لاكن لازم تعجل تصيد هل الاسبوعين لان السمك راح يبدى يدخل داخل البحر يبحث عن الدفى


ملاحظه

لازم تتحرى وقت الرشه والثبره

احسن وقت لصيد وقت الرشه والثبره

وشكرا

[بواردي الدلم]

المجنوني

بارك الله وفيك وماتقصر جعلك تسلم ولي الشرف اني اتعرف عليك إنت وابو شهد

نديم الغرباء


بيض الله وجهك والله يوفقك ويزيدك من فضله وجعل عمرك طويل

ومن ناحية السنارات مانت مقصر لكن معنا سنارات الله يحفظك ويبارك فيك


السبيطي جنني



الله يعافيك على المعلومات القيمه ويجعلها في موازين حسناتك يارب ويوفقك وعقبال ماتجنن السبيطي

لكن عندي سوال بخصوص وقت الرشه والثبره . ماذا تعني بالضبط ؟ ياليت توضح وتشرح معناها ووقتها بالضبط ولك جزيل الشكر

شكرا لكل من افاد وشارك في هذا الموضوع

وكلكم على عيني وراسي والله .وأي شي تبونه من الخرج أو الدلم ابشرو بعزكم والله يحييكم في اي وقت

أخوكم/ بواردي الدلم

تدرون متى صدت سمك بسناره

يوم كنت بزر قبل عشرين سنه او اكثر كان عندي لعبه تشتغل على حجر ونصيد سمك بسنارات

ههههههههههههه[/CENTER]

[السبيطي جنني]

هههههههههههههههههههههههههههههه

يا خوي انت يبغالك شرح بأفلام فديو

خخخخخخخخخخخخخخخخخخخخخ





الرشه والثبره

يعني المد والجزر

يجي الصيد في بداية المد وايضا في بداية الجزر


المد لما البحر يبدا يرتفع والجزر لما البحر يبدى ننزل


لاكن زي ماقلت لك ان يبغالك

شرح بأ فلام فديو

احلى حيه مني لك

[بواردي الدلم]

ههههههههههههههههههههههههههههههههههههههههههههه

الله يسلمك لاتخاف فاهم المد والجزر وجاذبيه القمر والظواهر الطبيعيه هذي بس يوم قلت لي الرشه والثبره توهقت لانها مسميات محليه وليست مصطلحات علميه الله يخليك

بعدين وش احلى حيه هههههههههههههههه

أدري قصدك تحيه بس خانك الكيبورد

بارك الله فيك ومشكور على الشرح وأبشرك مايحتاج فديو لان المعلومه وصلت
لكن باقي شي وهو الطعم ناس يقولون روبيان وناس يقولون خثاق وابي المعلومه منك طال عمرك

[نديم الغرباء]

اخوي الطعم يعتمد على نوع السمك الي تبي تصيده ومهارة الصياد فيه ربيان قباقب صغير يسمى شرم ميد خثاق على حسب لاتكثر في الطعم شوف الانسب وبعدين قرر

[A B D U L L A H]

شوف اخوي ... انا نفس حكايتك

اول مارحت الشرقيه توهقت ... ماعرف اماكن

لـكن مع التعود للمكان اللي تروح له وفي صيادين وتتعرف عليهم رآح تتعلم وتعرف الآماكن بعد ;)

//

انا انصحك بالجبيل الصنآعيه ... (( شآطئ الفناتير ))

وخآصه (( امام مجمع الفناتير - محدق رقم 5 ))

وعندك بعد (( بجانب مطعم اليخت جهة محدق رقم 5 مقابل حرس الحدود بالضبط ))

وعندك امام (( مطعم كودو - كحدق رقم 6 ))

هذي الآماكن اللي فوق كلها بشآطئ الفناتير

وعندك شآطئ النخيل ايضآ (( امام الشرآع << مادري مطعم آو ايش بالضبط اسآل عنه ))

ورآهـ على طول في شبك ادخل من آوله وروح لآخره خلف الشرآع ;)

وعندك ياطويل العمر ايضآ ... آخر شآطئ الفناتير (( الواجهه الجديدهـ ))

بعد مخيم الشباب الكبير ... تاخذ يمين ياطويل العمر

وبعدها تمشي اول لفه لا ثاني لفة لا .. ثالث لفه (( بتحصل لوحه بنيه صغيرهـ ))

مكتوب عليها (( مرسى القوآرب )) آدخل من عندها ... آخر شي يمين آجبآري ... روح آخر شي

بتحصل رآس ( لسآن ) دآخل على البحر ... امامه بالضبط عوامه كبيره فوقها لمبه حقت الزوارق وخطوط البحر

ماعلينا منها :D

ارمي يمينها ... وانتبه لاترمي قدامها او يسارها ... لآن سناراتك راح تعلق :mad:

وعندك بعد شاطئ الدفي (( مواجه لحي الفاروق الجنوبيه والشماليه )) هناك بكل مكان بس سمك صغير

وممكن يطلع معاك سمك كبير ... انا ماقد طلعت من هناك ... إلآ صغير قرقفان وشعوم ... :p

//

واتمنى افدتك ... يالغآلي ... وآهل الغربيه والشرقيه كلهم فيهم الخير والبركهـ

ورآح يفيدونك إن شآء الله تعآلي ...

<< اخوك من آهل الجنوب ... عآيش حياتي بالغربيه و 3 سنوات بالجبيل (الشرقيه) << الآخ خليطي :D

اتمنى ماطولت عليك يالغآلي ... وآي آستفسآر عن مكان نويت تروح له بالجبيل من اللي فوق

قولي واوصف لك وصف دقيق جدآ جدآ جدآ ... من دخولك للجبيل ... إلين ماتكون السمكه ببطنك وبالعآفيه ;)

[ابو محمد رائد]

السلام عليكم اخي انا كان بودي اساعدك ولكن
انا من فلسطين
ويكون لي الشرف بالتعرف عليكم
وشكرا

[بواردي الدلم]

نديم الغرباء

شكرا على تعاونك وبارك الله فيك

عزازي22 معلومات جميله جدا ومهمه خصوصا انك هاوي صيد سمك

بيني وبينك اشك انك قرني

عموما ونعم فيك وفي اهل الجنوب

ابومحمد رائد

الشرف لنا بمعرفتك والله لكن انت تقول من فلسطين وشلون بتساعدني هل انت ساكن هنا ولا ساكن بفلسطين

إذا هنا حياك الله في وطنك الثاني وإذا هناك قواك الله على اليهود وإن شاء الله تتحرر فلسطين

[طير شلوى 999]

الله ييسر لكـ امرك

[مشاغب السقالة]

جزاك الله الف خير للمساعدة يا ابو عبد

[DOODOO]

السلام بواردي الدلم انا جديد واعيش في الدمام انا اعرف اماكن صيد جميلة اذا بغية اي شي

[DOODOO]

السلام اخوي بواردي الدلم انا جديد انا اعرف امكن في الدمام جميلة واذا بغية اي شي انا حاذر

[accentkool]

اماكن الصيد في الدمام
1-مطعم الفن تايم نهاية الواجة البحرية
2-الواجهه البحرية الكورنيش الجديد
3-جزيرة المرجان على الخط الساحلي

[التميمي8877]

بواردي الدلم السلام عليكم
أنصحك بالفن تايم الصيد فيه طيب لكن اذا عندك اكثر من سنارة ابحث عن الاماكن الي فيها صيد اكبر واكثر افضل مافي المواقع السابق ان المواقف قريبه يعني لو احتجت شي من سيارتك

[طويلب]

الهافمون انسب شي خصوصا كل ماقربت للعزيزيه . فيه مكان جمب قصر الملك . لكن يبيلك تطمر العقم ومايشوفونك العسكر .. ترمي سنارتك على بعد متر او مترين فقط وتحصل الخير