المساعد الشخصي الرقمي

مشاهدة النسخة كاملة : الي يعرف الصداوي


السبيطي جنني
12/12/2008, 06:36 AM
السلام عليكم

كيف حالكم جميعا انشاء الله تكونون بصحه وعافيه


العنوان باين

انا ابغى اعرف بعض المعلومات عن جزيرة

الصداوي الي في المنطقه الشرقيه

الظاهر الي تقع عند راس الزور

طبعا السوال للي يعرف المنطقه والي زارها


انا ابغى اعرف الصيد فيها كيف ووين اروح


سوال ثاني


الان احنا في بدايت البرد نودع السمك خلاص


يعني لازم طراد


الي عنده خبره يفتينا

هل في هذا الوقت نحصل السمك على السيف ولا لا


ومشكورين على هل المنتدى الرائع


وكل عام وانتم بخير


اخوكم السبيطي جنني
ابو شهد جدة
13/12/2008, 04:38 AM
ان شاء الله الشباب ما راح يقصرو معاك.
شاهين2007
13/12/2008, 11:15 AM
حياك الله اخوي
بالنسبه لسؤالك عن الجزيره اللي تقع بالقرب من مركز الصدوي تسمى جزيرة جنه طبعا الجزيره مسكونه ( بشر :) ) وفيها بيوت لبني خالد والتصريح من اميرها ( اتوقع من امارة الجبيل) لكن للاسف لايوجد لها طريق بالوقت الحالي الا العبارات
المنطقه محدق طيب ( سبيطي شعري بواليل) وفيها حصى من شرق و شمال ووقت الربيع والوسمي الطيب تحصل فيها فقع من نوع الزبيدي ويقولون فيها ارانب :) يعني اذا فرطت من السبيطي عشاك موجود
وفي مكان زين اذا جيت مركز الصدوي تروح شمال ليما توصل رفاعه مقابلها جزيره هذي المنطقه طيبه للسبيطي صيف وشتا
بالنسبه للتصاريح الظاهر لازم تكون من قيادة حرس الحدود بالجبيل

بالتوفيق ولاتنسانا من التقرير :)


http://up1.m5zn.com/photo/2008/12/12/05/uzrpgizgc.jpg/jpg
السبيطي جنني
14/12/2008, 03:01 PM
الله يعطيك العافيه وبيض الله وجهك

بس كيف مسكونه

مسكونه من الجن يعني ياذوون

بس كيف اجيها طريقها من وين

من ابو حدريه لين ااوصل راس ازور صح


وتقبل مني احلى تحيه
فهد-بوعبدالله
14/12/2008, 04:56 PM
جزيره جنه جزيره مسكونه من البشر وفيها بيوت ومجالس وكهرباء مولدات من شركه الكهرباء وعدادات لاستهلاك الكهرباء ... وسكنها هم من بني خالد يسكنون ويعملون في مدينه الجبيل والبيوت التي في الجزيره هي بيوتهم منذ زمن قديم وتم تجديدها ويصلون لها عن طريق القوارب في الوقت الحالي و سوف يتم بنا جسر لها في القريب انشاء الله
وهي من اجمل الجزر الموجوده لخضر ارضها ووجود الفقع فيها بكميات كبيره واحجام كبيره من نوع الزبيدي
ويوجد بها ايضا اماره وهي تابعه لمدينه الجبيل ويمكن اخذ تصريح لذهاب اليها من اهلها في الجبيل ..... واي استفسار انا حاضر
السبيطي جنني
15/12/2008, 01:16 AM
الله يعطيك العافيه يا ابو عبدالله على المعلومات الحلوه


انا بسئلك اذا جيت على السيف يعني الشاطى ابغالي مكان حلو

وين اروح قولي من وين اجي ووين اروح

ياريت وصف دقيق شوي لا هنت

اشكرك واشكر اخوي شاهين 2007
شاهين2007
15/12/2008, 12:18 PM
الطريق لمركز الصدوي عن طريق كبري الخرسانيه على طريق ابو حدريه توجد لوحه جديده مكتوب عليها جزيرة جنه تلف يمين من عند الكبري اذا انت جاي من الدمام باتجاه الشرق الخط تابع لارامكو ومسافته حول 10 كيلو بعدها تنزل على الردميه اللي الصراحه اتضيع من كثر اللفات وتشعب الطرق على العموم اذا عندك قارمن ماراح تضيع وخلك حذر من الصبخ
وذكرت لك اخوي في ردي الاول موقع طيب للسبيطي يكون شمال المركز
فهد-بوعبدالله
15/12/2008, 05:57 PM
الطريق لمركز الصدوي عن طريق كبري الخرسانيه على طريق ابو حدريه توجد لوحه جديده مكتوب عليها جزيرة جنه تلف يمين من عند الكبري اذا انت جاي من الدمام باتجاه الشرق الخط تابع لارامكو ومسافته حول 10 كيلو بعدها تنزل على الردميه اللي الصراحه اتضيع من كثر اللفات وتشعب الطرق على العموم اذا عندك قارمن ماراح تضيع وخلك حذر من الصبخ
وذكرت لك اخوي في ردي الاول موقع طيب للسبيطي يكون شمال المركز
:good: :good: :good: وتوجد في الوقت الحالي لوحات ارشاديه تبدا من طريق ابوحدريه كبري الخرسانيه لوحه تابعه لوزاره الموصلات على الطريق وبعدها لوح عاديه مكتوبه باليد ولكن هذه الوحات هل مازالت موجوده او ازيلت لانها قبل شهرين تقريبا كانت موجوده :confused: :confused:
ومثل ماقال اخوي شاهين انتبه انتبه من الصبخ
السبيطي جنني
15/12/2008, 09:36 PM
اشكركم على الوصف وعلى الاجوبه الحلوه المميزه

بس تنصحوني بزيارة المنطقه تستاهل المشوار يعني

ومشكورين ايش رايكم نطلع سوا


الخميس هذا