المساعد الشخصي الرقمي

مشاهدة النسخة كاملة : أستفسار عن المدفئة بالكيروسين (الديزل)


فل اوبشن
14/12/2008, 02:51 AM
يا اعضاء عندي استفسار عن المدفأه صناعتها سورية توقد بالديزل أوالقاز

ما أحد يخبر بالرياض محل يبيعها .

يجي معها ماصوره وتطلع دخان الديزل خارج الغرفه احاول اجيب صوره لها ..
حيمور
14/12/2008, 03:03 AM
الدفايه ممتازه ومره قويه وهي مستعمله بكثره في بلاد الشام بس يبغالها حرص زياده يعني لا يلعبو البزوره بجانبها , لا تعبيها ودبة القاز في مكانها وهي شاعله اذا عندك اطفال لا تضع عليها الماء للتسخين او للطبخ
بس حبيت افيدك بهالمعلومات واذا ما حصلتها تقدر توصي احد الاخوان يجيبلك وحده من سوريا او من الاردن
فل اوبشن
14/12/2008, 03:07 AM
جزيت خيراً على الافاده وننتظر باقي الاخوان انا شايف محل يبيعها بالرياض

لكن نسيت وين فيه ....
د.البقعاوي
14/12/2008, 03:09 AM
عندي وحدة وطاب الخاطر منها...احيانا المدخنة ترجع الهواء للدفاية بدال ماتسحبة وتلوث البيت كله بريجة القاز...ماعرفت لها وخليتها بالمستودع!
فل اوبشن
14/12/2008, 03:11 AM
الرياض يا دكتور ...
ابو عزيززز
14/12/2008, 03:19 AM
اخوي

اعتقد اني شفتها تباع عند السوريين اللي باسطين بطريق صلبوخ

اللي قبل محطة صلبخ بكم كيلو من جهة الرياض
د.البقعاوي
14/12/2008, 03:19 AM
الرياض يا دكتور ...
طريت البيع وتذكرت ان قيمتها 300ريال ماتسوى وان لقيت طريقة تاخذها ترها هدية أنا(بحايل ـ بقعاء)
جبتها من بلدها..
فل اوبشن
14/12/2008, 03:25 AM
الله يعز مقدارك هديتك اعتبرها وصلت ياجعل من جابك للجنة ماودنا نكلف عليك

بندور بالرياض لعل وعسى نلقاها ..
فل اوبشن
14/12/2008, 03:28 AM
اخوي

اعتقد اني شفتها تباع عند السوريين اللي باسطين بطريق صلبوخ

اللي قبل محطة صلبخ بكم كيلو من جهة الرياض


يسعد صباحك شاكر وقدر تفاعلك يابو عزيززززززز
faiz-111
14/12/2008, 08:38 AM
بالشام بشكل عام يسمونها الصوبا بصراحه شريتها من الاردن واستخدم لها الديزل ومثل ماذكر احد الاخوان ان احيانا الهوى يدخل للماسوره بالاخص اذا ماكنت مركب لها مثل غطا يمنع الهوا بالنسبه للي عندي فصلت لها مثل مروحة الشفط وتتحكم بقوة المروحه على شان تسحب الريحه وكذلك ماتتعرض لدخول هوا وتطفى صناعتها الصوبا في حمص واحلى مافيها شكلها رايق وتذكرنا بالماضي شوي وقيمتها في الاردن في حدود الـ 200 ريال او اقل بقليل
Raselny
15/12/2008, 05:27 PM
اذا انت مهتم فيها بهذا النوع من الدفايات ففيه دفايات تعمل بالكيروسين (قاز) وليس بالديزل
وهو مومودة بالرياض وبكثرة في البطحاء بمحلات الكهرب اللي بالقرب من بحلات الخيام بالغرابي
وهذه الدفايات مايحتاج لها تمديد ومدخنة زي الصوبا وانما هي تشبه دفايات الغاز من ناحية الشكل
لكن احرص على النوع اللي يجي فيه فلتر دخان وريحة
طبعا فيه نوعين بفلتر وبدون فلتر

عن تجربة:
عند اهلي واحدة كبيرة (بفلتر) من خمس سنوات تقريبا ولحد الآن مامثلها اقتصادية وتدفئتها جبارة.
من كم يوم شريت واحدة صغيرة لبيتي (بفلتر) وكمان روعة واقتصادية اكثر من الكبيرة , لكن من ناحية التدفئة اقل بكثير من كفائة الكبيرة.
الأسعار من 190 ريال إلى 700 ريال
yos999
15/12/2008, 08:57 PM
اذا انت مهتم فيها بهذا النوع من الدفايات ففيه دفايات تعمل بالكيروسين (قاز) وليس بالديزل
وهو مومودة بالرياض وبكثرة في البطحاء بمحلات الكهرب اللي بالقرب من بحلات الخيام بالغرابي
وهذه الدفايات مايحتاج لها تمديد ومدخنة زي الصوبا وانما هي تشبه دفايات الغاز من ناحية الشكل
لكن احرص على النوع اللي يجي فيه فلتر دخان وريحة
طبعا فيه نوعين بفلتر وبدون فلتر

عن تجربة:
عند اهلي واحدة كبيرة (بفلتر) من خمس سنوات تقريبا ولحد الآن مامثلها اقتصادية وتدفئتها جبارة.
من كم يوم شريت واحدة صغيرة لبيتي (بفلتر) وكمان روعة واقتصادية اكثر من الكبيرة , لكن من ناحية التدفئة اقل بكثير من كفائة الكبيرة.
الأسعار من 190 ريال إلى 700 ريال

منين اشتريتها ولا عليك أمر
الربذي
15/12/2008, 09:19 PM
طريت البيع وتذكرت ان قيمتها 300ريال ماتسوى وان لقيت طريقة تاخذها ترها هدية أنا(بحايل ـ بقعاء)
جبتها من بلدها..ماهي غريبه على مواطن الكرم.................
Raselny
16/12/2008, 05:20 PM
منين اشتريتها ولا عليك أمر

حياك الله اخوي
مثل ماقلت شاريها من البطحاء محلات الكهرب
او بوصف آخر , اذا جيت من شارع الريل وجاء على يسارك محلات البناشر اللي يبيعون جنوط مستعملة تمشي على طول يجي قدامك تقاطع اذا لفيت يمين من التقاطع تكون دخلت الغرابي من أوله واذا لفيت يسار تكون رحت لمركز جمال, واذا رحت على طول تكون متجه لشارع البطحاء العام ويجي على يمينك ويسارك محلات الخيام والفراشات (المنام) .
وانت متجه لشارع البطحاء وقف عند آخر عمارة على اليمين وادخل على رجليك بتلقى محلات كثيييرة إسئلهم عن دفايات القاز / الكيروسين وبيورونك الأنواع والأسعار ان شاء الله.
كهلان
16/12/2008, 09:30 PM
الدفايه اللى تذكر مستخدمه بكثره فى الشمال
عرعر وسكاكا والقريات ويجيبونها من سوريا وهى عمليه جدا وتدفى البيت مهما كان حجمه
وتجى مقاسات ايضا
واستفسار د.البقعاوى لابد من رفع الماسوره اعلى من سطح البيت لتلافى الدخان والريحه داخل المنزل
مسامرالليل
16/12/2008, 10:24 PM
موجود لدى ساكو
النوع الياباني القديم بالكيروسين
برق الجبل
16/12/2008, 10:54 PM
معلومة ..

نزل منها نوع ( مطور ) من منشأها بسوريا ويقال لها التيربو وتتميز التيربو عن سابقتها بقلة الدخان واللاشعال الذاتي ( تولع بالكهرب ) والشكل الديكوري

ولاني من حايل ماعرف اذا في احد يوردها للرياض و لا لا
د.البقعاوي
17/12/2008, 10:53 PM
الدفايه اللى تذكر مستخدمه بكثره فى الشمال
عرعر وسكاكا والقريات ويجيبونها من سوريا وهى عمليه جدا وتدفى البيت مهما كان حجمه
وتجى مقاسات ايضا
واستفسار د.البقعاوى لابد من رفع الماسوره اعلى من سطح البيت لتلافى الدخان والريحه داخل المنزل
أخوي الربذي : الطيب طيبك يالغالي...
أخوي كهلان: الهواء يرجع مع (البواري) اللي هي المدخنة لقلب الدفاية ..فتطفي الدفاية وتلوث البيت...