محمد 77
14/12/2008, 01:03 PM
قصيدة في البر والربيع للشاعر سلطان بن حمادة السهلي رحمه الله :
يالله ياعالم بغيب الليالي = يارافع الرايات ياعادل الميل
يامرجعن لاهل الوطن والحلالي= ياناثر الماء من حقوق الهماليل
لادجت في نبت الزهر زاد حالي= متواسين عشب السهل والهذاليل
لامن غدا النوار مثل الزوالي= وشدوا مدورة الطنف والتنافيل
وتغانموا قفرن من النزل خالي= صعبين الارياء مبعدين المراحيل
وبنوا بيوتن في طوال العوالي= في مربع(ن) ماجف عشبه من السيل
ياماحلا وان مال فيَ الظلالي= حفر الوجار وشب ضوَ المعاميل
وبن يحاف بمتعبات الدلالي= وزل(ن) من الصافي وحفن(ن) من الهيل
في دلة (ن) تركى على جال صالي = فنجالها يبري الكبود المغاليل
ودناي نجر(ن) يرفع الصوت عالي= صوته يجيب مدورين التعاليل
صوته يجيب اللي من الربع غالي= يدعيلك الربع الحشام المشاكيل
تطرب ليا جاء للسوالف مجالي= سوالف(ن) تاتي وهذي مقابيل
سوالف(ن) لمجربين الرجالي= اللي لهم يوم الملاقا مفاعيل
وان جوك من دار(ن) خطاهم طوالي= رحب ولو انك قليل المحاصيل
واشتر لهم كبش(ن) من الظان غالي= والرزق عند اللي ينشي الهماليل
وخبر ترى الدنيا مهي راس مالي = تنفذ وتاليها رسوم وتماثيل
مهبول يامتغبطن فالليالي= تسقيك مر عقب شرب الشهاليل
دنيا كفا الله شرها ماتمالي= تضحك وصاحبها خطير(ن) من الميل
وحلاتها يالعبد في كل حالي = خمس ركعات (ن) قم بهن تالي الليل
تمت ونطلب رافع الشان عالي = ونكمل الطلبه بذكر(ن) وتهليل
يالله ياعالم بغيب الليالي = يارافع الرايات ياعادل الميل
يامرجعن لاهل الوطن والحلالي= ياناثر الماء من حقوق الهماليل
لادجت في نبت الزهر زاد حالي= متواسين عشب السهل والهذاليل
لامن غدا النوار مثل الزوالي= وشدوا مدورة الطنف والتنافيل
وتغانموا قفرن من النزل خالي= صعبين الارياء مبعدين المراحيل
وبنوا بيوتن في طوال العوالي= في مربع(ن) ماجف عشبه من السيل
ياماحلا وان مال فيَ الظلالي= حفر الوجار وشب ضوَ المعاميل
وبن يحاف بمتعبات الدلالي= وزل(ن) من الصافي وحفن(ن) من الهيل
في دلة (ن) تركى على جال صالي = فنجالها يبري الكبود المغاليل
ودناي نجر(ن) يرفع الصوت عالي= صوته يجيب مدورين التعاليل
صوته يجيب اللي من الربع غالي= يدعيلك الربع الحشام المشاكيل
تطرب ليا جاء للسوالف مجالي= سوالف(ن) تاتي وهذي مقابيل
سوالف(ن) لمجربين الرجالي= اللي لهم يوم الملاقا مفاعيل
وان جوك من دار(ن) خطاهم طوالي= رحب ولو انك قليل المحاصيل
واشتر لهم كبش(ن) من الظان غالي= والرزق عند اللي ينشي الهماليل
وخبر ترى الدنيا مهي راس مالي = تنفذ وتاليها رسوم وتماثيل
مهبول يامتغبطن فالليالي= تسقيك مر عقب شرب الشهاليل
دنيا كفا الله شرها ماتمالي= تضحك وصاحبها خطير(ن) من الميل
وحلاتها يالعبد في كل حالي = خمس ركعات (ن) قم بهن تالي الليل
تمت ونطلب رافع الشان عالي = ونكمل الطلبه بذكر(ن) وتهليل