المساعد الشخصي الرقمي

مشاهدة النسخة كاملة : فزعتكم يانشامى


FA_123_FA
14/12/2008, 10:48 PM
السلام عليكم ورحمة الله وبركاته....

بداية احب اهني نفسي اني وجدت هالموقع اللي صراحة اعجبني وبشدة .... فقلت لازم اني اسجل فيه واخليه من ضمن المفضله :)

_____________________________

اما بخصوص استفساري ياوجيه الخير....

انا املك جهاز قارمن 276c عربي ... وجهاز منزل عليه خرائط دار موجه الاصدارA6 ...

وكان يشتغل معاي 100% ... بس قبل يومين كنت في البر وفجأة طفى الجهاز وحاولت اشغله .. وكل ماشغلته طفى من جديد !!!!
واخر شي طلعت شريحة الذاكرة ... ومن بعدها اشتغل الجهاز بشكل ممتاز!!!!

فياليت تعطوني حل ... هل هو برنامج والا وش علته ؟؟؟؟
فلر
14/12/2008, 11:16 PM
السلام عليكم اولا
سبحان الله نفس المشكله حصلت لي مع نفس هذا الجهاز
وبعطيك الزبده على طول علشان ما تمر بالي مريت به
الجهاز عندك يحتاج فرمته ويرجع لك زي الحلاوه بس كان عندك مواقع خاصه فيك انسخها على الماب سورس علشان ماتروح عليك ثمن ودها للوكيل خله يسويلك فرمته وتنتهي المشكله .ودعوه صادقه تكفيني منك.
بعدين تعال اصبر لاتضغط على سهم الرجوع وش تبي بخرائط دار موجه اتركك عنها عندك السياري تراها افضل بكثير منها وازيدك بعد خدمه مابعدالبيع تحديث مجاني لكل اصدار ونفس زينه في التعامل وانا عندهم امس يقولي السياري انهم بعد حوالي الشهر بينزلون اصدار جديد ورائع واني لك من الناصحين وسلامتك.
FA_123_FA
15/12/2008, 12:52 AM
الله يجزاك خير اخوي ابو التمائم ويغفر لك ولوالديك....

والحمدلله الله انك اختصرت لي الموضوع وعطيتني الحل وبيض الله وجهك ...

ونصيحتك انشاء الله باخذها ...

سؤال بسيط...

هل اقدر افرمت الجهاز انا؟؟؟ والا لازم الشركه ؟
تقبل تحياتي...
فلر
15/12/2008, 05:08 PM
السلام عليكم
ولله ياليت اقدر افيدك
يمكن احد من الخبراءوهم كثير في هذا المنتدى يفيدنا وتراهم ما يقصرون
بس خل احد منهم يعطينا وجه
sameer_1798
15/12/2008, 05:26 PM
سؤال بسيط...

هل اقدر افرمت الجهاز انا؟؟؟ والا لازم الشركه ؟
تقبل تحياتي...



نعم تستطيع تفرمت الجارمن بنفسك ولمعرفة الطريقة تجدها بهذا الرابط :
http://www.mekshat.com/vb/showthread.php?t=72173

ولكن يجب عليك تخزين الاحداثيات والتراكات في الحاسب لأنها تحذف عليك
ابو خالد 2006
15/12/2008, 05:48 PM
للررررررررررفع
FA_123_FA
15/12/2008, 06:42 PM
بيض الله وجهك اخوي سامر ماقصرت...

اخوي ابو خالد شكرا لرفع الموضوع :)
FA_123_FA
15/12/2008, 08:18 PM
يااخوان والله حستها شكلي

انا مشيت على الطريقه بحذافيرها علشان افرمت الجهاز وكل شي ماشي معاي اوكي...

بس المشكله الان صفحة البوصله ماتطلع عندي هذي واحده...
والثانيه قبل لا افرمت الجهاز كان اول مااشغل الجهاز تطلع عندي في الخريطه موقعي ... اما الان او ماافتح صفحة الخريطه اجد موقعي في دوله غربيه !!!!!

الحل يالنشامى الحقوا علي...

ادري اني ثقلت عليكم بالاسئله لاكن اني واثق انكم كفوا وعندكم الاجابه ... ياليت تتحملوني الله يجزاكم خير ....
sameer_1798
15/12/2008, 08:41 PM
أخوي هذا شيء طبيعي تجد في الخريطة موقعك في امريكا
يلزمك الآن الخروج في مكان مكشوف .ثم اذهب إلى صفحة الاقمار بالضغط على قائمة مرتين ثم اضغط قائمة ثم موقع جديد ثم باستخدام الخريطة الآن تحرك بالأسهم في الخريطة من أمريكا إلى دولتك ثم اضغط أدخل ..
وعدل بالوقت والتاريخ ورجع جميع الاعدادات السابقة .
FA_123_FA
15/12/2008, 09:09 PM
مشكور اخوي سامر ... والله مادري وش اقولك ... مااقول الا الله يغفرلك بكل حرف كتبته سيئه ويرحم والديك...

الان الخريطه وضعها تمام ... لاكن البوصله كيف ترجع ؟؟؟
FA_123_FA
16/12/2008, 09:47 PM
للرفع...

للبحث عن حل مع البوصله <<< من غيرها نضيع :)
عبدالله الدوسري
16/12/2008, 11:52 PM
من إعدادات الجهاز
اضغط زر القائمة مرتين
اطلع بالسهم لما توصل: عرض
رح باليمين
تلقى على صفحة الطرق وصفحة البوصلة كلها غير مفعلة (صاير وضعها: إيقاف)
عدّل الوضع إلى التشغيل وبإذن الله بعد كذا تقدر تشوف البوصلة
دعواتك
FA_123_FA
17/12/2008, 01:38 PM
جزاك الله الف خير اخوي عبدالله..والله يغفر لوالدك ويسكنه فسيح جناته ويجمعك معاه في جنات الخلد....ويشافي والدتك شفاء عاجلا غير اجلا يارب العالمين....