وين المخترعين ؟ الدافور أحيانا وجوده زي عدمه !

[راضي]

بسم الله الرحمن الرحيم



ياشباب أحيانا يقع الواحد في ورطه إذا انتهى غاز الدافور


http://mr.sish.googlepages.com/2269Small.jpg


(الصوره اقتباس من موقع البريه )


بتقولون لي شب حطب طيب ماحولك حطب
بتقولون شف وزن الدافور إذا كان خفيف معناه ناقص
وإذا كان ثقيل معناه مليان يمكن اتفق معكم لكن بعض الاحيان يخونك وتبلش ..
إذا بالإمكان أحد يخترع لنا عداد يركب على الدافور
مقياس أوعداد


http://mr.sish.googlepages.com/mk6936_xx1.jpg
(الصوره اقتباس من الانترنت )


بحيث يقيس كمية الغاز الموجود في دبة الغاز
علشان مايتورط الواحد يكشت وهو قرير العين
الله يقر عيني وعيونكم بالجنه قولوا آمين ..


تحياتي ................

[Abu Saad]

والله اني افكر في نفس المشكلة امس واقترح ترهيم عيار للدافور ااو دبة الغاز حتى .

[سطام vip]

صراحه فكره ممتازه طيب وش رايك اخوي في براميل الغاز الكبيره

الي في بعض البيوت مو الدبات البرتقاليه لا ذاك الكبير الي ينسدح في الحوش

يا ابيض يا رصاصي المهم هذي فيها معيار ابشوفه بكره اذا ممكن يركب على الدبه

الصغيره ولو بالترهيم (خوفي من ان يكون ضغطه اكثر من ضغط الدبه الصغيره)

يعني ما رح يتحرك الانمبير ع العموم ان شاء الله بكره اتأكد

[راضي]

ابو سعد
تسلم على مرورك لا عدمتك ...
..............................................
سطام
شد حيلك مع اني سألت راعي محل البريه ابويزيد عن هالموضوع وقال لي موجود لكن مهوب مضبوط المهم شف الموضوع لاعدمتك ..

[منــاكد]

الحل بالميزان فقط!!!
يعني كم كيلو غرام؟؟؟

لأن المنتج اذا كان في حالة سائلة سيكون أثقل منه لما مايتبقى الا الغاز أو (VAPOR)...

ومعيار الضغط ليس بثقة بهذه الحاله...

تحياتي...

.

[راضي]

كابتن جربوع شكرا لمرورك
لكن الاخ سطام ذكرني بالاسطوانات الكبيره المنزليه
فيها عداد وهي موجوده عندنا في البيت مجرد مانشوف العداد
بيخلص نتصل فورا ماننتظره لين يخلص فهذا في الكبار وشلون هالصغار
تحياتي لاعدمتك ............

[iase2000]

كنت افكر بنفس هالموضوع
جاتني فكرة مجنونة اني ارهم مقياس ضغط الكفرات بحيث يركب على الدبة عند القياس
طبعا مجرد فكرة

[قطب 999]

كل ماجيت تطلع فلل الدافور اوخذ وحده اسبير

[عشانا]

حتى لا تبلش غلق الدبة عندما تريد الذهاب للبر

[كاسر الأمواج]

الحل بسيط جداً هو :-
1- تشتري لي تعبئة الدافور
2- تشتري مفك للاسطوانه الكبيره ومفك للاسطوانه الصغيره

قبل ما تكشت تعبيئ الدافور من اسطوانه البيت والطريقه سهله جدا

وكذا راح ترتاح من وجع الراس.........

[الطاحونه]

السلام عليكم ورحمة الله
الساعات موجوده وبكثره بس المهم تركيب نقاص بحيث يتلائم مع الدبه
وكل انواع الساعات والنقاصات موجوده بشارع الريل وراح تبدع اذا رحت للمحلات هناك
وتطلع بدبه وفيها ساعه ممتازه ودقيقه

وتقبلوا مروري ومداخلتي

[راضي]

iase2000
فكره طيبه شد حيلك وانا اخوك
تقبل تحياتي .....

..................................................
قطب 999
اقتراح جميل لكن اخوك يدور الاسرع والاريح
تقبل تحياتي .........

.................................................
عشانا
اقتراحك طيب لكن اغلق الدبه واتك عليها واذا وصلت الاها فاضيه
تقبل تحياتي .............

............................................
كاسر الامواج
انا معك في هالطريقه 100% ولكن ليش مايوجد عداد والله اريح واسهل
تقبل تحياتي............

...................................
الطاحونه
هذا الاقتراح السليم اللي يوصلني للي ابيه لكن وانا اخوك تنقصني الخبره
وش الطريقه لاعدمتك
تقبل تحياتي....................

[الطاحونه]

الطريقه خذ دبة الغاز علشان مقاس السنه وادخل المحلات الكبار وقله ابي نقاص وضاغط على الابره بنفس الوقت
ومن ثم ساعه تركب على النقاص طبعا بعد النقاص تركب قسام مثلث يكون مدخل للنقاص
ومدخل للساعه ومخرج لسنة اللي حق الغاز
وهذه الشغله مهب صعبه بس يبيله وسعة صدر ووقت تكون فاضي فيه ماواعت احد فيه مثل استراحه او كشته او غير ذلك
والله يسهل امرك

[سرهيد]

السلام عليكم

والله فكره الاختراع هذي روعة لو تتم

لكن على العموم انا اعطيك طريقتي

لا يمكن ان اطلع كشته طويلة الا وانا معبي الدبات حتى لو اني ما استخدمتها الا مره علشان ما اتوهق هذا شيء الشيء الثاني ، اخذ دبة احتياطية ..

ولا يمنع ان يكون فهي اختراع يريحنا

شكرا على الفكره وياليت احد يقدر يخدمنا

تقبل احترامي

[iase2000]

سؤال لسرهيد وللجميع
الحين اذا استخدمت الدبة في طبختين او ثلاث بس ما فضيت هل اقدر اعبيها ؟
يعني الدبة فيها غاز لكن مايكفيني كشتة كاملة هل اقدر اعبيها حتى لو فيها غاز ؟؟؟؟؟؟؟؟؟

[سطام vip]

بسم الله الرحمن الرحيم

اخوي راضي امس فتحت غطاء البرميل المنزلي

وحصلت الساعه مثبته مباشره في الدبه

يعني مو مثل النظام القدم تكون راكبه على الخط الخارج من الغاز

وعندي فكره امس جت في بالي وفيه فكره مشابهه لها هنا بس ما راح اقول شي

عنها لاني بجد ابحاول اسويها واذا نفعت ابعطيكم خبر

والله يوفق الجميع

[الطاحونه]

سؤال لسرهيد وللجميع
الحين اذا استخدمت الدبة في طبختين او ثلاث بس ما فضيت هل اقدر اعبيها ؟
يعني الدبة فيها غاز لكن مايكفيني كشتة كاملة هل اقدر اعبيها حتى لو فيها غاز ؟؟؟؟؟؟؟؟؟


هلابك اخوي وبالنيابه عن الجميع
يمديك تعبي الدبه سواء استخدمته مره او اكثرمن مره وعلامة التعبيه خروج سائل الغاز من فتحت التهويه بكثافه
بس بهذه الحاله يلزم ان يكون ضغط الدبه الكبيره اكبر من المراد تعبيتها --وبالله التوفيق

[iase2000]

هلابك اخوي وبالنيابه عن الجميع

يمديك تعبي الدبه سواء استخدمته مره او اكثرمن مره وعلامة التعبيه خروج سائل الغاز من فتحت التهويه بكثافه
بس بهذه الحاله يلزم ان يكون ضغط الدبه الكبيره اكبر من المراد تعبيتها --وبالله التوفيق


جزاك الله الف خير

[سرهيد]

سؤال لسرهيد وللجميع
الحين اذا استخدمت الدبة في طبختين او ثلاث بس ما فضيت هل اقدر اعبيها ؟
يعني الدبة فيها غاز لكن مايكفيني كشتة كاملة هل اقدر اعبيها حتى لو فيها غاز ؟؟؟؟؟؟؟؟؟

هلا باخوي الكريم

نعم وبكل سهولة وبنفس الطريقة اللي شرحت في موضوعي تعبئة دبة الغاز الزرقاء

تقبل احترامي

[azmm2009]

فكرة مقياس ضغط على الدبة ممتازه
ارجو ان تطبق على ارض الواقع

[fawazakeel]

فكرة حلوه جدا الله يوفقك

[بن عاقول]

ساعة دبة الفريون اللي في المشاحم أعتقد مناسبة

[دغيم1]

السلام عليكم ورحمة الله وبركاته
حياك الله أخوي
فكرة الساعة لمعرفة ماتبقى في دبة الغاز موجوده على إسطوانات الأكسجين
ويمكن الإستفادة منها إذا تركب السنة
ويمكن تحصل الساعة لدى محلات الأدوات الطبية بجوار الغرفة التجارية .
كذلك يمكن تستفيد من خبرة أي عامل تكييف يمكن يستطيع أن يرهم لك ساعة تركب على الدبه
تقبل تحياتي