ما حصل لنا في مقناص العيد هذا

[عاشق1]

ياغريب خلك اديب عبارة شدتني منذ الصغر وعلقة بذهني وجربتها فوجدتها من كمال اخلاق المسلم الواعي والعمل بها امر لايستغنى عنه اما الموضوع فهو يدور حول ما حصل لنا ولغيرنا بلقرب من شعبة نصاب وما جاورها ( السالفه جرة حبارى وبعد ذلك اتونا احد ابناء الدول المجاورة وقلنا له نسترفعكم عندنا جرة حبارى كما جرة العادة عند ابناء هذه الدوله العظيمة قال ابداً فقط نبي نتفرج :j على الهدد قلنا مرحبا ومسهلا فنتفاجأ بعد قليل طارة طارةطارة طارة طارة الا والله الشباب ما عندهم من علوم العرب شيء هدو على مهدنا وكل موتر طلع منه طير اعجب من العجب طبعاً راحت الحبارى وعاضنا الله بخير طبعاً رجعنا للي هدو قلنا ليه وقلنا بهذه العبارة ( ياغريب خلك اديب هذا وانت في ديرتنا وتسوي كذا :mad: قال هذي ماهيب ديرتك :no: وبعدها حصل الفلم الهندي لكي يكون عبرة لمن يتجرا على مس حقوق هذه الدوله العظيمه ) والله عجب فما راي اخواننا الصقاقير في هذا الموضوع وانا لا اعم احد لكن فيه رجال تعرف معنى ترفع عندنا جرت حبارى معناها لاتنزل :no2: بنفسك لامور انت في غنى عنها

[khelan-qatar]

الله يهديهم( والعقل نعمه) وهذا ريش

[أبو_خالد]

كل معروف طيبه ورداه

[ديزل1]

لا اله الا انت سبحانك اني كنت من الظالمين




( اذا لم تستحي فصنع ما تشاء )



هذي السالفة تحصل من الاجانب الي يدخلون علينا في ديارنا ولايمشون على سلومنا الي هي منبع الأصالة


الله يهديهم


لدرجة انهم تفرعنوا ( ورموا طير) لأحد الشيوخ بالشوزن وهو قانص بين الحدين وهربوا وما زال البحث عنهم جاري وحصل هذا بعد العيد جنوب رفحاء


امل ان السلطات تتنبة لهم وتوقفهم عند حدهم لأن هذا منوالهم كل سنة


صحيح ان ( الي استحوا ماتوا )


لا حول ولا قوة الا بالله .

[ابو عناد999]

ادواهم صدام الموترررر اهم وطيرهم وانت ماشى واذا قال شى كزز فى وجه رمل وانت ماشى

[عتيج الصوف]

قل خيراً او اصمت

[يوسف 206]

اعجبتن كلمتك فلم هندي مامثل شغل القوه مع هالاشكال الي منزوع الحيا منهم ومعروفين من اي دوله بالضبط ....

[قناص قفار]

والله كفوا أخوي عاشق1ماينفع إلاكذا مع هل الأشكل...
ترى هذولا مهوب صقارة والصيد بريء منهم...
أخوك...
قناص قفار

[بالون]

نعم اخواني حصل معنا مثل الشي العام الماضي كنا بصمان وعندنا جرة حبارى جديده وجانا موتر من الدول المجاوره وقلنا ياجماعه عندنا جرة حبارى برقعو طيوركم وابعدو عنا وذكان تبي تتفرجون حياكم الله قالو نبي نتفرج المهم بدينا نقطع للجره ونا اشوف الشباب الي من الدول المجاوره يقطعون قدامي رحت وكلمتهم قلت ابعدولو سمحتو قالو توقعنا انهامو تبعكم الجره هاذي قلت ارجوك ابعد المهم راح وشوي وهم عندنا قال واحد من ربعنا يا جماعه اذا طلع طيرمن سيارتهم ارموووه ونا الي بكون بوجه راعي الطيرعاد تشوف الشباب كل واحد جهز ام خمس وشوي الى مافيه احد منهم اثر الشباب بنفس القناة على الجهاز الكنود وسلا متكم...اسف على الاطاله... بالون

[ابو عناد999]

قل خيراً او اصمت



الساكت عن الحق شيطان اخرص:no2:

[العقاب الأسود]

يا إخوان والله صارت تجاوزات من هؤلاء الجيران غير طبيعيه وفي احدى تجاوزاتهم كادت أن تحدث الكارثه للولا ستر الله وتدخل رجال الامن الله يعطيهم العافيه برميهم لطيور القمري في محل احد ابناء الباديه وقتلهم لإحدى نياقه بطلق طائش وفي عقر داره . الله يكفينا شرهم ويبعدهم عنا .

تقبلوا تحياتي

[براااااق]

السلام عليكم ابو عبدالرحمن ماجاهم منكم أعتقدانه أنذاربسيط جداً
(تسلم يديك ياشعلان جعل يمناك تسلم ) لاكن الأشكال هذي ماينفع معها الا أسلوب أخوي ديزل هاك السنه في لوقه الأنسان مايتمناء لنفسه الشر لاكن ليتني معكم لحضتها تقبل مروري أخوك براااااق

[أبو_محمد]

نعـــــــــــــــــــــــــــــم يا أخوي صار معنا نفس الحدث حيث أنهم رمو طيرنا بالشوزن وكانو أربع اشخاص غير سعودين
وهربو وكان معانا أكثر من خمس سيارات وكنا متفرقين وتم تحديد مكانهم بالآيكم وحاصرناهم وتم مسكهم جنب الخط وتمت محاسبتهم بشكل شديـــــــــــــد

[DARK2]

ردي النفس ردي سواء في ديرتة ولا ديرة غيرة وهذي رداة نفس منهم وانت بيض الله وجهك اخوي عاشق1 وعداك العيب بس عندي ملاحظة على بعض الاخوان اتمنى مانعمم على دولة كاملة على شان واحد اساء ونبعد عن الكلمات اللي ماتخلق سوى الكرة مثل دولة مجاورة فالخليج كلة واحد ( الكويت والسعودية والبحرين وقطر والامارات وعمان ) واتمنى اللي يصادف مثل هالموقف ترى الشيطان راح يكون حاضر

[محمد الشلاحي]

الله يهديهم( والعقل نعمه) وهذا ريش

[ابوأرام]

الله يهديهم هاذي مهي علوم رجال وبالاخص الصقاره الدعوه هي ترفيه وممارسة هوايه ماهي اثارة مشاكل وانا متاكد انه لو طلب منكم يخاويكم ويهد معكم ماكان رفضتو

[عاشق1]

اشكر جميع من تفاعل مع الموضوع مع تمنياتي للجميع بالتوفيق

[اللميموني]

على قولة الشلاحي الله يهديهم( والعقل نعمه) وهذا ريش

[عبدالله هدد]

لييييه مانفشتووو طيررررهم

علشان يتعلمون ولا عد يهدون علىى احد ثاني

[خرمان ربيع]

نعم اخواني حصل معنا مثل الشي العام الماضي كنا بصمان وعندنا جرة حبارى جديده وجانا موتر من الدول المجاوره وقلنا ياجماعه عندنا جرة حبارى برقعو طيوركم وابعدو عنا وذكان تبي تتفرجون حياكم الله قالو نبي نتفرج المهم بدينا نقطع للجره ونا اشوف الشباب الي من الدول المجاوره يقطعون قدامي رحت وكلمتهم قلت ابعدولو سمحتو قالو توقعنا انهامو تبعكم الجره هاذي قلت ارجوك ابعد المهم راح وشوي وهم عندنا قال واحد من ربعنا يا جماعه اذا طلع طيرمن سيارتهم ارموووه ونا الي بكون بوجه راعي الطيرعاد تشوف الشباب كل واحد جهز ام خمس وشوي الى مافيه احد منهم اثر الشباب بنفس القناة على الجهاز الكنود وسلا متكم...اسف على الاطاله... بالون

أنا أشهد أنكم رجال من ظهور رجال

[المان العرب]

مهي غريبه ذا الحركه
خاصه في الساحل الشرقي

[سوبر152]

:good:
نعم اخواني حصل معنا مثل الشي العام الماضي كنا بصمان وعندنا جرة حبارى جديده وجانا موتر من الدول المجاوره وقلنا ياجماعه عندنا جرة حبارى برقعو طيوركم وابعدو عنا وذكان تبي تتفرجون حياكم الله قالو نبي نتفرج المهم بدينا نقطع للجره ونا اشوف الشباب الي من الدول المجاوره يقطعون قدامي رحت وكلمتهم قلت ابعدولو سمحتو قالو توقعنا انهامو تبعكم الجره هاذي قلت ارجوك ابعد المهم راح وشوي وهم عندنا قال واحد من ربعنا يا جماعه اذا طلع طيرمن سيارتهم ارموووه ونا الي بكون بوجه راعي الطيرعاد تشوف الشباب كل واحد جهز ام خمس وشوي الى مافيه احد منهم اثر الشباب بنفس القناة على الجهاز الكنود وسلا متكم...اسف على الاطاله... بالون:good: :good: :good: :good: :good:

[طراح القصيم]

لا حول و لا قوه الا بالله ,,, صحيح الي استحو ماتو ,,, و انا صار لي نفس الشي هذي السنه بس ما كان على هد كان رمي قميري ,,, السالفه و ما فيها كنت في الساحل بتحديد في قيال المهم و انا ادور جنب البحر عند الرمث الا و اشوف 5 قميريات المهم جيت ابرمي لاكن كان هناك راعي سياره قدامي قلت يا ولد اصبر اين يوخر المهم راعي السياره ما قصر شافني وابعد عن المرماء المهم مع الحركه و التأخير طارن القميري المهم انا مشيت و راهن علشان اشوف و ين يحدرن ,, في نفس الوقت شافهن راعي سياره ثانيه و كان و اضح اني امشي و راهن بلأصح هو كان شايفن و انا اعاير عليهن بس موقفني راعي السياره الي قدامي ,, المهم وانا امشي و راهن و هو يلحقني ما دريت الا وهو يطلع البندق الرديف الي معه و يرمي في الهواء المسافه الي هو يرمي فيها من سابع المستحيلات انه يجدع شي و لا تنسون يرمي طيار و السياره تمشي و المسافه بعيده يعني ما فيه امل انا من زود القهر طلعت البندق بلا شعووو من بعد ما وقف هو عن الرمي لاني ادري انه راح يرمي ثانيه و الحمد لله جدعت منهن ثنتين و طار الباقي مع العلم اني جدعت ثنتين و لا راح و لا فشقه غلط >> طبعن بصدفه << بس كل الي اقصده ان اللخبطه هذي تحصل في كل مكان و البلا و الي يزيد الواحد غبن ان الي مسوي كذا واحد من اهل الديره بس و الله ودون ما تحلفونني اني ما قلتله شي بالعكس غبنته وضحكت في وجهه وانا اشيل القمريتين حقاتي من قدامه يعني هو بس خسر سمعه و فشق و كسر موتره على غير سنع , و كلن به حقه و كلن يصير معه مواقف برحلات بس الواحد ما يقول الا الحمد لله على نعمه العقل و ثقله ,,, و الله يستر علينا و عليكم

[سرورمحمد]

ها الا شكال موجودة حتى في ديارنا فلا تستغرب من بعض الناس فليسوا سواءواظنكم فا هميني

[حر الشمال]

صحيح ان لم تستحي فأصنع ماشئت
صدق ماعندهم ذوق

[فيصل العجمي]

السلام عليكم ورحمة الله وبركاته

مثل هذه المواقف تحصل كثيرا ولكن من الخطأ تعميمها على ابناء بلد كامل
ولكنها تحصل من صغار السن والعقل

حنا كل سنه نقنص مع الشيبان وانتم تعرفون نظام الشيبان ولله الحمد مايرضون بالخطأ أبد

ومع ذلك نواجه مثل هذه المواقف ومن ابناء البلد وأخرها في مقناصنا الأخير اللي نزلت تغطيته في هذا القسم ومن شباب من اهل الديره ,, ولاهوب مره ولا مرتين وانما اكثر من مره ,, والقصد من كلامي مهوب اني اعمم على احد ولكن لأبين للي يقولون انهم من دوله خليجيه معروفه ان التعميم خطأ يا اخوان والشي ذا يحصل من ناقص العقل سواء كويتي ولا سعودي ولا قطري بغض النظر عن جنسيته ولا اعتقد ان الريجيل يحكم عليهم بجنسيتهم

[بوخالد الكعبي]

والله يااخوان هذا شي يحزن في المقناص بصرااحه


انا ولد عمي توه راجع من السعوديه من الحد بالذات و اطلع طيره هناك وهد طلع واذا الحباره تطير من بعيد


وشافته مواتر ثانيه واتسوق على سياراته وترمي طيرها قدام طيره علشان يصيد قبله


يقول والله العظيم ماقلت شي نزلت بكل احترام وقبضت طيري ومشيت عنهم


ولكن ليش الاسلوب هذا و ليش انهد على تعب الناس


والله هذه المشكلة حاصله بين كل المقانيص الغشم واللى مالهم بالعلوم الطيبه


الله يهديهم ويصلح بالهم

[بالون]

أنا أشهد أنكم رجال من ظهور رجال
بيض الله وجهك ويشرفني قرائتكـ لتعليقي ...بالوووون

[بالون]

:good: :good: :good: :good: :good: :good:
:good: :good: مشكووور ع المرور وتعليق

[الظآمي]

( اذا لم تستحي فصنع ما تشاء )

[نايف الخالدي]

سويت الي هم يستاهلونه واقديتوا فيهم
وماينفع مع هالاشكال الى كذا
والمشكله ماهي كذا
المشكله اذا جاك في ديرتك وصار يقنص ويبيع الحبارى وهي في الروض على شيوخهم
يعني جاي ومتعني من ديرته عشان يبيعها طبعا وفيه عندنا بنفس الديره ناس مثلهم وازود
مقناص لليل وبيع حباري في الروض

[رويلي وافتخر]

حصل لي ماحصل لكم انا ومجموعه كانت معي وكان ايامها معي طير كان يهد على طيور خوياي وقد ذبح طير واحد المهم جو عندنا ربع من جيراننا وقلنا لهم نبي نهد يالربع قالوا المطلوب؟ قلنا برقعوا طيوركم قالوا تم طلعوا الشباب اخلاق المهم من هد خوينا الا هم هادين معه تشابك مع طيرهم وهدوا الثاني وراء الحبارى طبعاً خوياي كلن طلع اسلاحه المهم على الجهاز قلت دعوا القيادة لنا ودعوا اسلحتكم تتمتع بالراحه وتمتعوا انتم بالهدد الطيب ههههه وهديت طيري الخبل اللي عزلني عن خوياي بسبب شراسة طبعه اسمه (( سنار )) المهم سنار اطلب طير الشله اللي هدوا على هددنا وعلقه طيار ماشاء الله عليه المهم اننا خليناه يتعشى طوير الربع ويوم جوا الا سنار باركن على طيرهم بعد ماذبحه (( لله دره )) يبرد الكبد سناااار.... وبكل برود قالو نبي الريشه بس.. قلنا الريشه تستاهلونها وتستهالون بعد كوم هالريش وبعد هالقصه ماشفنا بديارنا (( الشمال)) ولا قناص منهم.... طبعاً انتهت القصه بدون اطلاق نار والله الحمد

[النائب]

ادفع بالتي هي أحسن

[عاشق1]

السلام عليكم ورحمة الله وبركاته

مثل هذه المواقف تحصل كثيرا ولكن من الخطأ تعميمها على ابناء بلد كامل
ولكنها تحصل من صغار السن والعقل

حنا كل سنه نقنص مع الشيبان وانتم تعرفون نظام الشيبان ولله الحمد مايرضون بالخطأ أبد

ومع ذلك نواجه مثل هذه المواقف ومن ابناء البلد وأخرها في مقناصنا الأخير اللي نزلت تغطيته في هذا القسم ومن شباب من اهل الديره ,, ولاهوب مره ولا مرتين وانما اكثر من مره ,, والقصد من كلامي مهوب اني اعمم على احد ولكن لأبين للي يقولون انهم من دوله خليجيه معروفه ان التعميم خطأ يا اخوان والشي ذا يحصل من ناقص العقل سواء كويتي ولا سعودي ولا قطري بغض النظر عن جنسيته ولا اعتقد ان الريجيل يحكم عليهم بجنسيتهم
تعال وتفرج على العلوم الطيبه على اهل السعوديه والله انهم يتعازمون على الهدد وانا مااعم انا اخص اللي حصل وانت تعرف معنى كلامي ياغريب خلك اديب

[فيصل العجمي]

ياعاشق1 انا مابي امدح احد من دون احد الطيب طيب سواء في مقناص ولا في غير مقناص خصوصا لا صار متربي على العلوم الطيبه وحشمة الريجيل

ولكن كلامي كان على التعميم وانا اخوك ,, يعني من الخطأ ان تعمم هذا الكلام على ابناء بلد خليجي واحد وكأنهم لهم اعراف وعادات وتقاليد غيرنا,, والكل يعرف ان اهل الخليج عاداتهم وتقاليدهم وشيمهم وحده.. يعني ابناء القبيله الوحده تعينهم في أكثر من دوله فوش اللي يخلي طبعهم يختلف؟

لكن الصحيح ان هناك حالات شاذه وهي موجوده في كل بلد .. بعدين الخليجي في اي دوله خليجيه مهوب غريب الا راعي محل ومن اهل الديره

وعلى فكره لو ترجع لردي السابق لوجدت انه كان موجه للأخوان اللي عمموا

وبعدين الطيب مهوب غريب على اهل السعوديه لا تعازموا على الهدد ,, وهذا طبع الطيبين كلهم

[المزروعي]

ياعاشق1 انا مابي امدح احد من دون احد الطيب طيب سواء في مقناص ولا في غير مقناص خصوصا لا صار متربي على العلوم الطيبه وحشمة الريجيل

ولكن كلامي كان على التعميم وانا اخوك ,, يعني من الخطأ ان تعمم هذا الكلام على ابناء بلد خليجي واحد وكأنهم لهم اعراف وعادات وتقاليد غيرنا,, والكل يعرف ان اهل الخليج عاداتهم وتقاليدهم وشيمهم وحده.. يعني ابناء القبيله الوحده تعينهم في أكثر من دوله فوش اللي يخلي طبعهم يختلف؟

لكن الصحيح ان هناك حالات شاذه وهي موجوده في كل بلد .. بعدين الخليجي في اي دوله خليجيه مهوب غريب الا راعي محل ومن اهل الديره

وعلى فكره لو ترجع لردي السابق لوجدت انه كان موجه للأخوان اللي عمموا

وبعدين الطيب مهوب غريب على اهل السعوديه لا تعازموا على الهدد ,, وهذا طبع الطيبين كلهم


كلام رجل عاقل و حكيم و له بعد نظر في هذه الأمور التي تثير الحساسيه بين أبناء البلدان المجاورة وقليل من الناس إللي يحاول يهدي الامور في مثل هذي الحاله للاسف الشديد . الطيب والردي في كل مكان.

لك مني ألف تحيه يا العجمي

[فيصل العجمي]

كلام رجل عاقل و حكيم و له بعد نظر في هذه الأمور التي تثير الحساسيه بين أبناء البلدان المجاورة وقليل من الناس إللي يحاول يهدي الامور في مثل هذي الحاله للاسف الشديد . الطيب والردي في كل مكان.

لك مني ألف تحيه يا العجمي


ماعليك زود اخوي المزروعي
وكل الشكر لك على الكلام الطيب اللي مايصدر الا من رجل عاقل مثلك

[رآعي آلبآترول]

هذولا ناقصين عقل ولا يمثلون الا انفسهم فقط ولا يمثلون دولهم ابدا
الطيب والردي في كل مكان وكل ديره ولا تقتصر على دوله معينه

لكن خلك اعقل منهم وتحاشا الامور الي يجي من وراها الشاكل

[abo_abdalah]

هذولا تدري لو اني مكانكم وش سويت ؟؟؟

ووالله اني صادق اعشق ال ام خمس طال عمرك وارمي الطير والحبارى واقول والله اوانا اخوك كنت ناوي الحبارى

عالم ماتقدر الرجال

[@قرناص@]

الله يهيدهم..

ويعوضكم آخير منها

[عاشق1]

يقول المثل العربي القديم ( كل ً بالغدرى بداره ادرى )

[أبوسبيع]

انا صار الموقف هذا بعد عيد رمضان بخمس ايام

الحاصل عندي جرة واتبعها شوي الا اشوف موتر غريب وراي وجا عندي

وقفته وقلت له ترفع عندي جرة

قال ابي اشوف الهداد قلت له ابشر بعزك

قصينا الجرة الا ذاك الخرب اللي يهول كنه ورع يمشي

وانا اهتظت ما امداني افرع طيري الا ذا اللي هاد

خير وينك رايح والقم البنلي واسوق طيره

واحوله مخدة ابد عطيته فشقة من اللي يحبها قلبكم

واقفيت عنه وخليته يولي

صحيح هالاشكال نعاني منها كثير يعني جاي تقنص في ديارنا احترم نفسك على الاقل يعني

[جبريت]

السلام عليكم الموضوع هذا ماينسكت عنه بس هذي ناس معروفه ولاتستحي اهم ماعليه انه يصيد الحبارة المتعه بعيد عنه بس لاتعم على صقاقير الدولة وانتوعارفينها بس على المجموعه نفسها ولا الدوله فيها صقاقير تحب هدد الطير وتعرف علوم الرجال

[رمثان155]

أنا لله وأنا اليه راجهون....ادفع بلتى هى أحسن