المساعد الشخصي الرقمي

مشاهدة النسخة كاملة : ماهي مواصفات القز ( الدافور) الجيد ؟؟


المارينز
16/12/2008, 01:28 PM
بسم الله الرحمن الرحيم


والسلام عليكم ورحمه الله وبركاته




عندي استفسارات ودي القالها اجابه


بالنسبه للقز او الدافور وش المواصفات الزينه له


يعني هل لكبر عين الدافور اهميه .. والا قوه شعلته هي المهمه


عندي قز كوفيا العنكبوت .. شعلته ماشاء الله تبارك الله :good:


وللشاي والقهوه خذ ولد :good2:


بس لما جا الجد وحطيت عليه قدر الكاتم .. طووووووووووول

بس ما عاقت معه لحمة الحاشي طبخها

لكن اخذ له وقت مهوب بسيط



يمكن عشان الدافور صغير ويالله تشوفه من تحت الكاتم




والحين ودي اغيره .. يعني ابغى واحد حق شاهي وقهوه ويخلي الكاتم يسوي كذا :hot:



واهم حاجه تقدر تحطه بالعزبه معك مايكون كبير




انا شفت مواضيع عن دوافير شعلتها قويه بعضها تصل 12000 بي تي يو


لكن اشوفها صغيييييييييره مررررررره وما اتوقع تنفع للطبخ



هل ابحث عن دافور تكون عيونه وسيعه ومكحله >>> اااااااااه الله يرزقنا الجنه


ولا الشعله اهم شي حتى لو كان الدافور كبر كف يدك ؟؟


هذا والسلام عليكم ورحمه الله
عاشق السيل
16/12/2008, 05:19 PM
وعليكم السلام ورحمة الله وبركاته ،،،

باختصار شديد أنصحك تروح لمحل البرية بحي الروابي بالرياض هذولا متخصصين بالدوافير وأكيد بيعطونك اللي يبرد تسبدك ويسمح خاطرك !!!!

وتقبل مروري يالغالي .....
المارينز
16/12/2008, 06:12 PM
الله يجزاك الجنه

شاكر مرورك يالغالي
ابوفهيدان
16/12/2008, 09:52 PM
المارينز انا عندي دافور ايطالي الاصلي من 12 سنة وماعلية كلام 7 رطل
ومن يوم شب علينا اخونا ابوعبدالله سرهيد بالبريموس والقزوز الثانيه صار عندي ولا مليون دبة غاز ومليون قز
وكل ماجيت ابروح البر قعدت لي ساعه قدامهم ماعرف وش اخذ معي وقمت اتخيل اني اطبخ بهذ1ا واسوي شاي بهذاك ووووووووو00000واخر شي طابخن بحطب علشان الكبسة يصير طعمها غير
قالوا الاولين لا كثر الشي قلت بركته
منك لله ياسرهيد رثعت فينا الله يجزاك الجنه
مسامرالليل
16/12/2008, 10:04 PM
ماتنلام يابو فهيدان , مادام كثرت دوافيرك , طيب تبرع بربعها على الاقل امزززززززح
انا مثلك لكن اقول الله يسامح ابو عبدالله اشغلنا مع هالدوافير مغير نطامر للبحث عنها
وفي المقابل الله يجزاه الجنه حيث انه دلنا والله يدله على كل خير
سطام vip
17/12/2008, 12:48 AM
اخوي المارينز

اول شي موضوعك هذا قبل لا تشتري الكوفيا والله يبارك لك فيه

ويعطيك من خيره ويكفيك شره وعلى العموم هذا موضوع للنقاش

وانا صراحه من دخلت مكشات وانا فيني هبال هههههههههه على القزوز

وخصوصا كوفيا مع اني احب البريموس بس لعد توفرها تابعت الكوفيا

وصراحه ناوي اقتني اغلب موديلاتها لاني من جد معجب فيها وبقوه

ومن ناحيه الدوافير القويه للطبخ والنفخ انا انصح بالدافور العادي

ابو دبه زرقاء لانه مخصصه للطبخ تتحمل او القزوز الي تركب على الدبات العاديه المنزليه بس يعيب عليها كبر حجمها وثقلها بس الواحد خصيم نفسه

اذا عارف انه بيطول في الكشته وبيحتاج لطبخ ونفخ كثير ماله الا ما ذكرت

والله يوفق الجميع واسف على الاطاله
المارينز
17/12/2008, 11:27 AM
ابو فهيدان عز انك صادق

والله اننا ابتشلنا مع كثرة هالدوافير وماتدري وش تاخذو ووش تخلي

----------------------

msamer

هلا بك يابعدي وسرهيد عز الله انه ماقصر ومواضيعه تشهد له ولا يهون ابو مها والجميع

---------------

سطام اي والله كان موضوعي قبل لا اشتري الكوفيا

بس بيض الله وجهك على موضوعك عن الكوفيا هو اللي خلاني اشتريه

وبالنسبه للدبه الزرقا هاذي تبيلها عزبه لحالها
أبو مها
17/12/2008, 12:54 PM
اخي الكريم ما وزن قدرك حتى افيدك

كبر العين وصغر العين ليس له دخل مباشر بقوة الشعلة
يعني فيه عين صغيرة جدا تعطي قوة في الشعلة رهيبة
وكبر العين لها دخل في امور اخرى سنفرد لها موضوع ان شاء الله

تحياتي
ابومها
المارينز
20/12/2008, 04:38 PM
يعني فيه عين صغيرة جدا تعطي قوة في الشعلة رهيبة
وكبر العين لها دخل في امور اخرى سنفرد لها موضوع ان شاء الله


هذا اللي انا ادور عليه يابو مها

فايده كبر العين او صغرها مميزات كل منهما


بانتظار موضوعك الله يجزاك الجنه

مع اجمل تحيه
أبو مها
20/12/2008, 04:53 PM
هذا اللي انا ادور عليه يابو مها


فايده كبر العين او صغرها مميزات كل منهما



بانتظار موضوعك الله يجزاك الجنه



مع اجمل تحيه

ابشر طال عمرك بس يبيلي وقت لاعداد هذا الموضوع بالصور والشرح الكامل
وشكرا لدعوتك الطيبة
احترامي
ابو مها