وش رايكم بهالشال الباكستاني

[مشعل العيسى]

السلام عليكم ورحمة الله وبركاته ...

حياكم الله اخواني الغالي بالمنتدى الغالي ....


الحقيقة انا اشتريت قبل فترة هالشال الباكستاني ولقيته مسكت ... ومن باب ان الواحد يحب لاخيه ما يحب لنفسه قلت افيد اخواني فيه ...

هالشال ينفع لكل شي ينفع تسدح به وينفع تتلحف به وينفع تغي البزارين فيه وينفع لكل حاجة لانه يدفي من جد ...

وانا اقول بعذر هالباكستانيين يستعملونه بكثره ...

وهذي صور الشال ...

واتمنى ان قدمت شي يفيدكم ...

http://www.mekshat.com/pix/upload02/images92/mk12575_3.jpg



http://www.mekshat.com/pix/upload02/images92/mk12575_2.jpg



http://www.mekshat.com/pix/upload02/images92/mk12575_5.jpg



والمعذرة والسموحة على التقصير

[pass2love]

والله وانا اخوك اي شئ يدفيك فهو شئ ممتاز

اغرب شئ لقيته زمان صار معرض وشركه عارضه بطانيه خفيفه جدا من ناحيه الوزن

بس اتحداك تنام تحتها سبحان الله دافيه بشكل غريب

تحيتي

[معارك]

والله من زمان وأنا افكر في هاالشال بس فيه نوع على الافغان شكله وبر طبيعي


يعطيك العافيه على المشاركه

[محمد باحاج]

أنا جاني واحد هدية من باكستان خامته مثل الوبر وعلى خفة وزنه لايمكن تستعمله الا في أشد البرد شال ..عِمامة.. لحاف
ماشاء الله
ولا أدري هل اللي في السوق مثله أو كم أسعارها..

وشكرا لك

[أبو الحارث 4]

صدقت أخوي قد جربته خفيف الوزن لكنه يقوم مقام الفروة،

[العريني1]

هذا يسمونه الباكستانيين والافغان....(بتو) بتشديد التاء..
وموجود في البطحاء ..بالرياض....
شف لك اي واحد من الباكستانيين ..واطلب منه يشتري لك واحد..وعلمه المواصفات ..لانه فيه الشتوي والربيعي..وانا اعرف مجموعه من العمال وما يلبسون في البرد الا مثله..

[عندك يابعدي]

معلومـــــــــــــــــــــــــــــــــة جيدة
وتنبيه
لطــــــــــــــــــــــــيف
وحب
للآخرين وإفادة لـــــــــــــــــــــــــــهم
كم نستفيد
من تجاربك وافكارك وجديدك
بانتظـــــــــــــــــار
الجديد
والمفيد
تقبل مرورمحبك:أبي أسامة

[سوبر152]

http://3ashegaldam3ah.jeeran.com/سلمت%20يداك.gif

[ابو تمام]

الله يجزاك خير بس اخاف البسه وادلخ مثلهم اشوفهم اذا لبسوه يفهون تشوف الواحد مايتحرك

شكرا لك

[ابونواف 999]

اخوي هالشال ممتاز مره في البر انا مجربه من اربع سنين
وماعليه كلام يدفي وخفيف مره

[مشعل العيسى]

اشكرك للجميع تفاعلهم مع الموضوع ....


وبالنسبة لسعره اتوقع انه حدود 120 ريال ... وفيه منه رخيص بس غير جيد ... طبعاً انا شاريه من المحلات اللي يسوون معارض اللي على طريق الملك فهد قبل الخطوط السعودية وانت متجة شمال ...

[مطعوس]

http://3ashegaldam3ah.jeeran.com/سلمت%20يداك.gif

[مشعل العيسى]

اشكرك اخوي مطعوس ...

[ولد سعد]

السلام عليكم ورحمه الله بركاته
والله يأخواني الشال مره حلو بس عندنا مافيه شي زين ولا يجي صوف طبيعي انا سألت عند في البطحاء من تقريبن سنتين وسألت عنه كثير من العمال الباكستانين حتى هم الي يجي معهم ماهو من النوعيه الجيدة لأنه ميلقونها عندنا في السعودية وصراح انا عندي واحد جيبه من باكستان جبه لي عامل شفته معه بس ماشفته على اي باكستاني ثاني صوف اصلي يوم سئلته قلي انا ديرتي قريبه من كشمير ووصيته عليه جابلي 3 انواع كلها صوف بس تختلف في الدرجات الدرجه الاول ناعمه والرسمه حقتها حلوه الدرجه الثانيه اقل نعومه والرسمه اقل حلوه اما االدرجة الثالثة فهي الصوف المستخرج من حياكت الاول و الثاني يعني بعربي بدل مايذب يباع وطبعن هو خشن والرسمه عادية ونسي اقول انهاء كلها صناعه يدويه وانا اصح اي انا الجيبه من باكستان طبعن ان كان يعرفله واحد مضمون وثقة لانه قل سعر اعلا جودة

[الودعانيه]

حلو والله

بعد فيه نقشه وحركات

يعني يصلح لنا


احم احم

من وين اخوي

[YaQot]

مشكور على الموضوع الاكثر من رائع

وبصراحه هالشال يبي يفك ازمة هالبرد ان شاء الله

وودي اشتري واحد مثله

بس انت للاسف ماذكرت وين ينباع و بكم سعره :) :) ؟؟؟؟؟؟؟؟؟

ولك مني اجمل تحيه

[مشعل العيسى]

حلو والله

بعد فيه نقشه وحركات

يعني يصلح لنا


احم احم

من وين اخوي

هلا اختنا الودعانية ...


هذا الشال بيكون موجود في بعض المعارض اللي تقام في مدينة الرياض مثل المعرض المقام حالياً ... في طريق الملك فهد شمالاً قبل هايبر بنده ....

وفقك ربي ....

[مشعل العيسى]

مشكور على الموضوع الاكثر من رائع

وبصراحه هالشال يبي يفك ازمة هالبرد ان شاء الله

وودي اشتري واحد مثله

بس انت للاسف ماذكرت وين ينباع و بكم سعره :) :) ؟؟؟؟؟؟؟؟؟

ولك مني اجمل تحيه




هلا بالغالي

انا ذكرت وين ينباع وبكم سعره .....

عموما... تستاهل من يعيد لك بالنسبة لسعره اتوقع انه حدود 120 ريال ... وفيه منه رخيص بس غير جيد ... طبعاً انا شاريه من المحلات اللي يسوون معارض اللي على طريق الملك فهد قبل الخطوط السعودية وانت متجة شمال ...

ومثل ما قالوا الشباب ... تراه انواع ... خذ النوع الاصلي والثقيل وحتى لو صار سعره شوي غالي ... لانه بصراحة ينفع لكل شي ... في البيت والبر والسيارة ووووو

[ee150]

مشعل هذا اسمه بتو

ممتاز بالحيل عندي منه 2 واحد جديد والثاني استخدمه

الصراحه يدفي لأبعد درجه ولجميع الاستخدامات


اللي يبي الثاني يالله يسوم:d

[مشعل العيسى]

مشعل هذا اسمه بتو

ممتاز بالحيل عندي منه 2 واحد جديد والثاني استخدمه

الصراحه يدفي لأبعد درجه ولجميع الاستخدامات


اللي يبي الثاني يالله يسوم:d


هلا بك اخوي ....

يالله ورنا صورة البتو الثاني اللي ما استعملته وخل نفتح المزاد ... ههههه

وفقك ربي

[غريب حبيب]

كنت ناوي أنزل موضوع عنه

عندي حوال 7 أربعة للقارب وثلاثة للمنزل والطلعات وهو ممتاز جداجدا

وأروع من الرائع في الإعتكاف

وهناك أنواع من الوبر ولكن ينبغي لك أن تطلبها من شخص باكستاني لأنها غالية

[ساقان]

اشتريه دائما من البطحا المحلات الي بطرف سوق الجمله ويبيلك تفر شوي لان انواعه متعدده والسعر مابين ال50 الى ال80 وغالبا صناعته هندي او كشميري وفيه نوع جيد عليه صورة جمل .. ولابغيت تبر بوالدتك اشتر لها واحد

[مكشاتي الجزيرة]

بصراحه انا من زمان نفسي فيه...

انا اشوف الباكستانيين والافغان في عز البرد في اوقات الصباح الاولى يمشون بالشوارع ويعملون وما عليهم الا هذا الشال...

مسكت واحد مره وسالت عنه قال يغنيك عن كثير من ارتداء ملابس كثيرة

سألت الباكستاني من وين تجيبه قالي حنا ما نجيبه الا من باكستان

نبغى واحد يجيب لنا كم شال من هذه الشوال الطيبه

[المقلع 9]

سلمت يمينك على الموضوع ..

[ee150]

هلا بك اخوي ....

يالله ورنا صورة البتو الثاني اللي ما استعملته وخل نفتح المزاد ... ههههه

وفقك ربي

هذي صورته
http://www.4nw.net/get-12-2008-z0mkbjei.JPG (http://www.4nw.net)



وتراه جايني من باكستان موصي واحد اعرفه يجيب لي

وديرة هالرجال كلها ثلوج يعني شتوي100%

جديد لم يستخدم

يالله ياللي تبيه:cool: