سؤال مهم لهل الخبره لو تكرمتو .؟

[NAWAFQ8]

السلام عليكم ورحمة الله وبركاته
سؤالي عن الشنذره ومافي طبعا احد مايعرفه
انا عندي طير واول مره الى هو امس اشنذره
المهم اني حطيت الشناذره بفمه وبالغصب هواش انا وياه وقمت اشرب الطير ماي
وبعدها لبسته البرقع لمدة تقريبن من 5 دقايق ل 10 دقايق
بدى الطير يبي يحذف شي انا من الخوف والراعه فكيت البرقع على طول
اول ماحذف يجماعه حبات شعير وبعدها حذف ماي بس ثقيل وبعدها حذف الشناذره
واخذ تقريبن دقايق وقام الطير يحذف ماي بس ثقيل الماء ومدري وش معه مخلوط
وعقبها بربع ساعه اكلته لحم صافي
هل طريقتي صحيحه ولا انا جبت العيد
وهل الشنذره اكثر من مره للطير تضره ولا لا
واعذروني على الاطاله واتمنى من الاخوان يفيدوني
وسلامتكم

[فارس طيء]

طريقتك سليمة بس لو خليت الطير يرتاح ساعتين او ثلاث قبل العلف ازين ولا تكثر قطيعه صغيره بس واليوم الثاني عشه عادي بس هبره صافيه

تحياتي

[عريان]

طريقتك اخوي غير سليمه
الصحيح انك ماتعطيه ماء الى بعد
مايحذف الشناذرا وينتهى من حذف شبيكاه ولاتعطيه العلف الابعد ساعتين الى ثلاث ويكون العلف هبر مافيه أعضام تكراره عددت مرات تأثر على الطير اتمنى اني افدتك

[مروض الطير]

طريقتك صحيحه
وانا اسويها كل سنه مع طيوري والحمدلله ما شفت اي اضرار على الطيور
بس ريحه من الهدد 3الى4 ايام

[NAWAFQ8]

الله يعطيكم العافيه
والحمدالله الطير احس انه اطيب من قبل

[دلوع الهوى]

يا خوي اول شي طرقتة خطا وكل انسان يخطي وانت مش معصوم عن الغلط بس يا طويل العمر لازم الطير يكون مش ضعيف عديد يعني سمين وبعدين عط الشنذرة الصبح او المغرب علشان الجو بارد ويوم تعطية عطة ماي شوى بس اول مادخل الشنذرة وبعدين برقعة لمدة اربع دقايق او5 ثم عق البرقع ورشة برشاش الماي على وجة شوية بس3مرات تقريبا وانشاء اللة اللة بتوح الشحم وبعد اربع ساعات اذبحلة فري وعطة الصدر بدون العضام ومن بكرة عشا عادى وريحة يومين ودعاة وادعيلىوسموحة

[الخرابي]

لاتعطيه ماء الا بعدها بفتره وحاول تسقيه بشكل مستمر والعلف لا تعطيه على طول واذا اعطيته بعدين عطه صافي وريحه وانا شفت واحد من الشيبان بعد ما شنذر طيره معطيه ثندوه صافيه بس كان غاطها بوسط حليب قبل يعطيه وسألته ليش؟
قال زينه للطير اما الشنذره كم مره توجع الطير.
اتمنى افدتكــ تقبل مروري.

[NAWAFQ8]

السلام عليكم
دلوع الهوى شاكر لك الماشاركه
الخرابي الشكر لك
والله يجماعه انا دعيت الطير اليوم ملواح احس فيه تغير مو طبيعي مشاء الله تبارك الرحمن جاني بسرعه مو طبيعيه وملاعبه على الملواح غير احسن بكثير