المساعد الشخصي الرقمي

مشاهدة النسخة كاملة : لغزز 2009~~[اللغز محلول]~~[صاحب الحل:الزعيم ابو ماجد]


كلمة الدوريات
18/12/2008, 05:08 AM
بنشدك عن رجل يجس الهوى قلبه....وجملة حريمن يكشفن له خفاياهن
تفضيله المكنون من عقب ماتحبه.....ماهو ستير ويكشف اللي بنواياهن


ارجوا حل اللغز...
لانه من نضمي ...ومتعوب عليه
كما ارجوا ان لا يحل بسرعة عشان ما يضيق صدري
ابو ماجد 2
18/12/2008, 05:17 AM
مرحبا فيك وبنضمك
محاوله
عيار الهوى يجس الهواء بالكفرات ويعطنه المكنون من عقب مايحبهن اي يلامس البلف
ويكشف نواياهن اي مقدار الهواء اللي فيهن
تحيتي لك ورمعة تالي ليل لاتشره لي عوده بتمعن اكثر
كلمة الدوريات
18/12/2008, 05:41 AM
رمعة طيبه من رجل طيب..
بس بيني وبينك حست جوي..اللحين قاعد ساعه اركب واوزن واقول الحرف هذا زايد وهذا ناقص , لين ضبط معي ..وقلت لحد يحله بسرعه عشان ما يضيق صدري..يعني المفروض تقول حل اللغز الرادو .. تلف شوي يمين و الا ايسار..مهوب احطه هالحين وبعد خمس ثواني تحله ..الله يهديك صدمتني وجه لوجه ...
لكن بطل يبو ماجد جبتها..
ياخي فيه حاجه ..يا أني غبي مره او انك ذكي مره
الخيال2006
18/12/2008, 06:51 PM
صح لسانك اخوي كلمة الدوريات على اللغز
وبارك الله فيك وفي جهدك واللغز الوارد هو اللي ينحل
وحلات اللغز في حله...وننتظر جديدك الله يعطيك العافية...

وصح لسانك زعيم وعادتك والله جدع اللغز الطيب ماشاء الله عليك
ولك مني اجمل تحية,,,