يوسف الخليفة1
18/12/2008, 09:50 PM
بردن عسى رب المخاليق يجليه=يفغى صليب العظم والثعل بكاه
ينزل على الذريان صلفه مجاريه=يصرد ضعيف الناس لو هو توقاه
مع بادي مسيان بانت مواريه=عزيل منهو بالصحاري تمساه
لو كل جسمك بالفنايل تغطيه=يشق جلدك من قصيه لمبداه
نسم جهنم زمهريرن بدا فيه=زفايرن فيها الغثا والمعاناه
واللي يشب النار سمرن يوقيه=يحس باسدول الدفا يترس حماه
ومن لا تذرا عن هبوبن يوريه=يلقا الكلوفه والتعب صار مجناه
دفاية الكهرب عساها تدفيه=مالك سوا خمتها والا تلزاه
عليك في عرنن من السوق شاريه=وابغث قشاش الرمث حلون تنشاه
اشعل رفيع النار من غصن ناقيه=غصنن نشيفن حامي القيض ضماه
او من غضا عرقن بعيده مساريه=يصعب على الحطاب يجلب من اقصاه
في مشجرن صف الغويلب خطاويه=ونبايث خززها تحدر من اعلاه
متهزع الاهداب باطرف حناويه=ما تاصله عنزن ولا جا له شياه
تلقا الدفا بين النبات ومعاريه=وهميد حطبانن تجاثم حناياه
والا انجع لدون كثيره مذاريه=تلقا بجذيبه طامن الجرف محلاه
تلقا جروم الرمث تملا مداويه=يابس هدبها والروابع تلحاه
لمسى سديل الليل بادنا قواصيه=يبين من مسجون الاضلاع شكواه
يصبح كما القرناس صيده موطيه=ناشب له بشركن والارياح تسفاه
يصافق الجنحان والحال مرديه=من الضحى واثر القوانيص تنصاه
هذي هي الدنيا ما عايش تهنيه=من مبتداها بايناتن رداياه
( يوسف الخليفة )
ينزل على الذريان صلفه مجاريه=يصرد ضعيف الناس لو هو توقاه
مع بادي مسيان بانت مواريه=عزيل منهو بالصحاري تمساه
لو كل جسمك بالفنايل تغطيه=يشق جلدك من قصيه لمبداه
نسم جهنم زمهريرن بدا فيه=زفايرن فيها الغثا والمعاناه
واللي يشب النار سمرن يوقيه=يحس باسدول الدفا يترس حماه
ومن لا تذرا عن هبوبن يوريه=يلقا الكلوفه والتعب صار مجناه
دفاية الكهرب عساها تدفيه=مالك سوا خمتها والا تلزاه
عليك في عرنن من السوق شاريه=وابغث قشاش الرمث حلون تنشاه
اشعل رفيع النار من غصن ناقيه=غصنن نشيفن حامي القيض ضماه
او من غضا عرقن بعيده مساريه=يصعب على الحطاب يجلب من اقصاه
في مشجرن صف الغويلب خطاويه=ونبايث خززها تحدر من اعلاه
متهزع الاهداب باطرف حناويه=ما تاصله عنزن ولا جا له شياه
تلقا الدفا بين النبات ومعاريه=وهميد حطبانن تجاثم حناياه
والا انجع لدون كثيره مذاريه=تلقا بجذيبه طامن الجرف محلاه
تلقا جروم الرمث تملا مداويه=يابس هدبها والروابع تلحاه
لمسى سديل الليل بادنا قواصيه=يبين من مسجون الاضلاع شكواه
يصبح كما القرناس صيده موطيه=ناشب له بشركن والارياح تسفاه
يصافق الجنحان والحال مرديه=من الضحى واثر القوانيص تنصاه
هذي هي الدنيا ما عايش تهنيه=من مبتداها بايناتن رداياه
( يوسف الخليفة )