خيمة الادوات والتجهيزات !!ولا خيمة ..بريموس!!!

[الجندلي]

كل مواضيع الخيمه صارت عن بريموس!!!فيه كم واحد من الاعضاء شكهم يشتغلون على غاز:p (سرهيد ,,وابو مها ,,وغيرهم)والله يا عندي انواع الدوافير ...بريموس ..وكوفيا ...وقزوز...بغيت اشوتهن كلهن واشتري بريموس العنكبوت:D ...خفوا علينا تكفون...تحياتي وتقديري للجميع

[صلهامه]

ههههههههههههههههههههههههه

وانا زودت الدوافير بدافور كولمان

شكلنا نبى نقلبها مطبخ بخارى

[مشعل العيسى]

كل مواضيع الخيمه صارت عن بريموس!!!فيه كم واحد من الاعضاء شكهم يشتغلون على غاز:p (سرهيد ,,وابو مها ,,وغيرهم)والله يا عندي انواع الدوافير ...بريموس ..وكوفيا ...وقزوز...بغيت اشوتهن كلهن واشتري بريموس العنكبوت:D ...خفوا علينا تكفون...تحياتي وتقديري للجميع


حلوه حلوه ....

من جد انا مثلك ... انا كرهت شي اسمه دافور ...

ترى الدعوى مزح x مزح ...

[ابوعابد2500]

فيه كم واحد من الاعضاء شكهم يشتغلون على غاز:p (سرهيد ,,وابو مها ,,وغيرهم)

ههههههههههههههههههههههههههههههههههههههه

سرهيد هذا مفروغ منه يشتغل على دبه 10 رطل

[المنفلوطي]

,’

يله ورنا مواضيعك ياطير البر ..

هذا الميدان ..

[مشعل العيسى]

يالربع ... ترى الدعوى مزح ...

[موادع 1]

حلوة يشتغلون على غاز
جازت لي مررررررررره

[ارتست]

اتمنى التنويع كما كنا نشاهد سابقاً في هذه الخيمة الجميلة

[ضحية بيشة]

شكل العدوى بتنتقل لباقي الاقسام وبيكتبون شعر في بريموس بخيمة الشعر وبيطبخون طبخات خاصة بالبريموس

بقسم الطبخات وبيرهمون سيارات على بريموس بقسم السيارات وبيتوقعون يتغير الجو اذا اشتغل اكثر من بريموس بالبلد

وبيطلع نجم اسمه بريموس بخيمة الفلك وبيقلب منتدى مكشات بن بريموس الاستوني

اهزر ياقماعه محدش ياخد بخاطرو مني يعني حبيت اتغشمر وياكم يالربع والله يرزقكم جميع

[مشعل العيسى]

شكل العدوى بتنتقل لباقي الاقسام وبيكتبون شعر في بريموس بخيمة الشعر وبيطبخون طبخات خاصة بالبريموس

بقسم الطبخات وبيرهمون سيارات على بريموس بقسم السيارات وبيتوقعون يتغير الجو اذا اشتغل اكثر من بريموس بالبلد

وبيطلع نجم اسمه بريموس بخيمة الفلك وبيقلب منتدى مكشات بن بريموس الاستوني

اهزر ياقماعه محدش ياخد بخاطرو مني يعني حبيت اتغشمر وياكم يالربع والله يرزقكم جميع


حلوه .........اخيي الحقيقة تعليقك هذا يحتاج موضوع بالحاله ... وفقك ربي لكل خير ...

[ولد وايل]

كنك قاري افكاري اليوم بالمخيم انا وابورشيد والشباب عن الموضوع

[ثقيل الرجلين]

يالربع من اهم الادوات هو اداة الطبخ

كم واحد فيكم بلشان بكبر الدبه والقز ويبي يصغر عزبة قد مايقدر

انا بالنسبه لي عندي دوافير ولا كنت مقتنع في ذا العصيفيرات انها بتنضج غدوه في قدر ضغط عشره لتر
لكن الفضل لله ثم للاخوان اقتنعت

وبالمعلومات اللي كتبوها طلبت واحد عن طريق النت والله يستر ويوصل بالسلامه :d

الحين عزبتي ما هنا اخف منها خيمة القاضي مبيت 2*3 والدباب بمنتخلص منها

باقي القدور والله ياشفت قدور وشغلات طبخ في النت تخليك تعشق صندوق عزبتك لكن مشكلتي الوزن لان الشحن من برى الى هنا يعتمد على الوزن

الا وش رايكم نقلب من المواتر ونكشت على رجلينا ونحط شنط على الظهر واذا تخاوينا كل واحد يبوبز له في قرنه ويطلع قوطي فصوليا ويحطه على قزيزه اللي كبر الولاعه ويدبها فاصوليا

الى متى وانتو معذبين الخرفان :d

[ابوفهيدان]

سرهيد لو يلقا موتر صناعته بريموس شراه

[ثقيل الرجلين]

يالربع وشفيكم على سريهيد تراه القائد العام لمقتني منتجات بريمس

<------- قزه مابعد وصل ولزق للعالم

المهم ترى احنا يا اهل بريمس لنا ستايل معين ورجاء حاولو انكم تكشتون في محلات بعيد عنا انتو دبابكم اللي كل وحده تبي موتر بالحالها لانكم تؤذون مشاعرنا

هههههههههههههههههههههههههههههه

[rescol]

هههههههههه

يارجال الله يهني كل هواوي ويسعده بدنياه وتجيه على مايشتهي

العلة لو انهم يحرمون انفسهم

وحلوة منك هالكفشة

[برق و سحاب]

جتني رساله من شركة بريمس السويديه يقولون فيها بيغيرون اسم الشركه الى ( بريمس الساحات العربيه):D
وبيبدون التصنيع في الأستراحه المذكوره :j

من جد جاني حرقان من الدوافير وطاريها

[الضاحي]

برررررررررررررررريموس

الله لا يخلينا وبس

[محب الفتك]

الله يخلي لنا سرهيد بس
ما عرفنا بريموس إلا منه
وما عرفنا مميزاته إلا منه
وما حرك هالخيمة إلا هو وأصحاب البريموس معه
عز الله إنه ما قصر
وقاعدين تنكتون عليه
الله يهديكم بس
وأنا أقترح يصير فيه قسم في نفس الخيمة ، للقزوز والدوافير .

[ford]

هههههههه الرجال قال وش في الخيمه قلبت مواضيعها بريموس ومعه حق وهذا رايه ونحترمه وايضا اللي بيكتب عن بريموس والقزوز ويطرح رايه للفائده بالعكس نشكره علي المعلومه القيمه اللي يقدمها
لكن تقلبون علي المبدع سرهيد لا ياخوان الرجال ماقصر وانا عن نفسي والله مالحق جزاه الله يجزاه خير وانا داري ان الدعوه مزح بس يعني قدرو تعب الرجال والله ثم والله مهوب ملزوم فينا .


شكرا سرهيد

[عبدالعزيز53]

ما اشتغلت البريموس الا بعد مجيئ وكيل كوفيا للمنتدى ...



تحياتي....

[برق و سحاب]

صرت اشك ان سرهيد اسمه الحقيقي سرهيد بادحمان

[مدور المطر]

قدروا الرجال و تعبه لكم!!
ياخي لو بس رفع الصور !!!
انا اتعذب عشان ارفع التوقيع حقي و الرجال جزاه الله خير و يعافيه يرفع حوالي 10 لكل موضوع و انت قاعد تطنز فيه !!
والله موب مكلوف فيكم عشان ينزل لكم مواضيع و يرفع صور ويكلم وكلاء و ...و....و إلخ!!!
رجال كبر ابوك و تطنز عليه ؟؟!!!
والله عيب عليكم قدروا الرجال قاعد يشري بدراهمه و يختبر و ينزل مواضيع !!
صحيح الدعوى مزح بس تراكم طولتوها واجد
كل واحد قاعد يتطنز ولا هوب فالح الا بالطنزة واللي صادز ينزل مواضيع زيه!!

[rashid55]

اقول البريموس ولا بلاش يازينها على البحر وانت اتفوح القباقب
هذا اذا عرفتوا وش هي القباقب
اقترح ان يكون فيه جناح خاص للبريموس خفيف الظل الي فكنا
من دبة الغاز والقز ابو مركبين
انا حا ط على النيسان سفاري صورة بريموس على القزازه الخلفية
من حبي لها وش رايكم

[منتعش]

حي الله الجميع - كلن بأسمه -
الرجاء عدم ذكر الأسماء والأستهزاء والسخرية
وهذا المنتدى أعلى من ألفاظ بعض الأعضاء
فالرجاء التقيد بالشروط المطلوبة

[دغيم1]

السلام عليكم ورحمة الله وبركاته
أسعد الله أوقاتكم بكل خير
لاشك أن كاتب الموضوع لم يكن في قرارة نفسه أن يكون متهكما أو مستهزاء بأخينا الكريم
سرهيد ( أبو عبد الله ) ولكن ذلك من باب الطرافة وتغيير الجو .
ولكن يجب أن لانترك مجالا لبعض النفوس أن تتهكم على رجل عمل جاهدا على خدمة أحبابه أعضاء هذا الصرح العالمي .
وأنا هنا لست أقف محاميا عنه ..... بل عن كل منتسب لهذا المنتدى الغالي على الجميع ..وعن كل من قدم يسيرا او كثيرا من وقته وجهده وماله .
ويكفي من أخي أبو عبد الله ...( وهذا كلام سمعته مباشرة منه )
أنه يعمل لوجه الله أولا .. ثم رد الجميل لهذا المنتدى الذي أعطاه الكثير ولم يقدم له إلا القليل .
وبدعوات زملاءه الأعضاء كانت دعما له لتقديم مايستطيع أن يبذله .
عوضا عن ذلك فإن مايكتب عن ( بريموس ) لايشكل نسبة كبيرة في المواضبع الجميلة التي تطرح في هذه الخيمة المباركة .
والتي أرتقت بمن يتواجد فيها إلى درجات عالية في الوعي والثقافة بأدوات الرحلات ،
بل تسارع الأعضاء في طرح ماهو مفيد لإخوانهم طمعا في الأجر من الله بدعوة في ظهر الغيب .
( صنائع المعروف تقي مصارع السوء )
أضف إلى ذلك أن بعض المواضيع التي تتحدث عن دافور بريموس يتطرق في ثناياها عن أمور كثيرة
كان لها أثر وفائدة .
آمل أن يكون دوما حديثا ذو فائدة مرجوة يعود علينا بما ينفعنا دنيا وآخرة
شاكرا للجميع تواصلهم وعطاءهم الا محدود في خدمة بعضهم البعض
وهذا ماعهدناه في أعضاء هذا الصرح العالمي
الذي جمعنا على الحب في الله
وحب هذه الهواية المفيدة والجميلة
تقبلوا تحياتي وشكري
محبكم
دغيم 1

[مقلع الرمث]

انا اتوقع ان صاحب الموضوع تعجل قليلا في صياغه الكلام