يا الصقاقير فيدوني

[عبدالله22]

السلام عليكم ورحمة الله وبركاته



اخواني حياكم الله ارحبو يا رياجيل


في البداية غالبا ما ترتبط الصقره بقوة القلب أي لا يوجد صقار الا وهو ما يرحم الحمام والسمان


يعني أنا قد شفت صقار يبح الحمامه بسكين ام ريالين اللي تجي لون ابيض ولها لون ثاني اسوود يعني يعذب الحمامة


والامثلة كثيره وكلن عنده خير


انا قدر الله علي وضاعة لي شيهانة بحريه مثلوثه في خريم :D والحمد لله على كل حال


ملواح ولوحت


دعي ودعيته


درت على خريم


لكن الله أقوى


المهم قلت لازم اعد العده فراس شكله تنكر مررره


المهم شريت لي سمانه وحمامة


وشبكه وثقاله وعدة الطرح وصرت زي الصقر اتلفت يمين ويسار


حتى براحة بيتنا ادور عليها ادور صقر اطرحه :D


المهم يا الربع


الحمامه جيت بنتف ريش من جناحها علشان لو لقيت الطير ما تبعد :D المهم جيت للموس ونتفته وجيت للنايفه ونتفتها


وقام يصب من جناح الحمامه دم المشكله ما دريت الا وأنا منتف كم ريشه من كل جناح


ويشهد الله ضاق صدري عليها :o :rolleyes:


المهم وأا انتف الريش الحمامه تنوووح


عاااااااااد قلت اليوم جمعه وكل مخلوقات الله تسبح الله قلت بجازيها وافكها تاخذ راحتها وتسبح الله


و اعتقتها لوجه الله


بس يا الربع الحين الحمام كله اذا نتفته قام ريشه يصب دم ؟؟؟؟



ولا حمامتي الحلوه بس ؟؟؟؟؟؟؟؟


آسف على الاطالة وخفة الدم :j

[ssqar]

يا اخوي قو قلبك شوي

بعدين انت لا تنتف الموس والنايفة لان قوية وماسكه بالجناح واذا نتفته بتتأذى المقرودة
انتف الريش اللي داخل وخل الموس والنيفة والثالثه

واذا ماره خايف على حالتها النفسية قص ريشها بمقص

[عبدالله22]

ههههههههه

لا والله أنا عادي أنا قصاب العايله في الاعياد وفي البراااااان يا كم خروف وارنب كانت نهايتهم على يد شفرة سكيني

بس ما احب اذبح الا بحق ولا احب اووذي لساعة صدر أو غشامة

[@قرناص@]

..

اتوقع ان نتفك مآيل او فيه شيئ

لآن آي حركه غلط تؤدي الا نزيف الدم

ولآكن آنصحك بـ نتف الريش الرآب وتحت وليس الموس والنايفه..

وبآلتوفيق

..

[987]

مثل ما قال الاخوان

[ابرق آلريش]

الموس والنايفه تصب دم وعندي انا بعد

[حر الشمال]

كفو ووفو الاخوان

[خيال وبروق]

قالها ssqar قصها بمقص لاكن المشكله لوكتب لها الله عمر فماهو ضاهر لها ريش لكن انا افضل تلزق لزاق بصيط وتنتهي المشكله

[alkreze]

انا كنت اربي حمااام وبدآآل ما أنتف الجناح اتيبه >> اللزقه بشطرطون = لزقها

واذا بغيت تفكها فك الشطرطون عنها وكذا ما كن صااار شي