تنبيه الى جميع الكشاته في الحدود الشماليه( قصة حدثت يوم الخميس20/12/1429)

[ابوعابد2500]

السلام عليكم ورحمة الله وبركاته






هذه قصة حصلت لاحد الزملاء حدثني بها قبل قليل كنت اخذ منه علوم الكشته وش صار ووش ماصار

خوينا هذا الله يسلمكم كشت صوب (( شعبة نصاب )) الخميس الماضي هو وواحد من اخوياه

يقول وصلنا الى شعبة نصاب

حول العصر يقول تمشينا العصر كله حول الشعبه واثناء التمشيه حصلنا مكان طيب (( للمبيت ))

يقول وانا احدث المكان بالقارمن ورجعت صوب الشعبه اخذت اغراض العشاء والفطور لليوم الثاني

ورجعت للمكان اللي حددته يعني على كلامه بعد صلاة المغرب بنص ساعه وصل الموقع

يقول شبينا النار (( ودله وبرادي )) وعلوم طيبه طبعا ما كان معاهم الا رواق فقط ما معهم خيمه

وبعد ما جلسنا تقريبا اقل من ساعه الا الجيب السفاري جانا ناصينا ويكشح علينا النور العالي

تقريبا يقول اقل من 80 متر الزبده انه شافهم وعرف ان عددهم اثنين فقط وهم شافوه وعرفو ان السياره

جيب سفاري يقول خوي انا نغزني قلبي من راع الجيب وشكيت بالامر

المهم يقول نمنا حول الساعه 10 تعبانين من الفجر صاحين ما نمنا وحول الساعه 10.30 الا الرجال اللي

يصوت واقوم عليه انا وخويي ونرد الصوت هلا ومن انت يقول ما ندري انس والا جن من وين طلع

لنا هالبليه وانقز واشغل اللمبه واشغل السياره واخذ السكين كنت حاطه بجيب باب السواق

ونجلس ونشب ضونا ومع السوالف طلع الرجال عراقي شيعي يقول عاد جلسنا على هالحال حول

ساعه الا ربع وبعدها استاذنتهم وقلت انا ابي انام تعبان ابيه يحس ويقوم مار طلع نشبه قال ابي انام عندكم

يقول مابغينا نطرده او من هالقيبل ونعطيه احد البشوت اللي معنا وتغطى فيه وخلى فتحه على عيونه

يبي يراقب الوضع اخذو على هالحال نص ساعه وبعدها غمز خوينا لرفيقه وفهم الوضع انه لازم نمشي الان

وهم يكلمونه ان الوضع برد وما يحتمل انهم يجلسون اكثر من كذا تقريبا كانت درجة الحراره

1 او 2 فوق الصفر يقول واشغل الموتر وخلال 3 دقيايق اغراضنا بالسياره وننزل عنده اغراض الفطور

والحطب اللي معانا كله وفرشه خليناها عنده وناخذ بشتنا منه ووينك ياشعبة نصاب

تقريبا عنهم من 10 الى 15 كيلو وندخلها ونحصل فيها مسجد مفتوح وننزل فرش النوم ودقها نومه

الى صلاة الفجر وبعد ماصلينا الفجر وعينا من الله خير واشرقت الشمس قال لخوينا نرجع نشوف مكانا

اللي جلسنا فيه امس وطبعا هم محددين الموقع بالقارمن يقول يوم وصلنا المكان

الا فيه جرة كفرات بالون والظاهر انها كفرات الجيب اللي شافوه اول الليل عند مكان شبة النار

واغراض الفطور بالكيس ما فكها والحطب ما خذ منه شوي فقط

يقول حمدت الله اننا ما كملنا نومنا بالمكان والا لا سمح الله يمكن يصير لنا شي والا حاجه

ولا معانا سلاح

هذه القصه انقلها لكم من صاحبي اللي حصلت معاه القصه للعبره واخذ الحيطه والحذر

بارك الله فيكم وفي رعاية الله

اخوكم ابوعابد2500

[justscience]

جزاك الله خير والحذر واجب

[راعي الطلعات]

الله يجزاك خير ياخوك هالعارقيين من زمان وهم ينحاشون من العراق وتشوفهم بالصمان ومن شمال المملكه والي متوفي والي دافن عمره تحت الرمل تحسبه ميت وهو يقصد بها يتخفى من الناس الين يوصل الرياض ويدور له شغل ولا الشغله المشهوره الي هي السرقه والنهب والقتل حمانا الله منهم ومن امثالهم

ومشكوور على القصه

[النوء]

الحمد على سلامتهم الله ستر عليهم

ونصيحه للجميع لا للكشته بدون السلاح المصرح

وقانا الله وإياكم من كل شر

[سطام vip]

لاحول ولا قوة الا بالله العلي العظيم

والحمد لله على سلامتهم

والحذر واجب اخوي

وعيال الحرام واجد

الف شكر لك اخوي ودمت بحفظ المولى

[northstar46]

جزاك الله خير لون ان الموضوع مبالغ فيه جدا ويثير التساؤل فكيف عرفوا انه شيعي وكيف عرفوا انه صاحب الجيب الخ الخ واسمح لي خويك وخويه قلوبهم مفضوخه

[ابوعابد2500]

جزاك الله خير لون ان الموضوع مبالغ فيه جدا ويثير التساؤل فكيف عرفوا انه شيعي وكيف عرفوا انه صاحب الجيب الخ الخ واسمح لي خويك وخويه قلوبهم مفضوخه


اما من ناحية انه شيعي من السوالف واخذ وعطى عرفو انه شيعي ولعلي اخذ منه التفاصيل

اما من ناحية الجيب فجزما انهم توقعو ان راعي السفاري تابع له لان جرة الكفرات عند مكانهم

كانت جرة كفرات بالون

اما من ناحية قلوبهم مفضوخه تخيل انك بهالموقف ولا سلاح معاك ولا شي وش راح تسوي

عطنا الحل بارك الله فيك

[راعي الفقي]

الله يحمانا وياكم من كل مكروه
لابد ان الكواشيت في مثل هذه المناطق ان ياخذ الحيطه والحذر من سلاح وتحري الاماكن الامنه للمبيت

[بوعوف المناعي]

الله حفضكم اخذ الحذر واجب والله يحفضكم

[الصخري - تبوك]

الله يستر على المسلمين .. عيال الحرام واجد انتبهو منهم .. وكل واحد يحط سلاحه
بسيارته ترى الدنيا مهي امان !!

الله يستر

[زيزو الشمالي]

الله يجزاك الف خير على التنبيه والحذر

[ابو الشباب3]

جزاك الله خير على التنبيه والحمدالله على السلامه والعافيه ياليت كل الشباب ينتبهون لبعض الناس الي ينشدون عن مكان مجهول واخذ الحذر لانهم يبغون يشوفون الاشخاص هل هم شقرديه او رخوم من هيئة الاشخاص

[مخاوي الذيابه]

الحمد لله على سلامتكم ...

وبيض الله وجهك على التنبية ...

[altheeeb79]

جزاك الله خير لون ان الموضوع مبالغ فيه جدا ويثير التساؤل فكيف عرفوا انه شيعي وكيف عرفوا انه صاحب الجيب الخ الخ واسمح لي خويك وخويه قلوبهم مفضوخه




بلاك ياعزيزي مامريت بهالموقف0 هو الموضوع ماهو موضوع خوف من الاشخاص اللي جايين0 لكن الموضوع تحكيم العقل وحسن إستخدامه وإجتناب شرهم قدر المستطاع وإلا ومالك ومال ذبحة رجال وأنت عندك مجال تتجنبه وشره0

[ابو احمد 2]

الحمدلله على السلامه اذا كنت قريب من الحدود العراقيه لازم تنام نوم الذيب ولا شد عند بن سعود في النوم والتمشي عند العراق والف شكر والحمدلله على السلامه

[ابوتركي666]

الحمد لله على السلامه
والواحد ماودك يطلع إلى معه سلاح اقل الأوحوال وقبل كل شيء الورد يحفظك من كل شر وكثير من الناس يتهاونون به وانت في البر خاصه لانك فاضي مانت مشغول اقراءالورد صباح ومساء
والله يحفظنا وياكم من كل شر ومن كل من به شر

[أبومنصور]

الحمد لله على سلامتهم
وهناك سؤال واحد يالغالي
طاما انه غير سعودي بغض النظر عنه شيعي او بوذي
وطاب عليهم باليل وهم واثقين انه قاطع طريق
ليش ما ربطوه ويسلمونه لأقرب مركز
واعتقد ان هذا التصرف الصحيح
لانه اذا ما ضرك بيضر غيرك
ومعروفين الحنشل اللي بالشمال
(طبعاً بعد التأكد من انه متسلل للبلد )
ولا تأمن فممكن يكون سعودي وقاطع طريق ايضاَ

[المملوح]

عراقي وشيعي كملت الموت جاكم بس فككم الله

اخواني السلاح ضروري جداا والله العظيم

[عبدالرحمن 11]

الله يجزاك خيرررررررر
ومشكوووورعلى النصيحه وهذا درس الواحد
يستفيد منه ان شاء الله.
تقبل مروري

[الشاهين2004]

مشكوووووووور على النصيحه

[سيف الظفير]

يا الذيب الحمد لله على سلامتهم ويجب وجود رشاش مرخص مذخر بالجيب عند الكشتة

[العيسمود]

مشكووووور الله يجزاك خير

[rooco]

الله ستـر عليهـم ، لكن يا أخواان ، والكـلاام للجميع

حنـاا ليش دايم متسآهلين مع هالاشكـاال ،،؟ يعني هاالرافضـي والا غيـرره ، المفروض يوم إن الواحد يلقى قآطع طريق والا واحد دآخل بطريقة غيـر نظآمية ،، يربطـه ويـوديه لأقرب مركز شرطـه ،، ويبـري ذمتـه ويفك النـاس من شـره

والله يا أخواان ،، إن خطـرهم ومشآكلهم اكثـر من نفعهم لبلدنـا ،، دايم نسمع عن السرقـات ،، وحالات الاغتصـاب والقتـل...إلخ ،،كلـه من هالاشكـاال ،، وهذا بلدنـا ،،

واقل شي نسويه ،، إن الواحد ياخذ معـه (حبل) بـ 5 ريآل ،، ويربط له كم واحد من هاللي يجـون تهريب ،، ههههههه ،، والله إني صـاادز

تخيل انا وانت والثاني والثـاالث..إلخ ،، فكوا النـااس من شر هذولاا.؟

صدقني البلـد راح يأمن وينظـف


وآسف جدًا جدًا ع الاطـااله ،، لكن والله من الحمـااس تأثرت

[Mohammad]

الحمد لله على السلامه وجزاكم الله خير على التنبيه يا ابطال..ودك يكون كتفوه وعلى اقرب مركز لكن تقدير الموقف هو الحكم

[أبوالطيب]

بلاك ياعزيزي مامريت بهالموقف0 هو الموضوع ماهو موضوع خوف من الاشخاص اللي جايين0 لكن الموضوع تحكيم العقل وحسن إستخدامه وإجتناب شرهم قدر المستطاع وإلا ومالك ومال ذبحة رجال وأنت عندك مجال تتجنبه وشره0

كلامك عين العقل بارك الله فيك
------------------

الحمد لله على سلامة الاخوان


ودعاء المنزل والورد شيء مهم جدا

[ابوريناد1979]

اولا حمدالله عالسلامه
ثانيا : بالنسبه للأخوان اللي يقولون لازم سلاااح ، صعبه كل ماطلعنا ناخذ سلاح معنا ،، والحكومه عقدتنا بها التصاريح مره يفكونها ومره يوقفونها وحنا ضعنا بالطوشه.(مانبي ندخل بتفاصيل هالموضوع)
>>> اللي توصلت له برأي الشخصي اقل من 4 أشخاص وسيارتين لاتطلع والنار خلوها شابه طوال الليل او لاتروح مكان بعيد ، والله لايتكلنا على انفسنا .
والبر ماناب تاركينه لو فيه مذابح :p
وسلامتكم

[العقله]

الله يجزاك خير والله يحمنا جميعا

[المغرز]

الحمد الله على السلامه
والقصه فيها العبره والفايده
مشكور وتقبل تحياتي

[حائلي 5]

لاحول ولا قوة الا بالله العلي العظيم

والحمد لله على سلامتهم

[أبو مها]

شكرا وجزاك الله خير

[ابوعابد2500]

اشكر جميع من مر وعلق على الموضوع

وفعلا في هذه المواقف لابد من اتخاذ قرار سريع يجنبك ما هو اعظم

[مكتف الغزلان]

الله يجزاك خير

واسمحلي انا بعد اضيف

قبل كم سنة كنا كاشتين حول رفحاء ومادرينا الا وهذاك الرجاليين جايين

للا حظ انهم يدخلون على طول لانهم يدرون اننا شعب طيب ولا نعرف الخبث ابد

المهم قلطو وقالو انهم جوعانين ولهم يومين مااكلو شي ؟

المهم معانا واحد الله يجزاة خير من يوم ماوصلو وهو شك بالموضوع ويقول انه وراهم بلا؟

الصراحة حاولنا حنا ان نقولهم تعوض من ابليس هذولا مساكين؟

المهم انه ماارتاح لين خلصو عشاهم من الي موجود من معلبات

صدقوني هذا الي صار يارجال، يوم خلصو عشاء قال لهم خوينا

توكلو على الله يالله قومو ؟

المهم مشو هم وخوينا قرر نتبادل الحراسة بيننا

المهم ماننام كلنا وقت واحد لين الصبح وطلعنا من المكان كلة ؟

تحياتي للجميع

مكتف الغزلان

[الطرفاوي@]

بارك الله فيك والحذر لازم ولاكن ان اسمح لشخص ان يبقى عندي وانا لااعرف عنة شي فمستحيل ولاكن اقول انا اوصلك لاقرب مكان وافتك منة

[سليمان 10]

الموضوع يلزم النقاش للاهيميته 0ولو هالشيعي اوغيره مالقى من يلفيه مادخل المملكه لكن حسبنا الله على من خان بلده 000

[ابوعابد2500]

الله يجزاك خير

واسمحلي انا بعد اضيف

قبل كم سنة كنا كاشتين حول رفحاء ومادرينا الا وهذاك الرجاليين جايين

للا حظ انهم يدخلون على طول لانهم يدرون اننا شعب طيب ولا نعرف الخبث ابد

المهم قلطو وقالو انهم جوعانين ولهم يومين مااكلو شي ؟

المهم معانا واحد الله يجزاة خير من يوم ماوصلو وهو شك بالموضوع ويقول انه وراهم بلا؟

الصراحة حاولنا حنا ان نقولهم تعوض من ابليس هذولا مساكين؟

المهم انه ماارتاح لين خلصو عشاهم من الي موجود من معلبات

صدقوني هذا الي صار يارجال، يوم خلصو عشاء قال لهم خوينا

توكلو على الله يالله قومو ؟

المهم مشو هم وخوينا قرر نتبادل الحراسة بيننا

المهم ماننام كلنا وقت واحد لين الصبح وطلعنا من المكان كلة ؟

تحياتي للجميع

مكتف الغزلان
فعلا يا اخي الكريم الرجال خش على طول تقول انه يعرفهم من سنيييين

[الوافي2006]

الحمدلله على السلامه0وكان تصرف موفق منكم لان هؤلاء اصحاب سوابق

[ولهان الصمان]

فعلاً المكان خطير المبيت فيه لأن العراقيين يتسللون ليلاً الله يكفينا شرهم

[مريقب العيفار]

الله يجزاك خير

وفعلا الحذر مطلوب

والجيب السفاري ما شغل العالي عليهم الا لسبب

نسأل الله ان يحينا وجميع المسلمين

وان يكفينا شر من به شر

[قناص الطير]

الله يكفينا الشر وماقصرت على التنبيه .

[حق الفيتو]

الحمد لله على سلامتهم



والشيعه مالهم امان

[راعي ساموده]

جزاك الله خير اخوي صاحب الموضوع وخويك خياره ممتاز ويدل انه انسان يوزن الامور .

وحنا كشعب لازم نفرق بين الطيبه والسذاجه,,,,,
دائما لاتثق , وبنفس الوقت لا تخون الناس اللي جايينك وماتعرفهم.
لاتصير مرتبش وسواليفك واجد وتعطيهم اللي عندك, خلك راكد ولاتاخذ وتعطي معهم كثير ودائما خلهم يحسون انكم واجد وان ربعك الثانيين بالطريق, والسلاح خصوصا الكلاش يعجبك بهالمواقف الله لايحوجنا .

[مكشات 88]

اولاااا الحمد لله على سلامتكم ..

وتصرف الشباب اعتقد تصرف ممتااز وذكي ولكن اشوف انك تطلع البر بدون سلاح غلطان

[شقاوي بر]

جميل تنبيهك وهذا اعتبره من النصح لخوانك بارك الله فيك والواحد منا لازم يكون ذيب في البر لا يتساهل لين يوقع الفاس بالراس
والي يتكلم من تحت البطانيه في بيته ويقول انهم خوافين الله اعلم وش يبي سوي لو مر بالموقف نفسه ؟؟؟ الله اعلم لكن كلام ...... يمحيه......
وعموما حمدلله على سلامة خوياك

[برق و سحاب]

البر وبرنا والأرض ارضنا وحنا مانستغني عن البر وهو مكاننا ومتنفسنا لذلك هم اللي جاين في المكان الغلط والمفروض انه اذا جاء قله اها وش تبي انجز واذا هو جوعان عطه شي ياكله وينقلع وانت خطط عليه انك تتغدى فيه قبل يتعشى فيك وشلحه والا اربطه عندك الى انك تصبح وعقب ذا كله فكه وخله يقطع لك بصل ويغسل صحونك ويشب ضوك واخر شي خذه معك لأقرب نقطه تفتيش وبلغ عنه.
الا ورا مانسوي عليهم سبلكس خلفي وحنا اللي ندورهم ونلفي عليهم ونهبل بهم

[ابومحمد111]

جزاك الله خير والحذر واجب

[22LR]

ألسلام عليكم يا شباب,
أحسنتم ألتصرف. لدي بعض ألملاحظات:
- تفادي ألخروج للبر بسياره فرديه و صحبة ألرجال
- ألسلاح ليسا لتخويف, أسلاح ما يطلع الا لمسألة حياة أو موت (أكيد مرخص)
- عدم ألتهجم على الدخيل لمحولة ربطه (حتى لو كنتو اثنين) قد يكون مسلح و أكيد لديه خبره و تنقلب ألمسأله عليك
- استخدام وسائل ألأتصال (ثريه + أيكوم + جوال) و ألأبلاغ عن ألدخبل بموهصفات و احداثيا ألموقع, بهذا ألشكل يتم أتعرف على تحركاتهم فيسهل ألقبض عليهم. و معرفة مداخلهم و وجهتهم
- ألمعوذات و ألتحصين و ألدعاء
- حسن ألخلق و الكرم (بحذر)

أبو عبدألعزيز (22lr)

[وليد96]

الحمدلله على سلامتهم

[خلف الشمري]

اسمحو لي اقول ان خويك طقوع امسح ليش يطلع للبر وهو ماهو كفو للبر بس والله عيب يخلون ضيفهم بالبر وينحاشون والمصيبه اخذو البشت منه مادامهم ماهم كفو للخوه ليش يرحبون فيه من البدايه والله لو طردوه من البدايه كان اصرف لهم ياخي موضوعك مايستدعي هذا العنوان لعن ابو حيكم رميتو المرجله بسبب خيالاات باطله مادم عقولكم بهذه الدرجه انصحكم لاتطلعون للبر حدكم الراشد والمجمعات التجاريه لاتطلعون مره ثانيه يمكن تتعرضون الى عقارب او ديبان او سيل او قطاعه طرق او ذيب او حصني او عراقي هههههههههه

انا من وجهة نظري الخاصه الي مثل خويك افضل له لايطلع للبر حضن امه افضله من البر وبلاوايه والي ماهو قد المصاعب لايجازف انصح خويك لايطلع غير الضحى ويرجع قبل غياب الشمس ويكون البر قريب من ابراج الجوال سبحان الله يجيه عراقي شيعي او سني علشان يتصل وانصحه لايشيل معه سلاح حيث ان السلاح يبي قلب جامد يعرف متى يستخدمه ويجب ان يكون هناك سبب وجيه لستخدامه ترى سلاحه يمكن يكون نقمه عليه وبعدين منطقه الشعبه من حفر الباطن حنى عرعر لايمكن في الوقت الحاضر ان سياره تدخل من نلك المنطقه لوجود عقوم نرابيه وخنادق حفر عميقه بعد كل عق وهناك اكثر من عقم صدقني الي شافه خويك من داخل السعوديه من اهل الجنسيه السعوديه الثانيه وهو ضيف عليكم بس انتم ماتعرفون الضيف من قطاع الطرق الله يخلف عليكم واسنغرب من جميع من رد عليكم وقال ان تصرفكم سليم ياخي والله عيب كل شخص يسير علينا في البرنهرب ونخليه ونقول عليه حرامي وقطاع طرق مايمنع اذا اشتكيت في اي شخص من طلب هويته اذا سمح لك اوكيه واذا رفض مايمنع مصارحته انك تشك في واضعه بس على شرط ان هناك دافع لشكك ماهو اي شخص يضيفك تطلب هويته مع العلم ان منطقه حفر الباطن يوجد بها الكثير من السعوديين من اصول عراقيه تم تجنيسهم قبل ثلاث سنوات فهم مواطنين ويمكن ضيفكم منهم مع السلامه

[عاشق النوق]

حسبي الله عليهم الحقد بلغ منهم مبلغه

[ابوعابد2500]

اسمحو لي اقول ان خويك طقوع امسح ليش يطلع للبر وهو ماهو كفو للبر بس والله عيب يخلون ضيفهم بالبر وينحاشون والمصيبه اخذو البشت منه مادامهم ماهم كفو للخوه ليش يرحبون فيه من البدايه والله لو طردوه من البدايه كان اصرف لهم ياخي موضوعك مايستدعي هذا العنوان لعن ابو حيكم رميتو المرجله بسبب خيالاات باطله مادم عقولكم بهذه الدرجه انصحكم لاتطلعون للبر حدكم الراشد والمجمعات التجاريه لاتطلعون مره ثانيه يمكن تتعرضون الى عقارب او ديبان او سيل او قطاعه طرق او ذيب او حصني او عراقي هههههههههه

انا من وجهة نظري الخاصه الي مثل خويك افضل له لايطلع للبر حضن امه افضله من البر وبلاوايه والي ماهو قد المصاعب لايجازف انصح خويك لايطلع غير الضحى ويرجع قبل غياب الشمس ويكون البر قريب من ابراج الجوال سبحان الله يجيه عراقي شيعي او سني علشان يتصل وانصحه لايشيل معه سلاح حيث ان السلاح يبي قلب جامد يعرف متى يستخدمه ويجب ان يكون هناك سبب وجيه لستخدامه ترى سلاحه يمكن يكون نقمه عليه وبعدين منطقه الشعبه من حفر الباطن حنى عرعر لايمكن في الوقت الحاضر ان سياره تدخل من نلك المنطقه لوجود عقوم نرابيه وخنادق حفر عميقه بعد كل عق وهناك اكثر من عقم صدقني الي شافه خويك من داخل السعوديه من اهل الجنسيه السعوديه الثانيه وهو ضيف عليكم بس انتم ماتعرفون الضيف من قطاع الطرق الله يخلف عليكم واسنغرب من جميع من رد عليكم وقال ان تصرفكم سليم ياخي والله عيب كل شخص يسير علينا في البرنهرب ونخليه ونقول عليه حرامي وقطاع طرق مايمنع اذا اشتكيت في اي شخص من طلب هويته اذا سمح لك اوكيه واذا رفض مايمنع مصارحته انك تشك في واضعه بس على شرط ان هناك دافع لشكك ماهو اي شخص يضيفك تطلب هويته مع العلم ان منطقه حفر الباطن يوجد بها الكثير من السعوديين من اصول عراقيه تم تجنيسهم قبل ثلاث سنوات فهم مواطنين ويمكن ضيفكم منهم مع السلامه

مشكووووور وما قصرت يابطل يا كايدهم يا مهجدهم الظاهر انت العريف بالفصل ايام الدراسه

ليس الخبر كالمعاينه الاخ جالس ورى الكيبورد واضغط من هالازرار يطلع لك رد عالم غريبه والله

والله ما تنام عيني والعراقي بجنبي ممكن اكون في لحظات طعام جحوش

خل الطيبه والمراجل على جنب ولا بعد اطلبه اثباته ما الومك الاخ شغال بالجوازات

[المقلع 9]

بارك الله فيك..

[خن بط]

اسمحو لي اقول ان خويك طقوع امسح ليش يطلع للبر وهو ماهو كفو للبر بس والله عيب يخلون ضيفهم بالبر وينحاشون والمصيبه اخذو البشت منه مادامهم ماهم كفو للخوه ليش يرحبون فيه من البدايه والله لو طردوه من البدايه كان اصرف لهم ياخي موضوعك مايستدعي هذا العنوان لعن ابو حيكم رميتو المرجله بسبب خيالاات باطله مادم عقولكم بهذه الدرجه انصحكم لاتطلعون للبر حدكم الراشد والمجمعات التجاريه لاتطلعون مره ثانيه يمكن تتعرضون الى عقارب او ديبان او سيل او قطاعه طرق او ذيب او حصني او عراقي هههههههههه

انا من وجهة نظري الخاصه الي مثل خويك افضل له لايطلع للبر حضن امه افضله من البر وبلاوايه والي ماهو قد المصاعب لايجازف انصح خويك لايطلع غير الضحى ويرجع قبل غياب الشمس ويكون البر قريب من ابراج الجوال سبحان الله يجيه عراقي شيعي او سني علشان يتصل وانصحه لايشيل معه سلاح حيث ان السلاح يبي قلب جامد يعرف متى يستخدمه ويجب ان يكون هناك سبب وجيه لستخدامه ترى سلاحه يمكن يكون نقمه عليه وبعدين منطقه الشعبه من حفر الباطن حنى عرعر لايمكن في الوقت الحاضر ان سياره تدخل من نلك المنطقه لوجود عقوم نرابيه وخنادق حفر عميقه بعد كل عق وهناك اكثر من عقم صدقني الي شافه خويك من داخل السعوديه من اهل الجنسيه السعوديه الثانيه وهو ضيف عليكم بس انتم ماتعرفون الضيف من قطاع الطرق الله يخلف عليكم واسنغرب من جميع من رد عليكم وقال ان تصرفكم سليم ياخي والله عيب كل شخص يسير علينا في البرنهرب ونخليه ونقول عليه حرامي وقطاع طرق مايمنع اذا اشتكيت في اي شخص من طلب هويته اذا سمح لك اوكيه واذا رفض مايمنع مصارحته انك تشك في واضعه بس على شرط ان هناك دافع لشكك ماهو اي شخص يضيفك تطلب هويته مع العلم ان منطقه حفر الباطن يوجد بها الكثير من السعوديين من اصول عراقيه تم تجنيسهم قبل ثلاث سنوات فهم مواطنين ويمكن ضيفكم منهم مع السلامه



يالشمري ماكن هالكلمه كبيره شوي

ههههههههههههههههههههه
الله يقطع بليسك

[الخيال2006]

الحمد لله على سلامتكم

[ابوعابد2500]

بارك الله فيك..

شاكر ومقدر مرورك من هنا

[العتل]

بيض الله وجهك على هذا التنبيه والله ناوين هذا الاسبوع على الشمال انا وراعي حمرور

[أبو_خالد]

يا جماعة الموضوع عطيتوه أكبر من حجمة

صحيح اللي ما جرب أو ماهو متعود على الناس الغرباء يمكن يدخله التوجس منهم وهذا يدفعه للحذر منهم!
أنا من حفر الباطن ونذكر قبل 10 سنوات ما نطلع للبر إلا ونشوف عراقي عابر الحدود وصار شيء طبيعي.
ولا أنكر جرائمهم , أعرف رجل بعد ما شغل العراقي عنده وأكرمه ، قام العراقي بقتله وسلبه وسرقة سيارته!

المهم .. خذوا الموقف هذا :
كنا عند الحلال سنة 1421 سنة الربيع
وبعد ما قام أهلي وناموا بالبركس .. أنا نمت بالسيارة وكنت وقتها بالثانوي وكانت أيام العقارب هواء نشيط وبارد جدا
قمت منتصف الليل تقريبا الساعة 2 وأرفع راسي مع القزاز وإلا هكالعراقي جالس في مجلسنا اللي كنا متعللين فيه ويتدفى على ما بقي من الجمر وجالس بالذرا اللي حنا حاطين.

بصراحة الوالد معه سلاح ، وأنا معي سلاح
لكن قلت .. خل هالمسكين يتدفى عن البرد وإذا فيه "حارش وارش" بيلقى اللي يضده

وبالفعل يوم قام الوالد لصلاة الفجر لقاه ولا قال له شيء .. لكن العراقي من تلقاء نفسه رااااح يكمل طريقه
وأرسلني أبوي بعد ما طلعت الشمس قال يمكن تلقاه بالعقم الفلاني عطه أكل .. رحت ولكن ما لقيته!!

فالمسألة ليست على إطلاقها .. فإذا كنت تسطيع أن تحمي نفسك منه فيما لو حصل ما يدعو لذلك فالرأفة به أفضل!
أما إذا دخلك الخوف والريبة منه فالكرم ماهو إني أجالس لي رجال الغالب عليه إنه غدار!!
وأرجو أن يعذرني الشمري في ذلك!!

الكرم معروفة أبوابه .. وقصة الإخوان هذي ما فيها أي داعي للكرم .. رجال ينزل من سيارة جيب ووضعه مريب .. وتقول لي قلبي فضيخ لأني ما أرتحت له!

الناس لهم أفكار وإنطباعات تختلف .. فلو أتاك ضيف في بيتك وصدر منه ما يدعو للريبة لأخذت حذرك منه .. ولا ترتاح لهذا الضيف الثقيل ، ولولا خوف المذمة من الناس لطردته من بيتك!

[الدرب البعيد]

للأسف حقيقه شيء مؤسف الذي اقراءة من ردود بعض الاخوان
يااخوان انتم بمنتدى عام ومن المؤكد ان هذا المنتدى به عدد كبير من الاخوان العراقيين
يجب ان نحترم انفسنا حتى نكون محترمين من البقيه

ولايصح ان نعمم ونحكم على جميع العراقيين بالسؤء فالعراقيين فيهم رجال بكل ماتعنيه الكلمه من معنى الرجوله رجال ذو مذهب سليم ورجال و ذو اخلاق رفيعه ولديهم من العزه والكرامه الشيء الكثير ولكن الضروف المعيشيه الصعبه اجبرتهم على الهروب من ديارهم طلبا للرزق الحلال.

[نجم حفرالباطن]

الحمد لله على سلامتكم
فعلا هذي المشكله بمكشات الشمال خاصه اللي يقرب يم الحدود الله يستر عليه


نفس الحكايه ايضا احبتي لما نزلنا وطقينا خيمتنا
الا وحصلنا اثنين جايين يساعدونا بالطق وسالناهم الا هم عراقيين جلسوا عندنا وعشيناهم بعدها مشوا واعطيناهم من الاكل اللي عندنا
والحمد لله ماجانا اي شى ولا هاجوس ولا اي شى
المفترض اللي من اهل الحفر والشمال يكون الامر هذا عنده عادي من الكثره اللي يواجهم هناك

[naharyfa]

وقانا الله وإياكم الشر