((ديدان الرئة ))

[خالد ماغير]

مسا الخير ....
اتمنى من الاخوان الافادة .
هل تذبح الطير .؟
العلاج الافضل والفعال .؟
مدة العلاج وهل يجب ان يرتاح الطير فيها.؟
وهل ديدان الرئة مرتبطة بالاكياس الهوائية للطير.؟
الله لا يهينكم..

[alkreze]

والله وانا اخووك ما عندي علم

والأخوآن ماراح يقصروون معك

[qtr5]

ابره جرب مقدار بسيط ... بس ماني بخابر المقياس

الشباب يفيدونك

[بوغلب]

السلام عليكم ...
انا صراحه استخدم "ايفوميك" Ivomic منذ 5 سنوات والحمدالله جميع طيوري وطيور الربع سليمه 100%
الأيفوميك يستخدم لجميع انواع الديدان والفطريات والقمل والخ .... اعزكم الله
الأيفوميك صنع هولندي او امريكي او مصري ... تتعدد الدول المصنعه
استخدم ابرة السكري واسحب .1 فقط واحقنها بالثنداة بطريقه مائله /
كرر الجرعه بعد 14يوم لضمان موت جميع الديدان حتي اذا كان هناك بيض للديدان
انا شخصيا استخدمه عند المقيض وبعده ووسط المقناص والطيور الحمدالله في احسن حال
والله الموفق



ديدان الرئه هي الي تخلي الطير مايرتفع بس هذي تبين عقب ماتمكن الدود من الطير ... الأيفوميك الحل الأسهل والأقوي والقوي الله والفعاااااااااااااااااااااال

[العمراني]

سلام عليكم اخووي فيه دوا بل الصيدليه اسمه فير مكس بل انقلش هو علاج للاطفال من الدوود اشري ابره وحط نصها من الدوا وبعد ما الطير يرووبج عطيها من اثمه مره وحده وادعلي واسقه ما لانه يعطش واصبر ست ساعاات بعد ما يطلع الدود وعطه علف ثندات حمامه من دوون رقبه

[..@القناص@..]

النشاما ماقصروا

[صاحب نوماس]

استخدم ابرة دوووود اليوم وبعد اربعة ايام استخدم الثانية
لاتهمل الثانية حتى لو طاب الطير لان الاولى تريحة ماتذبح الدود كلة بس الثانية ان شاء الله يقوم بالعافية
وان شاء الله طيب الطير ترى الامر بسيط

[خالد ماغير]

جزاكم الله خير على هالمعلومات الوافية وماقصرتوا :بو غلب ,العمراني .صاحب نوماس.و
ولا يهونون اللي تفاعلوا مع الموضوع .شاكر لكم.
وعندي سوال :اذا تمكن الدود من الطير هل يبقى معه ,اويذبحه .
والحبوب اللي يصرفونها المستشفى بالرياض هل هي فعاله او الابر افضل.